مشكلة جننتنى ومش علرف اعمل اية

**sikonsadek** · 31-07-2011 01:40 AM

السلام عليكم ورحمة الله وبركاتة

مع سيارة دايو لانوس 1 مو 2000

المشكلة ان العربية ممكن تبقى ماشية وتقف لوحدها اروح اسيبها شوية واول ماجيب الكهربائى العربية تدور لحد اخر مرة

روحت جبت الكهربائى وغيرت الطلمبة مع ان الطلمبة القديمة شغالة 100/100 الجديدة مااشتغلتش غيرت التكاوت

والفيوز بردو مااشتغلتش ومرة واحدة اشتغلت وصلات الكهرباء للفيشة اللى وراء جيدة حد قابلتة المشكلة دى ويقولى

عمل اية ولا العربية بتشتغل بمزاجها

**biomedo** · 31-07-2011 03:03 AM

المشاركة الأصلية كتبت بواسطة sikonsadek

السلام عليكم ورحمة الله وبركاتة

مع سيارة دايو لانوس 1 مو 2000

المشكلة ان العربية ممكن تبقى ماشية وتقف لوحدها اروح اسيبها شوية واول ماجيب الكهربائى العربية تدور لحد اخر مرة

روحت جبت الكهربائى وغيرت الطلمبة مع ان الطلمبة القديمة شغالة 100/100 الجديدة مااشتغلتش غيرت التكاوت

والفيوز بردو مااشتغلتش ومرة واحدة اشتغلت وصلات الكهرباء للفيشة اللى وراء جيدة حد قابلتة المشكلة دى ويقولى

عمل اية ولا العربية بتشتغل بمزاجها

انا حصل عندي حاجه قريب من كده بس و اتنين ميكانيكيه معرفوش السبب و يقولولي العربيه مفيهاش اي حاجه ساعات الكاسيت يفصل وانا ماشي و العربيه تفصل مني او متدورش اساسا

وكشفت على الفيوزات بالافو لاقيتهم سلام و بالصدفه فكيتهم كلهم وركبت جداد بنفس الترتيب و المشكله اتحلت والحمد لله وكان السبب ان كان فيه فيوز سايب من مكانه و انا مش واخد بالي

**sikonsadek** · 31-07-2011 03:40 AM

المشاركة الأصلية كتبت بواسطة biomedo

انا حصل عندي حاجه قريب من كده بس و اتنين ميكانيكيه معرفوش السبب و يقولولي العربيه مفيهاش اي حاجه ساعات الكاسيت يفصل وانا ماشي و العربيه تفصل مني او متدورش اساسا

وكشفت على الفيوزات بالافو لاقيتهم سلام و بالصدفه فكيتهم كلهم وركبت جداد بنفس الترتيب و المشكله اتحلت والحمد لله وكان السبب ان كان فيه فيوز سايب من مكانه و انا مش واخد بالي

هحاول اجرب موضوع الفيوز دة وربنا يسهل الف شكر على المرور

**swimmer25** · 31-07-2011 09:37 AM

بص يا باشا لو منفعش موضوع الفيوز لانها حصلت معايا مرة وشلت ركبت الفيوزات كلها والمشكلة اتحلت بس بعد كده رجعت تاني

انا كان عندي الاشارات بتفصل وترجع بمزاجها لحد ما فصلت خالص ومبقتش تنطق ووكمان نور الصالون مكنش بيفتح مع باب السائق

فيه ورا علبة الفيوزات فيش كهرباء كتير...الفيش دي ساعات بتبقي ملمسة او مرعشة بس وتتهز مع الحركة تخلي الدنيا تفصل وترجع تاني لان صناعتها وحشة

رحت لكهربائي وهو اللي اكتشف الموضوع ده مع ان كان فيه كهربائ تاني قالي هنفك الطابلوه كله
المهم عملي كوبري فوق الفيشة والاشاشرات بطلت تفصل تاني

لو منفعش الفيوز لان برده ممكن يتحرك من مكانه من مطب جامد...بص علي الفيش دي

**sikonsadek** · 31-07-2011 10:07 PM

روحت للكهربائى وبعد معاناة مع العربية طلع ان سلك العوامة مملح اللى واصل من علبة الفيوزات للفيشة اللى وراء وغيرة ولسة هنشوف وكل سنة وانتم طيبين جميعا ورمضان كريم