الموضوع: نوارة نجم اللي ما بتحبوهاش - ان الله لا يهدي كيد الخائنين

المشاركة الأصلية كتبت بواسطة mahmoudysf

بصراحة شايف ناس ردت بعيد عن الموضوعية
برغم اتفاقي او عدم اتفاقي مع البنت دي
لاكن انا شايف انها بتسرد احداث واسماء ناس كمان
ولو الكلام ده صحيح فده بيكشفلنا ان بعض الشخصيات زبالة لا والناس متعصبالها من غير ما تعرف اللي بيحصل في الكواليس ده(على فكرة الناس المقصودة هنا معظمهم مترشحين للرئاسة)
لاكن هي اتعرضت لكل شيء ولم تتعرض لحماقات 6 ابريل

لا تتخيل كم الاندهاش اللي اندهشته بصراحة , اول مرة اشوف سرد احداث يتعلق عليه انه (هبل) او (كلام فارغ صادر من مخ راكب غلط) علما انه زي ما بتقول مثلا فيه ما يدين حملة البرادعي اللي مش بيحبوها كثير من الاخوة برده , بس اهم ما قروش اصلا , او على الأقل قروا بأعصابهم مش بعقولهم, و بيدين البسطاويسي بفظاعة , بس طالما الكلام طالع من ال(........*) دي يبقى ولا نعرفه مهما كان فيه ايه

المشاركة الأصلية كتبت بواسطة airforces

السلفى مدان حتى تثبت براءته
والله المقال اقل ما يقال عنه انه واحدة متغاظة جدا كانت بطلع غيظها مش اكتر فعمالة تخبط وخلاص

نصيحة حاول تقرا التدوينة بعقلك مش بأعصابك لأن فيها كتير جدا و اكتر بكتير من مجرد تعليق (واحدة متغاظة) ده , او تعليق (السلفي مدان) هو كمان

ما افتكرش يا باشمهندس تامر ان ظنك هيخيب
اكيد ناس كتير هتهاجم واكيد مش عاجباها الكلام زيى كده .
بس المشكلة انه عاجبك وبتدافع عن المقال ومعجب بيه .طبعا دى حريتك الشخصية وقناعتك اللى محدش يقدر يدخل فيها .
بس انا امبارح ساْلتك سؤال وانت ما ردتش ورد عليا زميل اخر سلفى m3 dolphen.
انا ساْلتك هل كل السلفيين على اتصال ببعض وهل كلهم ينتموا لحزب النور ؟
او بمعنى اصح هل كلهم لهم قيادة تقدر تتكلم معاها وتتفق كمان ؟
والزميل قال ان مش كلهم اللى ينتموا لهذا الحزب بل كتير منهم لا ينتموا ليه لان غرضهم العلم وليس السياسة والاحزاب .
يبقى صعب انك تتفق معهم على اتفاق واللى نوارة نجم بتقوله اصلا صعب تصدقه هتتفق مع مين ولا مين .
مع اللى فى القاهرة ولا باقى المحافظات من بنى سويف والمنيا واسكندرية وغيرها .
وانا رايى ان المتهم برىْ حتى تثبت ادانته وعلى من ادعى ان ياْتى بالبينة صح ولا غلط .
اللى هيه بتقوله ده كلام مرسل ايه الدليل على صحته .
وحتى لو صح انا مقتنعة انهم ما اتفقوش مع كل الناس السلفية او الاسلامية .
يبقى صعب نذم فيهم ونتهمهم انهم زى اليهود ناقضى للعهود .
وانا مش هتكلم عن رايى فى نوارة نجم كل واحد له طريقة للتفكير ومنهج فى حياته سواء صح او غلط هوه حر .
ولا هانقد فى طريقة الكلام والشتيمة وخلافه لانى ليا تحفظات كتيرة على اسلوبها .
ده رايى يحتمل زى ما قلت لك الصواب والخطاْ
اسفة للاطالة

اخيرا كلام موضوعي ؟ احمدك يا رب :s
اللي انا فاكره اني جاوبتكم و قلت اكيد لأ , لكن واجب اللي اتفق (و الاخوان نفسهم قالوا ان بعض التيارات الاسلامية حنث بعهده) كان انه يتبرأ و ينسحب او اضعف الايمان انه يصدر بيان ادانة
الجديد هنا انها ذكرت عبد المنعم الشحات بالاسم و قالت ان هو شخصيا متفق معاهم في حين ان هو شخصيا نفى , دي جديدة عالزيرو و لسه ما اتلينتش