السلام عليكم
انا انشاءالله هحجز جين 2 بس عايز اعرف هي هتنزل كامبرو ولا cps لان ال cps بيبقي 125 حصان مش 110 وشكرا
عرض للطباعة
السلام عليكم
انا انشاءالله هحجز جين 2 بس عايز اعرف هي هتنزل كامبرو ولا cps لان ال cps بيبقي 125 حصان مش 110 وشكرا
مبروك مقدما طبعا
هيا بتنزل كامبرو عادي اللي هيا 110 لان السي بي اس نسبته عالية في الانضغاط وبتحتاج اكتان اعلى على حسب كلام التوكيل اللي بصراحة شكله بيفتي فيها
هههههههههههههه , هوا شكله فتي فعلا لان فيه بنزين 95 في مصر وممكن ينزلوه و يقولوا لازم 95 زي الفولكس tsi كده ,, بس انا محتااار بينها و بين الاكسنت rb مش عارف اختار اييه بصراحة
التوكيل مش بيفتي .....
بتوع بروتون نفسهم هما اللي قالوا الكلام ده على فكرة
و أنا أعتقد أن سعر السي بي أس عالي علشان كدا برتون مكتفية بالكامبرو العادي علشان تقدر تنافس
اشكركم علي الرد السريع ,, ويا استاذ توت انا من تصفحي للموقع وجدت مشاركات وفيدة ومواضيع جميلة جدا عن البروتون .. ف ممكن اسئل حضرتك اشتري ال جين 2 ولا الاكسنت rb ؟؟
لازم تسأل أصحاب الأكسنت عن العربية و تشوف المقارنة بعد كدا لصالح مين فيهم حسب أحتياجاتك
و لكن إن كان علىّ أنا ........... أنا أشتريت عربيتين بروتون جين 2 ....... و مفيش عربية مالية عيني غيرها ( ليّ أنا شخصيا)
أنا مستريح مع العربية جدا و حابب العربية جدا و دي أهم حاجة عندي
مميزات العربية كالتالي :
ثبات عالي (عفشة متوسطة النشوفية - نظام تعليق خلفي مستقل )
عالية مش بتحك في أي مطب .
كماليات كتيرة .
شكل حلو . ( أذواق )
موتور قوة حلوة قوي و الفتيس ممتاز .
بالنسبة للأكسنت الجديدة معرفش عنها أي حاجة غير أني بشوفها في الشارع فقط لا غير.
بس مواتير هوينداي عموما ........ رائعة في السحب و الفتيس بيكون رائع و مستجيب
و عربيات هيونداي عموما ناعمة في العفشة ( بيأثر شوية على الثبات ) بس أحنا مش في حلبة سباق يعني .
أعمل موضوع في قسم المقارنات و أسمع من أصحاب العربيتين عن مميزات و عيوب كل منهم علشان تخرج برأي سليم أو أقرب للصحة .
و في الآخر شوف أنت حابب أيه و هاته .
شكرا يا استاذ توت و انا هعمل موضوع في قسم المقارنات و ربنا يبارك في حضرتك
يااستاذ توت انا اقصد ان موتور سي بي اس ده مش موتور مرسيدس ولا هو اقوى موتور في العالم علشان مينزلش في مصر
لو برتون هيا اللي مش بتنصح انه ينزل مصر هما احرار لكن مفيش حاجة اسمها مينفعش في مصر علشان البنزين
يبقى التوكيل بيفتي ولا لا؟؟