طلب إستشارة حول FSV و Jac B15 و لانوس

الحقيقة أنا فى حيرة من أمرى
أنا معايا دلوقتى 75000 ومحتار بين الثلاث سيارات
وعندى عدة أسئلة بسيطة عن الثلاث سيارات علشان أكون على بينة من أمرى

• هل هناك فرق كبير فى أسعار قطع غيار السيارات الثلاث
• هل ممكن عمل الصيانة الدورية بره التوكيل بكفاءة ولا لازم التوكيل
• ما الذى يميز التوكيل عن غيره من مراكز الصيانة
  
• ما هو أحسن أداء للتكييف فى الثلاث سيارات
• بالنسبة للسحب والعزم مين فى الثلاثة
• بالنسبة للثبات وعوامل الأمان وقوة أداء الفرامل

الحقيقة ناس كتير ممكن تعترض على إدخال الانوس فى تلك الأسئلة ولكن أنا ميال ليها رغم عدم توافر أوبشنز كتير فيها وإنتشارها الرهيب - ولكن فى المقابل قطع الغيار أعتقد رخيصة على حسب كلام الناس ده غير أصبحت معروفة لأغلبية الميكانيكية

انا ممكن افيدك فى ال fsv واللانوس (بعتها بعد 3 سنين)
قطع الغيار -اللانوس ارخص طبعا
صيانة برة - اللانوس اسهل عشان بقالها 14 سنة فى مصر
اى توكيل زيه زى مراكز الخدمة المعتمدة وان كان الاخير ارخص شوية فى المصنعيات
تكييف اللنوس مش بطال بس مش زى ال fsv طبعا وبيقلبها بطة بلدى على عكس ال fsv مبتحسش قوى بفرق
سحب وعزم اكيد ال fsv فرق حصنة كتييير
ثبات وفرامل وامان اكيد مش لانوس
ارجو انى اكون افدتك

طيب ممكن مثال على أسعار قطع غيار ال fsv و الانوس
كمثال مش أكتر

الجاك تتفوق فى المستوى الخامات المستخدمة و اناقة الصالون و الوسع الداخلى و قوة التكيف و السحب و الشكل العام
ال fsv سيارة محترمة جدا و سحبها زى ما ملكها بشكروا فية و التكيف حسب كلامهم ممتاز و شكلها رياضى أكثر
قطع الغيار اسعارها أعتقد مش هيكون فى إختلاف كبير بينهم
الصيانة بالنسبة للجاك حالياً فى التوكيل فقط لو تغير زيت وفلتر ممكن يكون فى ورشة خارجية
شوف إنت مستريح لاى منهم و توكل على الله

طيب هوا مين توكيل الجاك ؟

اختياراتك جميلة والانواع دى كلها محترمة جدا بس نصيحة منى فكر فى بى واى دى f3 وموش هتندم
يعنى اقرا عنها شوية فى النت واركبها واسال اصحابها
ورمضان كريم

توكيل جاك هورس موتورز فى المهندسين فى شارع البطل أحمد عبد العزيز مع جامعة الدول العربية

هورس موتورز ده إللى جنب سيراميكا كيلوباترا - قدام سبورتس كافيه ؟؟
صح كده ولا أنا غلطان

ال بى واى دى f3
والله جميلة اوي اوي علي فكرة لما ركبتها تاكسي ... كانت ناعمة اوي اوي و عفشة جميلة اوي
اما البرليانس اللي معايا اتوماتيك فهي حلوة جدا جدا و توكيل غني عن التعريف .. و مفيش اي مشكلة الحمدلله في حاجة معينة

فعلا ال byd f3 جميلة من جيث الأداء والنعومة وصوت الموتور و التكيف و الباور والفرامل وإستهلاك البنزين ................ ولكن

مع إحترامى لكل ملاكها المسألة مسألة أذواق ..... مش ميال ليها خالص سواء من جوه أو من بره .... لكنها جميلة مش وحشة

اقتباس:

---

المشاركة الأصلية كتبت بواسطة i_samy

هورس موتورز ده إللى جنب سيراميكا كيلوباترا - قدام سبورتس كافيه ؟؟
صح كده ولا أنا غلطان

---

صح

أحد أصدقائى قالى خبر عن البريليانس وهو إن bmw إتفقت مع شركة بريليانس الصين لتوريد عدد 500 سيارة fsv فى الشهر فقط لمصر و طبعا التسليم بأسبقية الحجز وده إللى يفسر عدم توافرها لإن الدفعات الواردة لا تتناسب مع أرقام الحجوزات .... هل الكلام ده صح ولا ؟

اقتباس:

---

المشاركة الأصلية كتبت بواسطة i_samy

أحد أصدقائى قالى خبر عن البريليانس وهو إن bmw إتفقت مع شركة بريليانس الصين لتوريد عدد 500 سيارة fsv فى الشهر فقط لمصر و طبعا التسليم بأسبقية الحجز وده إللى يفسر عدم توافرها لإن الدفعات الواردة لا تتناسب مع أرقام الحجوزات .... هل الكلام ده صح ولا ؟

---

بص يا باشا
انا من يومين بالضبط روحت سألت فى التوكيل اللى ى القطاميه و قابلت مسئول المبيعات و سألته عن fsv و عن سعرها و الوضع وقال التالى نصا
السيارة لم يتم تحديد سعرها و لكنها هاتكون أغلى من السعر الماضي سألته فى حدود كام قالى يمكن تزيد 3000 او 5000 تقريبا بس ده كله تكهنات بقيمة الزياده
و سألته ان بعض المعارض بدأت حجز
قالى هذة سرقة لان الوكيل نفسه لم يحدد السعر و لم يخرج عربية يبقى أزاى تحجز من غير ماتعرف سعر العربية كام
قلتله طيب العربية هاتنزل أمتى
قالى علي أخر الأسبوع القادم أسأله فى التليفون ممكن يكون الحجز بدأ و تحدد سعر السيارة
قلتله طيب انا عايز أشتريها قسط ينفع أحجز
قالى تحجز بس قبل الأستلام بأسبوعين و قالى أن الأستلام هايكون فى شهر 10 أن شاء الله
سألته كمان علي أشاعه ان التوكيل هايتساب من البافارية فنفى بالشده و قالى بالعكس هايكون هناك تطوير و مراكز خدمة زياده
وده طبعا ينفى كل الكلام اللى قاله صديقك
و هذا بالفعل ما تم بينى و بين مسئول المبيعات

السلام عليكم

ممكن اى حد يعرف رقم تلفون التوكيل او العنوان يكتبهولى

واكون شاكر جدا وكل سنة وانتم طيبيبن

:biggrin2:

اقتباس:

---

المشاركة الأصلية كتبت بواسطة tamer_418

بص يا باشا
انا من يومين بالضبط روحت سألت فى التوكيل اللى ى القطاميه و قابلت مسئول المبيعات و سألته عن fsv و عن سعرها و الوضع وقال التالى نصا
السيارة لم يتم تحديد سعرها و لكنها هاتكون أغلى من السعر الماضي سألته فى حدود كام قالى يمكن تزيد 3000 او 5000 تقريبا بس ده كله تكهنات بقيمة الزياده
و سألته ان بعض المعارض بدأت حجز
قالى هذة سرقة لان الوكيل نفسه لم يحدد السعر و لم يخرج عربية يبقى أزاى تحجز من غير ماتعرف سعر العربية كام
قلتله طيب العربية هاتنزل أمتى
قالى علي أخر الأسبوع القادم أسأله فى التليفون ممكن يكون الحجز بدأ و تحدد سعر السيارة
قلتله طيب انا عايز أشتريها قسط ينفع أحجز
قالى تحجز بس قبل الأستلام بأسبوعين و قالى أن الأستلام هايكون فى شهر 10 أن شاء الله
سألته كمان علي أشاعه ان التوكيل هايتساب من البافارية فنفى بالشده و قالى بالعكس هايكون هناك تطوير و مراكز خدمة زياده
وده طبعا ينفى كل الكلام اللى قاله صديقك
و هذا بالفعل ما تم بينى و بين مسئول المبيعات

---

هو الكلام على FSV 2012 ؟؟؟ أصل أنا سألت على FSV 2011 إللى سعرها 75000 مانيوال أو 82000 أوتوماتيك ......

رقم تليفون التوكيل 16224

حط فى بالك الانوس تكنولوجيا نكنولوجيا تسعينات كل اللى بتتكلم فية تكنولوجيا الفينات اكيد فى تطور فى ال10 سنوات دول.
فرامل الانوس فعلا ضعيفة ليها تعديلك بيحسن الفرامل مليون الميه بتغير فرامل ورا ديسكات بدال طبل وهيبقى معاك فرامل وهمية دى نقطة .
كون انها بقالها 10 سنوات منتشرة يعنى ارخص قطع غيار وميكانيكية كتيييير نظاف حفظينها من الالف للياء.
خد بالك لو ركبت عربية لسة موديل جديد مفيش ميكانيكى هيلمس العربية لانهم لما بيصدقوا مديل جديد يجربوا في ويبقى حقل تجارب لية فا تنسى تعامل الميكانيكة وتوكيل يا مراكز خدمة محترمة معدمة فقط .

من الاخر شوف اية احتياجاتك من العربية كأستخدام ومتطلباتك منها ونقطة مهمة انت انهى عربية هتبقى مانسبة ليك ومزينيتك تبقى متظبتة معاها والله هو الموفق انا بس عندى كام معلومة للانوس فاحبيت افيدك فيهم يمكن يكونزا مهمين بالنسبة لحضرتك .
وكل عام ونتم بخير

شكرا يا عزيزى zocor742 على إهتمامك

هل ممكن تركيب قطع من ال fsv على frv والعكس زى مثلا لو حبيت أغير فانوس ال frv بفانوس fsv يركب ولا ممكن يختلف ؟

اقتباس:

---

المشاركة الأصلية كتبت بواسطة i_samy

هل ممكن تركيب قطع من ال fsv على frv والعكس زى مثلا لو حبيت أغير فانوس ال frv بفانوس fsv يركب ولا ممكن يختلف ؟

---

ممكن بس الفوانيس الخلفية مختلفة تماما العفشة و الميكانيكا واحدة