ط§ظ„ظ‚ظˆط§ط¹ط¯ ط§ظ„ط.ط³ط§ظ† ظپظٹ ط£ط³ط±ط§ط± ط§ظ„ط·ط§ط¹ط© ظˆط§ظ„ط§ط³طھط¹ط¯ط§ط¯ ظ„ط±ظ…ط¶ط§ظ†
==========================
ط§ظ„ظ‚ظˆط§ط¹ط¯ ط§ظ„ط.ط³ط§ظ† ظپظٹ ط£ط³ط±ط§ط± ط§ظ„ط·ط§ط¹ط© ظˆط§ظ„ط§ط³طھط¹ط¯ط§ط¯ ظ„ط±ظ…ط¶ط§ظ†
==========================
قواعد تعين على اغتنام رمضان - منتديات صوت القرآن الحكيم
==============================
كيفية اغتنام رمضان للشيخ وجدي غنيم - قسم خاص بالحوارات الحية و ورشات زيزوم التعليمية
===========================
جزاك الله خيراً
لسه والله بس عايز اعمل برنامج محترم ومش عايز اعدي رمضان كده
ممكن اقعد انا وزجتي الغاليه النهارده ونظبط
ربنا بس يبارك في الوقت عشان انا اصلا مطحون وعندي شغل اضافي كتيير
ادعولي ربنا يبارك في الوقت ومضعيش وقتي في اي حاجه تانيه عشان الفتره اللي فاتت دي مش عارف اشتغل خالص وعندي مشاريع كتيير كنت بدعي ربنا انها تجيلي ودلوقتي بفضل العب واقعد علي المنتدي وفيسبوك ومش بعرف اشتغل خالص
جزاكى الله خيرا
الدال على الخير كفاعله
جزاك الله عنا خيرا
اللهم اجعله فى ميزان حسناتك
amado,tarek,moh. ولكم مثله : )
عايز يبقي ليا انا وزجتي حاجه يوميه نعملها سوا يعني رمضان اللي فات كنت بقيم الليل بيها بس مش كتيير يعني ركعتين ولا 4 بالكتيير ومعندكيش فكره كان بيبقي احساس رائع وانام بعدها كاني ملكت الدنيا وما عليها
نفسي اعمل الموضوع ده بشكل يومي ويبقي في قراءه القران وكل واحد يقرا حاجه يقولها للتاني وكده
انا زهقت من الدنيا ومشاكلها لدرجه اني يوميا مش اقل من ساعتين عمال اتخيل واحلم بالشقه والعربيات الواو اللي عمرها ماهتيجي وافضل امني نفسي واجيبها ازاي وادخلها مصر ازاي وارخصها ازاي وهروح بيها فين وابقي محتار كمان اجيب بي ام ولا اودي ولاميرسيدس وهعمل ايه بيهم وحاجات كلها هبله وبقت مسيطره علي تفكيري لدرجة اني حاسس ان بقي ينطبق عليا الحديث الشريف اللي بيقول من اصبح وهمه الدنيا جعل الله فقره بين عينينه
نفسي انسي الدنيا خاااااااااااالص
يارب قويني اني اطلع من رمضان غير اللي انا عليه خالص
ممكن تشوفوا هذه الخريطه الذهنيه
هو طبعا فى حاجات ممكن تكون مش مناسبة للبعض
انما ممكن يتم تعديل الغير متاح مع اخذ الفكرة العامه
و بالمناسبه هذا من مدونة منذر اسامه
http://www.monzerosama.com/wp-.........12/image12.png
جزاك الله خيرا .وبارك الله فيكى
بارك الله فيكم
fwبص بقى هو مش عيب الواحد يحلم بحاجات كبيرة وكل ما كان طموحك كبير جدا هتحقق حاجات كبيرة ولو طموحك صغير هتحقق حاجات صغيرة قوى او ولا حاجة
بس لازم برضه الحلم يكون فى حدود المعقول :bump2:
وانا مش شايفة ان بى ام او مرسيدس حلم فظيع وحرام ومستحيل لأن شفت ناس ظروفهم وحشة جدا وصعبة جدا وبنا اعطاهم حاجات مكانوش عمرهم حتى يشوفوها فى الحلم وهم نايمين لأن كرم ربنا اكتر مما تتخيل
بس استصحب نية صالحة فى حلمك زى ان مثلا يكون عندك عربية فخمة عشان يبقى شكلك كمسلم غنى وانت بتنفق فى سبيل الله اهو ومش ناسى ربنا ومعترف بفضله عليك انك راكب عربية اخر موديل بس ملتزم بسنة النبى عليه الصلاة والسلام ومفيش فى قلبك كبر على الناس خالص وعمال تستخدمها فى طاعة الله بتلف بيها عللى بيوت المساكين توزع من الخير اللى ربنا اعطاه ليك اكيد فى افكار كتير زى كده واحسن من كده
بس مش التمنى اللى يخلى الواحد ناقم على وضعه ومش راضى بحاله ومش واخد باله من نعم ربنا عليه فيكون مثلا عنده عربية نص عمر وزعلان مع ان غيره مفعوص فى الميكروباصات او يكون ساكن فى شقة ايجار وزعلان مع ان شفت بعينى كذا اسرة ساكنة فى شقة حجرتين لأن مش معاهم فلوس يدفعوا ايجار كامل للشقة
احلم واسعى ان الحاجة تيجى وادعى وهى هتتحقق
انا اعرف واحد لما اتجوز مكانش حتى عنده شقة وعفش وبعد 15 سنة من الشغل بره فى مكان مرموق ربنا رزقه بيه جاب شقة فى ارقى مكان هنا فى البلد جوه عمارة بس عبارة عن فيللا دورين وجاب عربية 4 *4 ومش مصدق نفسه اصلا
محدش يقدر يعيش من غير حلم بس عملت ايه عشان تحققه اكتب الأسهل اللى ينفع يتحقق الأول واعمله هيديك دفعة تحقق الأصعب متقعدش تحلم وخلاص وتقول حاجات مستحيلة وعمرها ما تحصل
انا شخصيا والحمد والفضل لله كان نفسى فى حاجة سنين يمكن الحاجة دى عند ناس كتير بس ظروفنا مكانتش تسمح بيها قصيت صورتها ولزقتها فى اوضتى مش هوصفلك اصحابى قد ايه كانوا بيتريقوا عليا ويقولوا ان الحاجة دى هاخدها فى الجنة بقى فاكرة ايه انك هتقدرى تجيبيها
وانا نفسى كنت عارفة هى صعبة بالنسبة لوضعنا قد ايه لكن ظنيت بالله انه اكيد اكيد هيديها لى فى يوم من الأيام حاولت احوش مع انى عارفة ان الفلوس اللى بشيلها دى متجيش حتى قرب خمس تمن الحاجة دى بس كان عندى حلم ومش عايزة ايأس سعيت كتير وفشلت وربنا حقق لى الحاجة دى بس بأحسن منها بكتير بعد سنين حوالى 15 سنة ما شاء الله لا قوة الا بالله يمنك سنين كتير بس لحظة ما بقت ففى ايدى مبحاولش افتكر التعب اللى فات و بشوف فيها فضل ربنا وكرمه وازاى الأسباب بتقع وتختفى لما هو يعوز حاجة تحصل وده ادانى طمع اكتر فى فضل ربنا وان مفيش حاجة اقول بعيد تتحقق اطلبها وتتحقق بعد سنين او اخد احسن منها فى الاخرة ان شاء الله برضه انا الكسبانة بس محدش يتريق عليا ويحاول ياخد منى حقى اللى ميقدرش حد ياخده مهما عمل حقى فى الحلم والتخيل
وجميل قيام الليل مع الزوجة وقيام الليل يتحقق ولو بركعة بعد العشا فالمهم الكيف عن الكم بس مبتروحش التراويح ولا ده فوقهم؟؟
mtak الموقع مش بيفتح معايا
احيييكي علي رايك اللي كل مره اجمل من اللي قبلها
انا الحمد لله بروح اصلي التراويح وامام كمان
معاك حق في كل كلامك انا عن نفسي مش بحلم من فراغ لاني عارف ان كل احلامي دي متعلقه بمشروع واحد بس يجيلي زي المشاريع اللي بتيجي للشركات الكبيره
يعني عارفه انا بعمل مشاريع ممكن بالف ولا الفين دولار وببص في الشركه اللي انا فيها بلاقي مشاريع قدها او اصغر منها بنص ولا بمليون دولار وده طبعا عشان شركه كبيره واسم وحركات
لو حد من بره يعرفني كويس ويديني شغل العمليه هتزهزه معايا
ومره تانيه احييكي علي كلامك الرائع
اعتذر عن هذا الخطأ غير المقصود
و هذا رابط الموضوع نفسه بالمدونة
ط¥ط¨ظ†ظگ ط.ظٹط§طھظƒ ظˆط§ط±طھظ‚ظٹ ط¨ط°ط§طھظƒ … « ظ…ط¯ظˆظ†ط© ظ…ظ†ط°ط± ط§ط³ط§ظ…ط©
الكلام ده عشان كنت كمان لسه متأثرة بكتاب قريته حاول تقراه كده اسمه (اكتب سيناريو حياتك )
لدكتور عطا بركات
الخلاصة انك بترتب احلامك من حيث سهولة التنفيذ الآن وقلة التكاليف والوقت والجهد والفوائد وبيقول ان حلمك بيعتمد عليك انت
بس برضه انا عايزة اسألك دور جواك انت ليه عايز بى ام يعنى الواحد بيحقق المراد بأنه يركب عربية زيرو مكيفة متوديهوش عند الصنايعية ويتمتع بالتكييف وتوديه مطرح ماهو عايز وممكن ده يبتدى من 60 الف ولا حاجة فليه نحاول نحققه بنص مليون
هل احيانا بيبقى نفسنا فى الحاجة لمجرد ان ده مقياس الناس مثلا يعنى لأن الناس بتهتم بالمظهر اكتر من الجوهر؟؟ هل حد قابلناه فى حياتنا عاملنا بتكبر لمجرد انه غنى وده اترسب فى عقلنا الباطن فعاوزين نبقى زيه او احسن منه ؟؟
هل فعلا البى ام فيها حاجات تستاهل انك تدفع فلوس كتيييير قوى كده لو الفلوس دى معاك
يعنى انا مثلا بحب قوى البى ام اكس 3 ورحت اتفرجت عليها وركبتها انا حباها وكل حاجة بس فكرت وانا قاعدة جواها فى امكانياتها هل تستاهل لو معايا فلوس ادفع المبلغ ده لمجرد انها بى ام ولا شكلها يستاهل ولا عشان اسمها وخلاص زى ما تشترى قميص فى واحد شبهه بنص تمنه ؟ ولا هى فشخرة مثلا ايه هو السبب الحقيقى احيانا بيتهيألك انك عايز الحاجة بس انت فى الحقيقة عايز سبب من وراها اظن فاهمنى ؟
انا مثلا اشتريت موبايل مستعمل ب الف ونص بعدين اشتريت موبايل بالفين وكنت جايبة واحد قبلهم كمان بعدين التلاتة مع بعض ميجيبوش دلوقتى 500 جنيه وفكرت طب هى خسارة الفلوس دى ليها سبب مقنع يعنى الموبايل اللى بيتشرى هيفرق فى امكانياته ولا منظرة وقررت اشترى موبايل يكون فى كل حاجة ومش هغيره الا لما يبوظ واشترى حاجات اهم وفعلا مش فى كامرتين وبيدخلنى عالنت وبطلب الناس وفى فيديو و الخ الخ كل موبايل بينزل بعد كده مبيبقاش فى الفروق الفظيعة او اللى انا فعلا محتاجاها عشان ادفع الافات وفعلا اشتريت حاجات اهم بكتير
اصحابى مستغربين ان الموبايل بقى له كذا سنة متغيرش بس انا مقتنعة انى بعمل الصح: )
المهم اكمل لك بعض حاجات من الكتاب :
بيقولك اهم حاجة تكون نسبة القضاء على المعوقات اللى قدام الحلم اكتر من 50 % والا يبقى صعب تحقيقه بس برضه مش خيالى
اكتب خطواتك نحو الهدف
وقيمها قطعت قد ايه فى تحقيقها ولو فى عائق تغلب عليه
لازم يكون لك هدف فى كل ركن من :
الأيمانى- الذاتى -المهنى-الصحى-المادى -الخيرى -الأجتماعى -الأسرى- الدراسى - النهوضى
الأيمانى مثلا هقرا سورتين كل يوم ...
الذاتى مثلا اعالج نواحى القصور فى شخصيتى
تنمية قدراتك العقلية
المهنى مثلا اشترك فى دورات لتنمية قدراتك
الصحى تمارين يوميا
كشف دورى للأطمئنان عالصحة
المادى ايه طرق رفع الحالة المادية
استغلال وقتك الأضافى مشروع
الخيرى عمل تطوعى
الأسرى مخططات للزوجة والولاد
الدراسى هتكمل دبلومة ماجستير
الأجتماعى علاقاتك مع اهلك جيرانك
النهوضى ما دورك لنهضة هذه الأمة؟؟
كن انت الشخصية المتزنة التى تتمنى ان تراها فى هذا العالم
==========================================
ان لم يتحول الهدف الى خطة وبدأت فى تنفيذها مات ولم يصبح ذا قيمة
===============================================
لكل هدف حدد:
ما الفائدة من ورائه
العوائق وطرق التغلب عليها
خطوات نحو الهدف
موعد بداية التنفيذ والوقت المستغرق
موعد النتهاء ومقياس الأنجاز
====================
لا تفكر فى المفقود حتى لا تفقد الموجود
الفشل هو الشىء الذى يمكنك تحقيقه دون بذل اى مجهود
اذا لم تثق بنفسك فمن ذا الذى سيثق بك
وعشان كده بعد ما قريت الكتاب عملت موضوع حد ليه فى الزراعة وبرضه اتعلمت الكروشيه والسيرما لن دى حاجات كان نفسى فيها : )
لكن فى حاجة تانية مهمة
ان طبيعة النسان ان عمره ما بيشبع يعنى الناس اللى انا حكيت عنهم دول للأسف مش مبسوطين بحياتهم وعايزين اكتر !!
فاهم حاجة الرضا
ولو بصينا للموضوع من نظرة الدين :
ان مفروض تنظر لمن هو اسفل منك ولا تنظر لمن هو فوقك
وان رسول الله صلى الله عليه وسلم قال بادروا بالأعمال سبعا ما تنتظرون الا فقرا منسيا
او غنى مطغيا
او مرضا مفسدا او هرما مفندا او موتا مجهزا او الدجال فأنه شر غائب منتظر او الساعة والساعة ادهى وامر (رواه الترمذى وقال حديث حسن
عن عبد الله بن عمر قال اخذ رسول الله صلى الله عليه وسلم بمنكبى فقال كن فى الدنيا كأنك غريب او عابر سبيل
وكان ابن عمر يقول اذا امسيت فلا تنتظر الصباح واذا اصبحت فلا تنتظر المساء وخذ من صحتك لمرضك ومن حياتك لموتك
روى اسماعيل بن محمد عن ابيه عن جده ان رجلا اتى النبى صلى الله عليه وسلم فقال يا رسول الله اوصنى واوجز فقال
عليك باليأس مما فى ايدى الناس فانه الغنى
واياك والطمع فانه الفقر الحاضر
وصل صلاتك وانت مودع واياك وما يعتذر منه (رواه البيهقى والحاكم
عن عمرو بن شعيب عن ابيه عن جده ان النبى صلى الله عليه وسلم قال كلوا واشربوا والبسوا وتصدقوا فى غير اسراف ولا مخيلة
عن ابى موسى الأشعرى ان رسول الله صلى الله عليه وسلم قال
من احب دنياه اضر بآخرته ومن احب آخرته أضر بدنياه فآثروا ما يبقى على ما يفنى
رواه احمد
ولو بصيت فعلا لو الواحد عنده قصر دلوقتى فى احتمالات مش كويسة هتخليه خايف اما انه يفلس والقصر يروح او انه يموت ويسيب القصر وحتى غير كده هتلاقيه خايف طول الوقت من الحسد والسرقة
بينما لو حتى ما اخدش قصر فى الدنيا شوف احنا بنضيع اوقات قد ايه ولو قريت سورة الأخلاص 10 مرات يتبنى لك قصر فى الجنة ولو صليت ال 12 ركعة سنة فى اليوم برضه وده قصر باقى ومفيش وجه مقارنة بينه وبين اللى فى الدنيا ومفيش خوف ولا نكد : )
ايه الجمال ده كله
ده الكتاب شكله رائع ولازم اقراه
اما بقي البي ام تستاهل ولا لآ ااااااااااااااااااااه طبعا بالنسبه ليا تستاهل
عارفه انا ساعات بقول لنفسي هو انا هجيب كذا عربيه اعمل بيهم ايه ؟؟ اذا كان اصلا عربيتي يادوب بروح بيها الشغل ويوم الجمعه والسبت مش بتدور حتي ولا بتتحرك من مكانها وانا لو هجيب شقه هجيبها قريبه من الشغل يعني ممكن مركبش العربيه اصلا
بس عارفه الموضوع بالنسبه ليا يمكن من كثره مشاهدتي لبرامج السيارات السريعه بقي حلم لمجرد حلم يعني حاسس اني لو حتي حققته هفرح بيه شهر ولا اتنين وبعد كده خلاص مش هيبقي ليه لازمه
يمكن ساعات بحس انه لما يفضل حلم كده يبقي احلي علي الاقل هيبقي في حاجه عايز احققها بس برده كل مابعدي علي عربيه بي ام وابص جواها واتخيل نفسي جوه واتخيل ان تحت رجلي 500 حصان بلاقي نفسي بجري ههههههههه
احلام الفتي الطائش هههههههه
طب ما تشوف حلم تانى ميبقاش لمجرد انه حلم دور هتلاقى حاجة واقعة من الذاكرة كان نفسك فيها
وفعلا طبيعة الأنسان ان الحاجة لما تبقى فى ايده خلاص بتفقد قيمتها او على الأقل بتقل
ولو عند ابن ادم واديان من ذهب لتمنى ثالثا ولا يملأ عينه الا التراب
كمان ساعتين تخيل فى اليوم كتير قللهم شوية واقرا الكتاب واول حاجة تحققها ليا الحلاوة : )
ولو حلم مشترك مع المدام يبقى شغال
وركز فى بنا القصور اللى فى الجنة : )
وعايزاك تتفرج على برنامج امة المطر كده ماشى هيخفف لك احلامك شوية : ) بيجى على اقرا 12.10 او 4 ص
السلام عليكم ورحمة الله وبركاته
والله تسلم إيديكي يا دكتورة على المواضيع والمشاركات الجميلة بتاعة حضرتك عن اغتنام رمضان
أسأل الله أن يجعلها في ميزان حسناتك
امين يارب العالمين ويثبتنا بعد رمضان على طاعته : )