صوت زنه في الغيار الرابع في الالنترا

**modydosoki** · 31-07-2011 01:18 PM

السلام عليكم
انا معايا النترا 2011 الشكل القديم وعامله 4000 كيلو بس المشكله انه فيه صوت زنه في الغيار الرابع بالظبط عند 2.5 الي 3.5 في عداد ال rbm قبل 2.5 يروح وبعد 3.5 يروح مع العلم ان باقي الغيارات عادي ولا فيه اي اصوات والعربيه مانيوال وطبعا لسه في الضمان حد عنده فكره ممكن يكون ايه ده ؟؟؟

**HOSSAM99** · 31-07-2011 01:58 PM

و عليكم السلام و رحمة الله
بالنسبة لعربية حضرتك هي جديده و إحتمال كبير إن شاء الله الصوت ميكنش صادر من بلية ديبرياج

أنا للأسف مش معايا المانيوال لكن توقعي إن دية صوت تجميع العربيه علي الغيار ده يعني هي دي ظروف الغيار الرابع
أسأل حضرتك سؤال هي الزنه دي بتحسها في عصاية الفتيس و بتكون غريبه عن باقي الغيارات و لا في بدال الديبرياج لو لمسته ساعة الزنه دي

و كمان سؤال هي الزنه دي صوتها عالي و لا لازم تكون ماشي في مكان هادي و طافي الكاسيت علشان تسمعها

و كل سنة و حضرتك طيب

**modydosoki** · 31-07-2011 05:35 PM

المشاركة الأصلية كتبت بواسطة hossam99

و عليكم السلام و رحمة الله
بالنسبة لعربية حضرتك هي جديده و إحتمال كبير إن شاء الله الصوت ميكنش صادر من بلية ديبرياج

أنا للأسف مش معايا المانيوال لكن توقعي إن دية صوت تجميع العربيه علي الغيار ده يعني هي دي ظروف الغيار الرابع
أسأل حضرتك سؤال هي الزنه دي بتحسها في عصاية الفتيس و بتكون غريبه عن باقي الغيارات و لا في بدال الديبرياج لو لمسته ساعة الزنه دي

و كمان سؤال هي الزنه دي صوتها عالي و لا لازم تكون ماشي في مكان هادي و طافي الكاسيت علشان تسمعها

و كل سنة و حضرتك طيب

الاول كده كل سنه وحضرتك طيب واشكرك علي الاهتمام والرد انا بسمع الصوت ده في عصايه الفتيس وطبعا وانا قافل الازاز وطافي الكاسيت بيكون الصوت عالي بس في كل الاحوال بسمعه علشان ببقي مركز معاه زي ما قولت لحضرتك مش بيظهر غير من 2.5 الي 3.5 في الغيار الرابع قبل كده مفيش حاجه وبعد كده مفيش حاجه صوت ونه كده وتحسها في الفتيس

**EslaM_NagY** · 31-07-2011 06:03 PM

ايه دا !! وانا كمان عندى ونة بس فى الغيار التانى بس على طول مش مرتبطة ب ار بى ام !!!!!

75000 الف ومغيرتش زيت فتيس (مانيوال).

مش عارف دا نفس العيب ولا الى عندى حاجة تانية !

بس لسة مرحتش الصيانة من ساعة ما طلع فمعرفش سى غبور حيقولى دا ايه.

**HOSSAM99** · 31-07-2011 08:41 PM

المشاركة الأصلية كتبت بواسطة modydosoki

الاول كده كل سنه وحضرتك طيب واشكرك علي الاهتمام والرد انا بسمع الصوت ده في عصايه الفتيس وطبعا وانا قافل الازاز وطافي الكاسيت بيكون الصوت عالي بس في كل الاحوال بسمعه علشان ببقي مركز معاه زي ما قولت لحضرتك مش بيظهر غير من 2.5 الي 3.5 في الغيار الرابع قبل كده مفيش حاجه وبعد كده مفيش حاجه صوت ونه كده وتحسها في الفتيس

لا متقلقش حضرتك ده صوت طبيعي إن شاء الله و في الصيانه الجايه قولهم في غبور و قلنا قالو لحضرتك أيه