السلام عليكم و رحمة الله و بركاته
محتار يا جماعه ما بين الأتنين
الالنترا 2012 الجديد اوتوماتيك فول اوبشن الى بــ 131000 جديدة زيرووووو
جيتا 2009 عامله 50000 ك متر بحاله جيده جداً فئة هاي لاين بسعر 135000
ايهم أفضل
عرض للطباعة
السلام عليكم و رحمة الله و بركاته
محتار يا جماعه ما بين الأتنين
الالنترا 2012 الجديد اوتوماتيك فول اوبشن الى بــ 131000 جديدة زيرووووو
جيتا 2009 عامله 50000 ك متر بحاله جيده جداً فئة هاي لاين بسعر 135000
ايهم أفضل
جيتا طابعا بدون تفكير
وربنا يوفق انشاء الله فى الاختيار
الجيتا ال 50 كيلو افضل كخامات وركوبه فقط
هل الجيتا مغير كوتش - عمرة السيور - هتغير تيل امامى وخلفى ولا لا - فلاتر - بطاريه
فى اى مشكل فى الجيتا - لانها كلاها حساسات ودى اعطالها مشكلة
هل الفوانيس اللى قدام عدسات ولا لا وهل سليمة
الفتيس سليم (لازم تشيك كويس فى التوكيل
خلى بالك الجنط ال 17 والبلالين - تمن الجنط مولع لو حصله حاجه - انت عندك 8 ايرباج لاقدر الله مع الحادثه موصيبه سودا والقوايم اللى قدام واللى فى النص واللى ورا والتبلوه والطاره كل ده باظ والعربيه لماتيجى تبيع مشهتكمل ال 80 الف ( تجربة واحد قريبى وباع ب 82 الف
لاكن قطع غيار مولعه نار - اعطال عليك وعلى التوكيل - صيانه - سعر اعادة بيع
طبعا فرق موتور 130 حصان و 105 حصان
انت معاك ضمان للالنترا قدامك 100 الف كيلو و3 سنين
العربيه الزيرو مش هتعمل حاجه غير الصيانات الدورية
انا راى انك لو هتجيب المانى مستعمل لازم تكون حاطط مبلغ كويس لاى حاجه سواء صيانه او اعطال او لا قدر الله حادثه
متنساش ان الجيتا شكلها خلاص اتغير فلازم تسال كويس على قطع الغيار وهل الجيتا المانى المانى ولا تقفيل برازيلى زى مبسمع
وهل هيا وكيل ولا خليجى
والدى معاه باسات هاى لاين خليجى سوداء 2008 المانى المانى بسم الله ماشاء الله صباح الاستفزاز والتافيل الصح والجلد الطبيعى البيج والابانوس والحساسات من مطر واضائه وركن وصاج محمل جدا والكبوت اللى اصلا متقدرش تشيله من التقل وعملين رافع هيدروليك للشنطه والكبوت من التقل وستارت ستوب انجن مع الريموت ومفيش هاند بريك لا زرار جنب الطاره على الشمال و 10 ايرباج وابويه قافلهم اساسا عشان مش اقل حادثه يتفتحو ويبهدلو الدنيا
ابويه كان جايبها لقطه كسر زيرو عامله 35 الف كيلو والحمد للله ربنا ستر ومكنش فيها عيوب بس طبعا مسلوخ بمعنى كلمت مسلوخ ف الصيانات وقطع الغيار
مره استرخص وركب كوتش كورى الفرده ب 650 الكوتش ناشف جدا وبيدب ومنشف العفشه وكانك راكب كورى
المهم راح مغير بعد كدا وانا جبتله كوتش المانى كونتيننتال مقاس 235/45/17 الفرده عامله 1325 جنيه تخيل كوتش فقط لاكن الركوبه اختلفت بنسبة 50% فى الراحه
طبعا غلو وتكلفه وصعوبة الصيانة نست ابويه متعة سواقة الالمانى اصله كان راكب قبلها كرولا 2007 مانيوال وقبلها كرولا 2005 وكان عاملها فرش جلد طبيعى وبيقول انها افضل من الباسات فى الاتى
قطع الغيار - سهولة الصيانة - تكييف تلاجه وكمان وابويه مشبتاع جرى فمشفارق معاه الثبات واقسم بالله باع العربيتين الاولى والتانيه فى نصف ساعه ويقبض الفلوس ويمشى وكانت اى عربيه تعمل 100 الف يقوم قالبها وجايب جديد
طبعا الباسات دلوقتى عامله 140 الف ونفسو يغير لاكن ميقدرش لانه اولا هيخسر كتير جدا وتانى حاجه لما يحب يشترى جديد يركب ايه بعد الباسات
فخلى بالك لحسن الموضوع مش سهل
استنى راى بقيت الاعضاء
يا باشا مهما كان الجيتا الماني
اما الالنترا كوري
فطبعا جيتا
لان في فرق كبير بين سياره فولكس و هيونداي
فطبعا الجيتا تكسب مع فرق 3 سنين
الراجل دا جاب م الآخر
الاوروبي العالي سعر اعادة بيعه دايما واقع لسبب معروف.. قطع الغيار.
لو حاتجيب الجيتا اعمل حسابك علي حاجتين. أولا اللي حايعاملك في سعر قطع الغيار بيعاملك انك شاري عربية الجديدة بتاعتها بقرب ال 200 ألف مش ب 135 ألف لأنه مالوش دعوة المستعمل منها بكام هو له دعوة بالشريحة اللي العربية فيها. كمان التوكيل بيعاملك في مصاريف الصيانة والاصلاح علي نفس الأساس.
تاني حاجة الألماني محتاج رعاية خاصة. ماينفعش تجيبله حاجة تقليد أو نص كم أو توفقله.. كل حاجة حايكتشفها. ومافيش حاجة حاترضيك في الآداء لو حاولت تقارنها بالأصلي.
بالنسبة للالنترا مس حاتكلم فيها علي أساس انها لسة حاجة جديدة بتتجرب (+ ان كل واحد حايقولك الكلمتين اياهم كوووووووري يعععععععععع يعععععععععع)
ممكن تشوف حاجة كوري أو ياباني مستعمل في نفس الفئة السعرية أو اوروبي جديد في السعر ده علي الأقل اهدا شوية في قطع الغيار والصيانة.
قطع غيار الالماني مش غالية للدرجة ديه , هي مناسبة جدا لكفائتها و معمرة , و ارجو انك تركب الاتنين و تقولي حاسس بأيه , لكن بدون الدخول في تفاصيل ميكانيكية الجيتا افضل بدون شك, حديك مثال على موضوع قطع الغيار ده : يعني في الياباني مثلا التيل الاصلي تمنه حوالي 500 ج و الطنابير الاصلية في حدود 1200 ج و عندي في بي ام بدفع 1000 ج في التيل و حوالي 1500 ج في الطنابير لكن مع فرق الاداء ان عندي احسن فرامل في فئة السيارة مقابل فرامل على ما تفرج للياباني مع فرق سعر زي ما انت شايف , قيسها كده , على فكرة قطع الجيتا ارخص كتير التيل على سبيل المثال ب450 ج ارخص من تيل التويوتا الاصلي :))))
بص ياباشا الفيصل هنا حاجة واحدة فقط لاغير و هو تقرير التوكيل عن الجيتا( بس اتفق مع صاحب العربية انكو حتكشفو ف التوكيل لو العربية سليمة انت شارى لو مش سليمة هو يدفع تمن الكشف (و ده مش مع العربية دى بس ده مع اى عربية تانية) قالك موافق يبقى تطمن و تروح التوكيل موافقش او ماطل او قالك النص بالنص قولو شكراااا و اخلع ) طلع التقرير كويس يبقى مبروك عليك الجيتا طلع نص كوم يبقى عندك 3 حلول
1-لو حاطط من الاول الجيتا ف دماغك يبقى دور ع جيتا تكون نضيفة و تبقى كسبت عربية كويسة جداااااااااااا و محترمة وتضرب الالنترا ف كل حاجة
2- لو مش حاطط الجيتا ف دماغك يبقى توكل ع الله ف الانترا
3-لو محتار بين الاتنين يبقى تحجز الالنترا (لو بالحجز) و تدور ع الجيتا لحد معاد استلام الالنترا لقيت الجيتا بحالة نضيفة يبقى خير و بركة ملقيتش يبقى مبروك الالنترا
شكرا لكم جميعاً على المعلومات المهمه جداً
و الى طلعت منها تقريباً أن الجيتا هتكون أفضل كــ ركوبه ...و برستيج و كده>>بس يتخاف من قطع الغيار و انها تكون محتاجه مصاريف
أما الألنترا ...فكل الميزه الى فيها عن الجيتا انها زيروووو فقط..
و الله موضوع محير جداااً
عموماً الحل ده عجبني برضووو بتاع الاخ m.alaa92
3-لو محتار بين الاتنين يبقى تحجز الالنترا (لو بالحجز) و تدور ع الجيتا لحد معاد استلام الالنترا لقيت الجيتا بحالة نضيفة يبقى خير و بركة ملقيتش يبقى مبروك الالنترا
شكرا على معلومات و نصايح الاخ memo823000 المفيده جداً
و بانتظار أراء باقي الناس لو في جديد
روح التوكيل شيك على الجيتا .. لو تمام .. ولو تقدر على تكاليف صيانتها .. توكل على الله .. عيب تقارن جيتا بإلنترا حتى لو فرق 10 سنين مش 3 سنين .
النترا 2012 اكيد افضل, العربية دى واخدة ريفيوهات ممتازة برة و الهيونداى موديلاتة الجديدة كلها رهيبة, انصحك بيها بس تجبها فولى لودد او خليجى اعلى فئة.
http://www.youtube.com/watch?v=iiYKjf8lXA8
متنساش بس ان الجيتا واطية و حتحك في كل المطبات
شكرا لجميع المشاركين باراءهم انا هأجل ان شاء الله موضوع الشراء لحد أول السنه
و فرصه أفكر كويس
مفيش وجه للمقارنة بين الاتنين - الجيتا تكسب بكل المقاييس
الصراحة مفيش وجة للمقارنة اهم حاجة حالة الجيتا لو تمام وحضرتك مستعد تتحمل مصاريف الصيانة وقطع الغيار الاعلي مقابل العمر الافتراضي الاكبر والاوبشن والبرستيج توكل علي الله وهات الجيتا وانتا مغمض وعلي فكرا الموديلات الجديدة من الهيونداي اسعار قطع الغيار بتاعتها بقت غاليا مش زي زمان فانوس الهيونداي ال 2012 ب 1250 والله اعلم علي مسمعت.
Dear Sir,
I had your same problem 3 weeks ago and there was a 2010 jetta high-line with 18000km and the price was 150,000 LE and it was perfect and i took the car and checked on it and finally i chose it over the fully loaded elantra.
One week ago my jetta broke the gearbox while standing in a gas station! and since the car was gulf and the gearbox is DSG, so there was no solution except changing it. and now i paid 35000 LE to fix the gearbox and i am intending to sale the car.
My point is to take care of the DSG problems with the Jetta especially if the car is gulf specs.
I hope i helped you.Thanks
الباسات عموما قطع غيارها اغلى من الجيتا وبفرق كبير
بص الالماني عموما معمر جدا جدا مدام في حد محترم بيعامله في الصيانه حتى او اتكييت عليه في الاستخدام
الفكره كلها انك بتعمل كيلوهات كتيره هتلاقي مصاريف كتيره داخله قريبه من بعضها النهارده طقم سيور شهر تخش في تيل حاجات زي كده لو مبتعملش كيلوهات كتيره انسى الدنيا هتبقى معاك حلوه
وخلي بالك برضو الالنترا الجديده دي لسه مش مفهومه ولا حتى في سعر تيل فراملها وانا اتوقع انها هتبقى غاليه جدا في التوكيل بس مدام النترا بدات تنتشر قطع غيارها هتبقى موجوده مفيش مشكله خالص
بس عموما لو بتقارن بدون تدخل سعر قطع غيار واعاده بيع لو جيتا بيز لاين انضف من الهاي لاين النترا
وعموما النترا برضو نازله غاليه هتبقى سعر المستعمل منها واقع برضو مينفعش تبقى ب 150 والمستعمل منها ب 130 هتلاقي رافع عن ال 100 بحاجات بسيطه اوي
بس بصراحه الجيتا عربيه مفيهاش غلطع مينفعش النترا تتفوق عليها الا في المتورو الجري فقط انما غير كده انسىى ده حتى تكييف الجيتا فعلا انضف من الكوري بكتير مع اني عمري ما شوفت الماني تكييفه نضيفبس دي كسرت النقطه دي
انا عايز اعرف الالو جيتا طبعا ليييييييييية ركبو الهيونداى ولا حتى الجيتا ولا علشان دة كورى تبقى كوخة الزيرو افضل خصوصا العربيتين مفيييييييييييييييش بينهم فرء كبير الفرق الوحيد عشان دة فولكس المانى و دة هيونداى كورى
على فكرة انا بعت الجيتا من سنة بعد ما ركبتها حوالى شهر عشان السفر دة ميمنعش انها عربية رائعة و لما رجعت جبت النترا الفئة 145 روعة الروعة ولا فى فرء انا من رأيى خليك مع الهيونداى و شكرا
Jetta أكيييد.
انصحك بالالنترا 2012, عربية تحفة فى كل حاجة:
- شكل و تصميم تحفة من برة و جوة
- واسعة جدا و اوسع من الجيتا
- ماتور قوى جدا يعلم على اجدع عربية 1600 تانية (مش تربو)
- قطع غيار و صيانة معقولة فى الهيونداى عموما ( اكيد ارخص من الجيتا)
- سعر اعادة بيع افضل من الجيتا
- اعتمادية الهيونداى دلوقتى بقت متقدمة جدا و تحتل مراكز متقدمة عن الفولكس بحسب مواقع متخصصة ذى جى دى باور
- معاها ضمان 3 سنوات و 100 الف كيلو مش ضمان منتهى ذى اللى فى الجيتا 2009
ويا سلام لو فولى لودد :b4_556:
الالمانى فيه فخامة محدش يقدر ينكرها و الجيتا الهاى لاين تحفة بفخامتها و امكانيتها بس نصيحة ليك ابعد عن الفتيس ال dsg اللى نازل فى ال جيتا و بالذات موديل 2009, الفتيس دة عمل مشاكل كتير جدا مع ملاكة و سعر العربية المستعمل نزل كتير بسببه, و ممكن تدخلوا قسم فولكس فى نفس المنتدى ده و تقروا عن مشاكلة.
انصحك بالنترا جديدة مع ضمان 3 سنين و 100 الف كيلو بس هاتها فولى لودد و هى عربية فخمة و جميلة و مليانة اوبشن حلوة بردة, اما لو مستريح للجيتا فخليك فى موديلات 2008 و ما قبلها بالفتيس العادى و تكون عاملة كيلوهات قليلة او تجبها زيرو بضمان.
كلمة واحدة وحطها حلقة في ودانك
الزيرووووو زيروووووو
شكرا يا جماعه على النصائح المهمه جداً
أستفدت منها كتير و ان شاء الله على اول السنه هكون اخدت فكره كويسه عن الالنترا الجديده بعد لما تتجرب شويه.
نصيحه طالما خايف من فتيس الجيتا شوف اوكتافيا a5
الالمانى ده جحاجه تانيه خالص عن تجربه
وانا مش عارف ازاى الناس شايفه الالنترا زى الالمانى
صدقونى الجيتا غير عمليه بالمره صيانه مكلفه جدا وعفشه سيئه للغايه
الجينا سياره سيئه
جيتا طبعاً