زراعة الشعر فى مصر وافضل الأطباء واشهرهم
أخويا جاله صلع مبكر وبدا معاه من سن 17 سنة ودلوقتى عنده 22 وبقى اصلع تماما فى مقدمة الراس وبصراحة حالته النفسية بقت سيئة بالرغم من انى اقنعته يحلق خالص ودى موضة دلوقتى بس هو مصمم على زراعة الشعر فكنت عايز اعرف افضل الأطباء فى مجال زراعة الشعر فى مصر وافضل الطرق لانى اعرف ان فى طرقتين طريقة الشريحة fut وطريقة الأقتطاف fue ومش قادرين نوصل مين افضل دكتور من ناحية النتايج طبعا مش الشهرة بس وكمان انا شخصيا بخاف من دكاترة التجميل وبحس ان شغلهم الشاغل هو الفلوس وبس فعشان كده كنت عايز اعرف هل فى حد عمل زرع شعر او يعرف حد عمل زرع شعر فى مصر او بره مصر والتكاليف بتبقى فى حدود كام
ودى قائمة بالدكاترة المصريين اللى سمعت عنهم عن طريق النت:
1-دكتور أحمد عادل نور الدين
2- دكتور الروبى
3- دكتور مجدى عبد السلام
وفى غيرهم كتير فهل فى معلومات عن مين افضل دكتور اللى نتايجه جيدة مش مشهور وبس يعنى ارجو الأفادة
وكل عام والجميع بخير