لمبة التابلوه (الاتشيك) بتنور وتطفي زي انذار كده والعربية مش عايزة تدور المرش بيدور لكن الماتور ما بيقومش
عرض للطباعة
لمبة التابلوه (الاتشيك) بتنور وتطفي زي انذار كده والعربية مش عايزة تدور المرش بيدور لكن الماتور ما بيقومش
جرب نسخة المفتاح التانية
اللمبه مشكله محلوله مع اول صيانه قولهم عليها وبيظبطوهالك
اما المرش زي ما قالك الاخ جرب المفتاح التاني لو المشكله اتحلت يبقى تخليهم يظبطولك تكويد المفتاح الاساسي
لو متحلتش تروح التوكيل فورا...
متابع بإهتمام
وتبقى تطمنا
انت بدورها بمفتاحها الاصلي ولا دا مفتاح انت مطلعة ؟؟؟ واللمبة دب العادي بتاعها انها تنور وتطفي وما تطفيش الا لو بدور العربية بمفتاحها الاصلي فقط لو مفتاح تقليد حتفضل تنور وتطفي والماتور عمرة ما حيقوم
متابع
:hrm_prv:جزاكم الله خيرا وانا شاكر اهتمام الجميع والمشكلة الحمد لله اتحلت وطلع سببها فعلا المفتاح كان اتعوج مني و انا عادلته يدوي لكن لما جربت المفتاح التاني دارت علي طول واللمبة رجعت طبيعية زي الاول و ربنا يجازي الجميع خير انا كنت متضايق من المشكلة ديه اوي بس الحمد جت بسيطة وربنا يسترها مع الجميع
الحمد لله