حاجه زعلتنى جدا جدا بعد مكنت فرحان ان بكره رمضان
صاحب المحل الللى جنبى اتوفى
لسه امبارح دخل سلم عليا وقاللى كل سنه وانت طيب قبل منا اروح اقوله وبعديها بساعتين روحت عشان اسأله على حاجه لقيته قفل المحل
انهارده وانا جاى لقيت ورقه على باب المحل مكتوب عليها انه اتوفى
بجد زعلت جدا جدا الواحد مننا ميعرفش امتى هايتوفى ويبقى مجرد ذكرى فى عقول الناس
الله يرحمه ويغفر له كان راجل طيب جدا ومحترم ومشوفتش منه غير كل خير
لسه من كام اسبوج جيت اركن العربيه ملقتش مكان غير ادام المحل عنده وبين المحل عندى مرضيتش اقفل المكان وروحت ادور على اى ركنه ولقيت مكان فى الشارع اللى بعدى بحوالى 100 متر مثلا
ولسه ببطل العربيه ولقيته بيخبط على كتفى ويقوللى انت مركنت العربيه ادام المحل ليه قولتله عشان مقفلش السكه قاللى عيب عليك بقى يبقى فيه ركنه ادام المحل وتيجى تركن هنا طب مهو لو انت مرركنتش غيرك حيجى يركن
ورجعت فعلا ركنت العربيه ادام المحل ولقيته كان قفل المحل بتاعه وجه ورايا كل ده عشان يخلينى اركن ادامه
وعلى العكس تماما صاحب القهوه اللى جنبى ده بقى لو يقدر يفتح المحل بتاعى وانا مش موجود ويقعد ناس جواه حيعمل كده
سبحان الله الطيبين ربنا مش بيحب يخليهم يتعزبو فى الدنيا دى
ربنا يرحمه ويغفر له