مساعدة - السيارة لا تدور

**hamza76_76** · 31-07-2011 09:08 PM

السلام عليكم
برجاء المساعدة لأن السيارة لا تدور حيث خلعت البطارية لأدور بها سيارة أخري و بعد أعادة البطارية للسيراتو أضغط علي السمارت كي يضيء اخضر و السيارة لا تدور و تعطيني رسالة أضغط علي بدال الفرامل بالرغم من أني ضاغط برجلي علي الفرامل و لكن الفرامل حاسس أنها محجرة تحت رجلي
برجاء من يعرف حل لهذه المشكلة يكتبه لي - السلام عليكم

**hpxp** · 31-07-2011 09:28 PM

السلام عليكم :-) ورمضان كريم
انا قريت موضوع زي ده قبل كده والحل هو انك تضغط علي المفتاح بتاع 10 ثواني هتلقيها دايرة ومش لازم الفرامل ولو انا غلط صححولي

**salodas** · 31-07-2011 10:17 PM

هاقولك حاجة محدش بيفكر يعملها ....
أقراء الكتالوج وخصوصا الجزء الخاص بحل المشاكل trouble shooting
وهاتلاقى معلومات تفيدك

**hamza76_76** · 31-07-2011 11:37 PM

جزاكم الله خيرا علي الرد - أحاول أجرب طريقة الضغط علي المفتاح لفترة 10 ثواني يمكن تنفع

**mahmoud9177** · 01-08-2011 02:33 AM

اية الاخبار يا باشا طمنا العربية عملت اية دارت ولا لاسا المشكلة موجودة

**hamza76_76** · 01-08-2011 12:00 PM

السلام عليكم
جربت أضغط علي المفتاح لمدة 10 ثواني بدون فرامل و لكن لم تدور - لكن لاحظت حاجه أنه بيظهر في العدادات علامة الأيموبلايزر اللي هي مفتاح أصفر - في حاجة تانية ممكن أجربها ولا أحاول أقطرها أوديها مركز صيانة ( العربية خليجي و ليست وكيل ).
و أشكركم علي أهتمامكم بالمشكلة و محاولة حلها معي . السلام عليكم

**ammarhameda** · 01-08-2011 01:25 PM

طيب جرب اضغط على الفرام وضغط المفتاح لمدة عشر ثواني

**hamza76_76** · 01-08-2011 01:56 PM

أنا جربت أضغط علي المفتاح لمدة 10 ثواني و أكثر و أنا دايس علي الفرامل بس برده ما درتش - مع ملاحظة أن الأنوار في العربية شغالة ذي نور الصالون يعني كده البطارية مفيهاش مشكلة

**M.Akef** · 01-08-2011 03:19 PM

الفرامل محجره لان في حد ضغط عليها و هي مبطله كتير ففرغت هوا
طب حضرتك لما بدوس فرامل بتنور ورا ولا لا؟
لو مش بتنور اظبط رجلك فوق و تحت علي ما تنور و دور
و هو حضرتك بتسمع اي صوت من الموتور ولا يعني بيحاول يدور و مبيدرشي ولا هو مش واخد امر اصلا
و اخيرا اكيد علي كبلات العربيه كويس و ان التوصيل كان في مكانه المظبوط

**ahmedhawas** · 02-08-2011 01:13 AM

أولا: الفرامل محجرة ---- وده شيء طبيعي لان العربية مش دايرة وبالتالي السيرفو مش شغال ، فلازم تكون محجرة وده الصح.
ثانيا: انا معرفش انت شيلت البطارية وركبتها تاني إزاااي ؟؟؟
الموضوع ده في العربيات القديمة اللي من غير كمبيوتر عادي ، لكن في العربيات الجديدة (حذاري) إلا لو كنت عارف إزاي تشيلها وتركبها !!
""لما بتشيل البطارية لازم تشيل الأرضي الأول ولما تيجي تركبها تاني تركب الأرضي في الاخر""
أو بمعنى تاني: ""متتعاملش مع الطرف الموجب أبدا(فك أو تركيب) إلا إذا كان الأرضي متشال"" وده أمان ليك ولأجهزة العربية.

حضرتك أكد على تربيط القواطيش كويس جدا
وشوف كتيب إرشادات المستخدم برضو ممكن يكون في طريقة لعمل ريسيت، والله أعلم
لو مفيش : ممكن يكون فيوز بايظ ، وربنا يستر ومتكونش حاجة كبيرة.
وياريت تطمنا !!!