-
البنزين المناسب للسيريون
السلام عليكم يا عمالقة الدايهاتسو :)
بعد التطورات غير السارة الأخيرة بخصوص الأسعار
كنت محتاج أعرف معلومات عن ما يسمى بنسبة انضغاط محرك السيريون وبالتالي البنزين المناسبة لها
يعني 90 هايكون مناسب ولا 92 ولا 95 زي ما سمعت ان فيه عربيات لازم تزود 95 بس
وجزاكم الله خيراً
-
بص يا ابو رقية
هيا 90 من 92 فرق10 قروش
يعني مش هتفرق
انا بستعمل 92 عالطول وكويس ومفيش حاجه ملاحظه يعني
ولكن انا لما حطيت 95 صوت الماتور هدى جامد جدا وكانت العربيه عامله زي اللي راكبها عفريت
-
الكتالوج بيقول 90 فما فوق ... انا باحط 92 بس فى مرة حطيت 90 مش حاسس بفرق ...
هى العربية جت ولا لسة ....
-
معامل انضغاط السريون قريب من 12 لذلك انصح برفع رقم الاوكتان
-
انا اما استلمتها من التوكيل كانوا حاطين فيها 15 لتر 90 و كانت عادي
يعني ممكن يتحطلها 90
انما زي ما ابو عبد الله قالك مش هتفرق 90 من 92 لأن فرق السعر عشرة صاغ
-
جزاكم الله خيراً جميعاً
انا للأسف لسة مستلمتش بس مش قادر أمنع نفسي من اني انشغل بالموضوع ده
طبعاً الفرق بين 90 و 92 لا يذكر
انا حتى بقالي شهور حالياً باحط 92 لعربيتي 128
إنما الفرق بين 92 و 95 يذكر طبعاً :D
كتير اوي 275 قرش للتر :rolleyes:
بس انا فاكر ان كان فيه حد حسب استهلاكه على بنزين 95 وعلى بنزين 90 واكتشف ان بنزين 95 بيوفر معاه أكتر او تقريباً نفس المبلغ مقارنة بلما بيحط 90
-
و الله حضرتك حتي لو بيوفر .. الاحساس النفسي و انا بفول بفوق ال 100جنيه و بديهم للعامل في ايده كدة ده يدمر اي توفير!
-
البنزين الموصى به للعربية 90
يبقى انت عاوز تحط 92 براحتك, لكن لو 90 مش هيضر خالص
-
على فكره انا لما حطيت 95 لم تفرق في عدد الكيلوهات
يعني مش بيوفر ولا حاجه
هو بيعمل نفس عدد الكيلوهات بس بأداء عالي للعربيه وصوت هادئ اكتر للماتور
-
تمام أوي
جزاكم الله خيراً جميعاً
على فكرة انا كلمت التوكيل من شوية وقالوا ان مفيش تسليم للعربية الـ Glx 1300 خلال مايو
وإن التسليم هايكون في يونيو إن شاء الله
معنى كدة إني هايبقى عليا الانتظار شهر كمان
شهرين عشان أستلم
الله يرحم ما كان الناس بيحجزوا النهاردة وبيستلموا الاسبوع اللي فات :D
Content Relevant URLs by
vBSEO 3.6.0 PL2