رجاء المساعدة العاجلة انا هكتب التفاصيل حالاَ
رجاء المساعدة العاجلة انا هكتب التفاصيل حالاَ
والدي كان في مستشفي الوادي في 6 أكتوبر قعد 6 ايام في العناية المركزة (الفاتورة 12 الف جنيه و 18 الف بالقسطرة .. مبالغ فيها ولا انا متهيألي)
المهم تم ترشيح د.محمد السيد حلمي من قبل د.طارق حلمي لأنه برة مصر .. وانا وضحتله ان المتاح مادياَ 30 ألف جنيه حالياَ (15 هو وفريق التمريض و15 المستشفي) .. بناء عليه تم ترشيح مستشفي دار الشفاء بحلوان .. وأنتقلنا أليها انهاردة .. للأسف اقل ما اقدر اقوله عليها انها مقلب زبالة .. صراصير في دور العناية المركزة .. ست في العناية تعبانة حتي مش ساترينها في مرضها الست جسمها مكشوف لكل اللي في الأوضة .. أطفال شغالة مسعفين (إستقبلني واحد لابس ممرض عنده 13 سنة!!!!!) .. لولا اني مضطر اسيب والدي فيها يوم كنت بلغت عنها وتفرغت لأن البني ادم القائم عليها يتسجن .. المهم كلمت الدكتور قاللي هما فندقياَ صفر بس المكان مجهز بأجهزة كويسة جداَ .. بس انا قريت ان العملية دي نصها تمريض .. وانا لا اثق في مقلب الزبالة ده .. حد يقولي ممكن أعمل أيه في هذه الحدود المادية؟
ملحوظة: الوالد حالته سيئة ولازم يفضل في الرعاية طول الوقت بسبب إضطراب ضربات القلب علي حد قول دكاترة مستشفي الوادي .. إن أداء قلبه وصل 55% ومعظم الشرايين مسدودة ومعرض لتوقف في عضلة القلب في أي وقت.
اللهم رب الناس اذهب البأس انت شافي شفاءا لا يغادر سقما
أنا لست طبيب
لكن هذه تجاربي مع عمليات القلب المفتوح
عمي عمل العملية في معهد ناصر من أربع سنين تقريباً
ولا أذكر أي تضرر من أي حاجة
والعناية كانت ممتازة جداً
لكن كان على حساب التأمين الصحي
عمي الآخر عمل نفس العملية في عين شمس التخصصي
ولا أنصح أحد بها
-
من كل قلبى بقولك ربنا معاك بجد ويطلعك من المحنة دى ويشفى والدك ياااااااااااااااااااااااا اااااااااااااااااااارب
زوج خالتى عملها فى معهد ناصر وماشاء الله كانت تمام العملية
بس كانت على حساب التامين اسف دة كل اللى اعرفة يا محمود
أشكر كل اللي ردوا وشاركوا بالدعاء من كل قلبي
تم الإتفاق مع مستشفي القصر العيني الفرنساوي
اللهم رب الناس اذهب البأس انت شافي شفاءا لا يغادر سقما
أرجوك يا فندم تطمنا بعد إجراء العملية
شفا الله كل مريض
ربنا الله الذي في السماء تقدس اسمك وأمرك في السماء والأرض كما رحمتك في السماء فاجعل رحمتك في الأرض واغفر لنا حوبنا وخطايانا أنت رب الطيبين . أنزل رحمة من عندك وشفاء من شفائك على هذا الوجع
اسال الله العلى القدير ان يشفية.
انا بنتى عملت قلب مقتوح من سنة فى القصر العينى الفرنساوى .المستشفى ممتازة وعناية القلب المفتوح فوق الممتازة والتمريض والاقامة كويسة .حتلاقى فى الاستقبال جدول تفصيلى بالاسعار واسعارها معقوله.
شفى الله والدك شفاء لا يغادر سقما.
ربنا كرمك بالقصر العينى الفرنساوى و فعلا خللى بالك عملية القلب المفتوح نجاحها فى العناية قبل و بعد العملية حتى لما يخرج بالسلامة فى البيت.
شافاه الله وعافاه يا محمود
ربنا يطمئنك عليه
صاحب الموضوع لم يطمئنا على العملية
نود أن نطمئن على الوضع الصحى حاليا
والله الشافى
ربنا يشفيه ويشفى امة محمد اجمعين هيه الاعمار بيد الله لاكن النضافة مهمه جدا انا عاملة عملية قلب مفتوح بس فى فرنسا وعندى فكره على الحالات دى فى استاذ فى الطب قاله لى عمليات القلب اغلب نجاحها سببه النظافة وعدم تلوث الدم بالمكروبات حتى بعد العلاج بنصحك بالعناية فى النقطه دى
الهم أشفه شفاءا لا يغادر سقما
ربنا يشفيه ويعافيه ويقومه بالسلامه
الحمد لله الوالد بقت حالته تمام والفضل يرجع لله ولأطباء العناية المركزة وممرضي العناية المركزة الخاصة بعمليات القلب المفتوح بمستشفي القصر العيني الفرنساوي اللي فعلاَ كانوا بيخلوني كل يوم أروح بعد ما الزيارات تنتهي وانا مطمئن.
طبعاَ لما طلع أوضة عادية الوضع والتمريض إختلف بس أهم فترة في العملية كانت الأيام التابعة مباشرة وأعتقد إن طاقم أطباء وتمريض العناية الخاصة بالقلب المفتوح تحديداَ في المستشفي علي أعلي مستوي.
نفسي بس الوالد يخف علينا لحسن بعد ما شم نفسه بعد العملية بقي عايز ياكل بسبوسة وكنافة وكباب وكفتة وعايز يعوض اللي فاته من رمضان، ومش هنركب سوستة إحنا بقي كل شوية نعمل قلب مفتوح! هههههههه
أشكركم جميعاَ جداَ وربنا يشفي كل مريض ويخفف ألمه وألم من حوله.
الف الف مبروك و حمدا لله على سلامة الوالد ... ربنا يديم عليه الصحة و العافية .. و جميع المسلمين يارب ...
حمدا لله على السلامة
اللهم اشف كل مريض يا أرحم الراحمين
حمداً لله على سلامة الوالد ويتمم شفاؤه على خيراقتباس:
المشاركة الأصلية كتبت بواسطة motorizer
والد أحد أصدقائي عمل نفس العملية وكانت نفسه رايحة على الفول بالزيت الحار و الباذنجان :)
ألف سلامة على الوالد يا محمود وربنا يتم عليه النعمة والعافية....لو احتجت حاجة في الفرنساوي ياريت متتحرجش تتصل إحنا إخوات...
حمدلله على السلامه .... ربنا يفك كرب كل مكروب ان شاء الله
حمد الله على السلامه
حمد الله علي سلامته ربنا يتم شفائه