ربنا يسترها مع الجميع ونخلص م الأرف ده بقي ...
كل واحد صحي م النوم زهقان ياخد صحابه ويقفل طريق ...
ربنا يسترها مع الجميع ونخلص م الأرف ده بقي ...
كل واحد صحي م النوم زهقان ياخد صحابه ويقفل طريق ...
الحقيقه في القصه دي ان اهالي ميت حبيش النور اتقطع عنهم بقاله 5 ايام
يتصلو بالنجده محدش عبرهم
قامو طالعين قاطعين الطريق لحد ما الكهربا تجيلهم
وانا كنت راجع من طنطا يوم السبت قطعو الطريق من الساعه 7.30بعد المغرب لحد 9.30
طبعا ساعتها اتصلنا بالشرطه العسكريه وجت فتحت الطريق بالتعاون مع الشرطه بعد نص ساعه من الاتصال بهم
وده حصل يوم السبت وانا كنت من ضمن المقطوع عليهم الطريق
وكمان رفضو يعدو عربيه اسعاف معاها حاله
.................................................. ......*
....................................*
تم رفع الوقف والاكتفاء بتنبيه للعضو
برجاء حسن اختيار الفاظ مناسبه للعرض علي المنتدي
مشرف عام 4
إذا جاء رمضان فتحت أبواب الجنه وغلقت أبواب النار وصفدت الشياطين
يا رب تصفد شياطين الإنس
كانو قاطعين الطريق علشان كهربا كانت مقطوعه عنهم بقالهم فترة
وذنب الناس اللى على الطريق ايه
حسبنى الله ونعم الوكيل
خلاص كل حاجه بالدراع
حضرتك فاهم غلط ياباشا /انا من دفره والناس الي كانوا قافلين الطريق دول اهالي نفيا وميت حبيش القبليه وكفر ابو داود ودفره والموضوع كله ان الكهرباء فضلت قاطعه يومين متواصل ودخلت في التالت والناس تشتكي يقولولهم تخفيف احمال هو يعني بالعقل تخفيف الاحمال بيبقي 3 ايام ولا هم يسيبوا المدن الكهربا شغاله فيها 24 ساعه ويوم ماتقطع تقطع نصايه والناس تتقلب بعدها وبالنسبه للقري بيعاملوهم ع انهم حيوانات مشفارق معاهم كهربا من عدمها للاسف هي دي الغابيه في مصر---------
المهم دي كانت اليومين الي قبل رمضان بالاضافه لاول يوم رمضان ماكانش فيه كهربا خالص والناس كلها كانت نزلت جابت حاجتها كلها من لوازم رمضان وغيرها من الاكل وطبعا كل الي في التلاجات اترمي نظرا لانقطاع الكهربا ونتيجه لكدا الناس كلها اتخنقت لان صوتهم مابيوصلش لحد وعايزين يلاقوا طريقه صوتهم يوصل بيها طبعا اول حاجه فكروا فيها انهم يقطعوا الطريق شويه تقوم البلد تتقلب وتحس ان فيه حاجه وقطعوه بالفعل لمده ربع ساعه وبعدين سمعوا سارينه اسعاف راحوا فاتحين الطريق دا اكبر دليل ع انهم مش بلطجيه والي كانت متزعم الموضوح السلفيين وبيعاملوا الناس بكل ادب----------------
وفلا فيه واحد انضرب وكسروا ازاز عربيته لانه نزل قعد يشتم فيهم وقالهم انا ظابط وراح شادد السلاح من جانبه ورافعه ع الناس الي واقفه وكان وضع طبيعي منهم انهم يدوله الطريحه المظبوطه .
اسف للاطاله++++++++++++++++++++++++++++++++++++ +
أستغفر الله العظيم
برده تصرف غلط
وتهريج وقلة أدب
وبعد المشاركة السابقة إتأكدت إنها بلطجه فعلاً
والراجل اللى طلع سلاح وشتم معاه حق
وذنبه فى رقبة اللى عملوا كده
وذنب كل الناس اللى اتروعت واترعبت على الطريق
واتعطلت فى رقبه الناس اللى اتصرفت غلط
وعاوزين ياخدوا حقهم بدراعهم
المفروض كانوا يشوفوا طريقه تانيه يعبروا بيها عن مطالبهم
مش يعذبوا غيرهم من الشعب المطحون الغلبان
حسبنا الله ونعم الوكيل
يا باشا انا كنت في قلب الاحداث اللي حصل قدامي الطريق اتقفل من الساعه 7.30
وفضل مقفول لحد الساعه 9.30
وقدامي عربيه اسعاف جتلهم ماشيه معاكس
رفضو يعدوها ورجعوها تاني
غير ان بعض اشكال مش طبيعين مشيو عدو علي الناس قالولهم محدش هيعدي
غير لما الكهربا ترجع
وكله يطفي عربياته ويطفي النور
فاتصلنا بالشرطه العسكريه
قامت فتحت الطريق بعد ساعتين من قفله
واحنا بنعدي كانو بيتلككو
قعدو يقولو اللي مش هيطفي النور ويقفل الازاز هنكسر عربيته
وفعلا وقفو نقل علشان كان منور نور عربيته
لحد ما طفي النور
الكلام ده يوم السبت
ودي الحاجات اللي انا شوفتها بعيني محدش قالي عليها