حادثة للعربية وهي واقف ...!!!

كنت بركب فانوس رمضان في البلكونة وواقف ببص على الشارع والعربيات واقفه وفجأة لقيت عربية بتخبط عربيتي اللى راكنه تحت بيتي نزلت جري ودخلت ايدي بسحب مفتاح عربية اللى سايق عشان مايجريش لقيته راجل كبير في السن ... للأسف انفعلت عليه بدون شتيمة طبعا قالى ايه اللى يرضيط رحت بصيت على العربية لقيت الاكصدام مكسور قلت له ثمن الاكصدام قالى ماشي وهو بيطلع الفلوس بيقولي يعني ده اللى يرضيك لما لقى الناس اتلمت بيلعب على وتر قبول العوض ولقيت نفسي مصمم على قبول العوض وجيراني واقفين والراجل طلع تمن الاكصدام وانا اخدته امام الناس بس بعد ما الراجل مشي جاتلى حالة تأنيب ضمير اني انفعلت على الراجل وثانيا قبول العوض انا بتسامح كتير بس ماعرفش لية اتمسكت بأني اخد تعويض على الرغم ان العفو كان هيكون افضل خصوصا في الايام المفترجه دي ..... رأيكم ايه اتبرع بثمن الاكصدام واجيب اكصدام جديد من جيبي وعوضي على الله خصوص ان شوارعنا في مصر عشوائية وممكن اقع في نفس المشكلة ولا اصلح خطأ غير من جيبه على اساس قاعدة من اتلف شئ عليه اصلاحه ؟؟

الحمد لله علي كل شئ انا لسه حاصلي الموقف دة من حوالي 4 ساعات توك توك دخل في العربيه وبهدلي الاكصدام والراجل نزل وعرض عليه تصليح الاكصدام لكن الحمد لله تمالكت اعصابي عنك ومشيته

هو منين عندنا ثقافة ان العوض حرام ؟؟؟؟؟؟؟؟؟ ليه منستبدلهاش بثقافة من اتلف شيء فعليه اصلاحه اكيد هتبقي سبب في ان الواحد ياخد باله كويس وهو ماشي ويحافظ علي مال غيره لانه عارف ان هو اللي هيصلحها لان للاسف القرش هو اللي بيوجع دلوقتي .

يا ريس تصليح اكصدام مش محتاج تغير الاكصدام سواء فيبر او معدن و يترش عادي بدل ما تدفع في واحد جديد
و هي للأسف موضوع العصبية بتخلي الواحد ميشوفش قدامه بيلوش شوية يعني خلي بالك المرة الجاية بلاش تتعصب اوي و اعرف ان اي حاجة ان شاء الله بسيطة
يعني زي ما شايف عربيتك سوزوكي يعني تقريبا الاكصدام فيبر يعني لو كسره نصين هتصلحه بالرش 50-60 جنيه حاجة بسيطة يعني
خلي بالك و متخليش العصبية تتملكك و خاصة ان الشيطان ما بيصدق يشتغل عشان رمضان جي و حاله هيبقي واقف هههههه
و كل سنة و انت طيب

كما تدين تدان

اقتباس:

---

المشاركة الأصلية كتبت بواسطة mr_vampire

هو منين عندنا ثقافة ان العوض حرام ؟؟؟؟؟؟؟؟؟ ليه منستبدلهاش بثقافة من اتلف شيء فعليه اصلاحه اكيد هتبقي سبب في ان الواحد ياخد باله كويس وهو ماشي ويحافظ علي مال غيره لانه عارف ان هو اللي هيصلحها لان للاسف القرش هو اللي بيوجع دلوقتي .

---

يعني يا ريس واحد خبط بدون قصد اروح اطلب عوض منه
لو هو عرض و مثلا انا مش هقدر ادفع يبقي انا نص و هو نص
انما طالما الموضوع بسيط او يتلم ليه اخد عوض الموضوع مش موضوع حرام او حلال بس لكن انا مثلا معرفش ظروف اللي قدامي ايه ما جايز يكون راكب عربية كبييرة لكن مفيش في جيبه ولا مليم او حالته مش اوي يبقي ازنقه و يمكن يسلتف و يمكن و يمكن
ربنا هو اللي بيعوض يا استاذ فامبير مفيش احسن من طلب العوض من ربنا سبحانه و تعالي

يعني سؤال افرض حضرتك لا قدر الله كنت مكان الراجل ده و مش غلطتك و مش كسرت اكصدام بس ضيعت عربية الراجل كنت هتدفع تعويض لصاحب العربية بكل التكاليف و دخلتلها في كام الف ؟؟؟
حضرتك الكلام سهل انما لما تتحط في الموقف هتحس بيه و ساعتها هتقول يا ريتني مكنت قولت كده
لازم نحس بغيرنا و نحط نفسنا مكانه صح ولا انا غلطان ؟؟ :)

اقتباس:

---

المشاركة الأصلية كتبت بواسطة axel

يعني يا ريس واحد خبط بدون قصد اروح اطلب عوض منه
لو هو عرض و مثلا انا مش هقدر ادفع يبقي انا نص و هو نص
انما طالما الموضوع بسيط او يتلم ليه اخد عوض الموضوع مش موضوع حرام او حلال بس لكن انا مثلا معرفش ظروف اللي قدامي ايه ما جايز يكون راكب عربية كبييرة لكن مفيش في جيبه ولا مليم او حالته مش اوي يبقي ازنقه و يمكن يسلتف و يمكن و يمكن
ربنا هو اللي بيعوض يا استاذ فامبير مفيش احسن من طلب العوض من ربنا سبحانه و تعالي

يعني سؤال افرض حضرتك لا قدر الله كنت مكان الراجل ده و مش غلطتك و مش كسرت اكصدام بس ضيعت عربية الراجل كنت هتدفع تعويض لصاحب العربية بكل التكاليف و دخلتلها في كام الف ؟؟؟
حضرتك الكلام سهل انما لما تتحط في الموقف هتحس بيه و ساعتها هتقول يا ريتني مكنت قولت كده
لازم نحس بغيرنا و نحط نفسنا مكانه صح ولا انا غلطان ؟؟ :)

---

+11111111111111111111111111111111111111
الله ينور ع حضرتك ,,, ولازم نفتكر ((( كما تدين تدان ))))))) ,,, يعنى اللى هنعمله انهاردة هيتعمل فينا بكرة
وبالمناسبة انا من اسبوعين كنت بصيف والعربية بردوا اتخبطت فى الاكصدام والراجل عرض عليا انه يصلحه بس الحمد لله استعوضت ربنا ,, وغيرته وصرفت فيه 1200 ج ,,, والحمد لله ع كل شى ,,,

اقتباس:

---

المشاركة الأصلية كتبت بواسطة Axel

يا ريس تصليح اكصدام مش محتاج تغير الاكصدام سواء فيبر او معدن و يترش عادي بدل ما تدفع في واحد جديد
و هي للأسف موضوع العصبية بتخلي الواحد ميشوفش قدامه بيلوش شوية يعني خلي بالك المرة الجاية بلاش تتعصب اوي و اعرف ان اي حاجة ان شاء الله بسيطة
يعني زي ما شايف عربيتك سوزوكي يعني تقريبا الاكصدام فيبر يعني لو كسره نصين هتصلحه بالرش 50-60 جنيه حاجة بسيطة يعني
خلي بالك و متخليش العصبية تتملكك و خاصة ان الشيطان ما بيصدق يشتغل عشان رمضان جي و حاله هيبقي واقف هههههه
و كل سنة و انت طيب

---

وانت طيب Axel وبعودة الايام بخير ..... المشكلة اني كنت عايز اخد ثواب الكاظمين الغيظ والعافين عن الناس تأنيب الضمير في ضياع الثواب الكبير ده في الايام المفترجه والرأي اللى انا رسيت عليه اني اطلع المبلغ اللى اخدته لأي حد فقير واصلح الاكصدام على حسابي او اجيب واحد جديد هو مش غالى

هو ما اخدش الفلوس بلطجة او سرقة

الراجل غلط ودفع ثمن غلطتة بسيطة خالص

اقتباس:

---

المشاركة الأصلية كتبت بواسطة mahamede

+11111111111111111111111111111111111111
الله ينور ع حضرتك ,,, ولازم نفتكر ((( كما تدين تدان ))))))) ,,, يعنى اللى هنعمله انهاردة هيتعمل فينا بكرة
وبالمناسبة انا من اسبوعين كنت بصيف والعربية بردوا اتخبطت فى الاكصدام والراجل عرض عليا انه يصلحه بس الحمد لله استعوضت ربنا ,, وغيرته وصرفت فيه 1200 ج ,,, والحمد لله ع كل شى ,,,

---

اللى غاظني اني لسه مغير نفس الاكصدام من فترة قريبة كنت نازل اخد العربية برفع الغطاء لقيت الاكصدام مكسور وغيرته وانا مخنوق من الشخص اللى خبطها ومشي فلما شوفت نفس الخبطة بعيني انفعلت
بس على فكر انا ماشتمتش الراجل انا زعقت بس واتمسكت اني اخد تعويض

اقتباس:

---

المشاركة الأصلية كتبت بواسطة axel

يعني يا ريس واحد خبط بدون قصد اروح اطلب عوض منه
لو هو عرض و مثلا انا مش هقدر ادفع يبقي انا نص و هو نص
انما طالما الموضوع بسيط او يتلم ليه اخد عوض الموضوع مش موضوع حرام او حلال بس لكن انا مثلا معرفش ظروف اللي قدامي ايه ما جايز يكون راكب عربية كبييرة لكن مفيش في جيبه ولا مليم او حالته مش اوي يبقي ازنقه و يمكن يسلتف و يمكن و يمكن
ربنا هو اللي بيعوض يا استاذ فامبير مفيش احسن من طلب العوض من ربنا سبحانه و تعالي

يعني سؤال افرض حضرتك لا قدر الله كنت مكان الراجل ده و مش غلطتك و مش كسرت اكصدام بس ضيعت عربية الراجل كنت هتدفع تعويض لصاحب العربية بكل التكاليف و دخلتلها في كام الف ؟؟؟
حضرتك الكلام سهل انما لما تتحط في الموقف هتحس بيه و ساعتها هتقول يا ريتني مكنت قولت كده
لازم نحس بغيرنا و نحط نفسنا مكانه صح ولا انا غلطان ؟؟ :)

---

-الاحساس بالغير صح طبعا لو انتا بتسالني صح ولا غلط فالجزئية ده بالذات. انما رأيي الشخصي ان موضوع عملية تقديرية يعني انتا عايز تسامح ماشي عايز تاخد عوض ماشي ( انما منعدش نقول بقي العوض حرام وهتقبل عوض علي عيالك والكلام اللي بنسمعه ده من اللي خابط .

-وعلي فكرة اكيد اكيد كل اللي بيخبط حد او يحكله عربيته او حتي يلبس وش في وش مبيكونش قاصد بس حصل وتعدي علي مال غيره وهو قاعد في بيته وتسببله في ضرر فالاولي نقول ان اللي خبط مظلوم وميدفعش حاجة لانه مش قاصد ولا اننا نقول الراجل اللي راكن عربيته وسايبها واصابه ضرر من غير اي ذنب عمله.

-وعلي فكرة الكلام سهل وممكن يتحول لما يبقي اللي قاله فالموقف نفسه لما يبقي معندوش مبدء انما اللي مقتنع بمبدء ان من اتلف شيء عليه اصلاحه مش هتفرق كسر اشارة او ضيع نص عربية هيتحمل التكلفة مهما كانت لانه هو المخطيء.

-وبدل مانقول نحس بغيرنا ونحط نفسنا مكانه ( اللي هو خبط ). لاء الاولي نحط نفسنا مكان اللي عربيته اتخبطت وهي مركونه فالشارع ونحس بيه ومحدش عارف ده عليها اقساط ولا ظروفه ايه .

تحياتي

اقتباس:

---

المشاركة الأصلية كتبت بواسطة mahamede

+11111111111111111111111111111111111111
الله ينور ع حضرتك ,,, ولازم نفتكر ((( كما تدين تدان ))))))) ,,, يعنى اللى هنعمله انهاردة هيتعمل فينا بكرة
وبالمناسبة انا من اسبوعين كنت بصيف والعربية بردوا اتخبطت فى الاكصدام والراجل عرض عليا انه يصلحه بس الحمد لله استعوضت ربنا ,, وغيرته وصرفت فيه 1200 ج ,,, والحمد لله ع كل شى ,,,

---

و الله و انا كمان من اسبوع بس خلاص عدت و قولت نصيب و اتكل ع الله و كل سنة و انت طيب و خلصت

ولسة من فترة قريبة وانا واقف عربية نقل كسرت لي المرآة من ناحية السائق ومسكت في السواق بتاع النقل وزعقت وعرض على تمن المرآة ومشيته واشتريت واحدة جديدة غير الاصل طبعا مش شايف منها حاجة ده غير الخدوش والتجريح اللى الواحد دائما يستفتح بيها لما يرفع الغطاء ويلقيها في العربية كل الحاجات دي تنرفز وتغيظ لما الواحد اتندم انه اشترى عربيه

اقتباس:

---

المشاركة الأصلية كتبت بواسطة abogogo

وانت طيب axel وبعودة الايام بخير ..... المشكلة اني كنت عايز اخد ثواب الكاظمين الغيظ والعافين عن الناس تأنيب الضمير في ضياع الثواب الكبير ده في الايام المفترجه والرأي اللى انا رسيت عليه اني اطلع المبلغ اللى اخدته لأي حد فقير واصلح الاكصدام على حسابي او اجيب واحد جديد هو مش غالى

---

معلش حصل خير هو ساعة الغضب بيعمي البصر و الانسان مش بيبقي واعي بس ده درس انك تبقي هادي و متتعصبش مش في مواقف العربيات بس لأ في اي موقف
و بصراحة مش عارف ايه الحكم في الحالة ديه بس اعتقد انه مفيش غير انك تطلع الفلوس لشخص محتاج او تجيب بيهم حاجة رمضان و توزعهم ع ناس محتاجة

اقتباس:

---

المشاركة الأصلية كتبت بواسطة mr_vampire

-الاحساس بالغير صح طبعا لو انتا بتسالني صح ولا غلط فالجزئية ده بالذات. انما رأيي الشخصي ان موضوع عملية تقديرية يعني انتا عايز تسامح ماشي عايز تاخد عوض ماشي ( انما منعدش نقول بقي العوض حرام وهتقبل عوض علي عيالك والكلام اللي بنسمعه ده من اللي خابط .
ده اللي بتكلم فيه الاحساس بالغير لأني معرفش ظروفه و خاصة ان حال الناس دلوقتي بقي كرب
و بالنسبة حرام و حلال انا مش هقدر اتكلم فيها لأني و لا فقيه و لا عالم في الدين الا ان الكثيير بيرجحوا عدم اخذ التعويض و ربنا هو اللي يعوض الانسان

-وعلي فكرة اكيد اكيد كل اللي بيخبط حد او يحكله عربيته او حتي يلبس وش في وش مبيكونش قاصد بس حصل وتعدي علي مال غيره وهو قاعد في بيته وتسببله في ضرر فالاولي نقول ان اللي خبط مظلوم وميدفعش حاجة لانه مش قاصد ولا اننا نقول الراجل اللي راكن عربيته وسايبها واصابه ضرر من غير اي ذنب عمله.
يا ريس احنا بنتكلم في حاجة تقديرية الموضوع عامل زي الركنة
فيه الناس بتقدر بعضها و يقولك خلاص كل واحد مكانه او بالاقديمة او بالقرب من العمارة او البلكونة
و فيه ناس مش عايز اقولك محتاجين ضرب النار بيتخانقوا و يقتلوا بعض
عشان الركنة فالموضوع مسائلة تقديرية و كل واحد و شخصيته

-وعلي فكرة الكلام سهل وممكن يتحول لما يبقي اللي قاله فالموقف نفسه لما يبقي معندوش مبدء انما اللي مقتنع بمبدء ان من اتلف شيء عليه اصلاحه مش هتفرق كسر اشارة او ضيع نص عربية هيتحمل التكلفة مهما كانت لانه هو المخطيء.
يا ريت الناس كلها تعمل اللي بتقوله لكن للأسف اعرف ناس في المنطقة يقولك لازم العوض و مفيش حاجة اسمها حرام و حلال فيها ده حق
و لما خبط عربية واحد جاره يقوله يا عم انت هتاخد عوض مني و هتقبل ع عيالك العوض , و كل الكلام ده طلع لما هو بقي في الموقف
و الراجل رد عليه قاله مش انت كنت عامل بورم و بتقول لازم العوض ادفع بقي تمن غلطتك و بعد ما كل الناس اتلمت و فرج عليه المنطقة كلها و اداله الفلوس راح الراجل اللي عربيته اتخبطت رمي الفلوس في وشه قاله انا مش زيك عشان اقبل عوض و سابه و مشي

-وبدل مانقول نحس بغيرنا ونحط نفسنا مكانه ( اللي هو خبط ). لاء الاولي نحط نفسنا مكان اللي عربيته اتخبطت وهي مركونه فالشارع ونحس بيه ومحدش عارف ده عليها اقساط ولا ظروفه ايه .
مهو برضه ممكن يكون اللي خبط عليه اقساط و يمكن مش عربية بس يمكن اقساط في بيته و بيشتغل زي الدابة في الساقية و متبهدل عشان يجيب الفلوس ديه زي ما قولت الموضوع بيرجع للشخص نفسه

تحياتي

---

انا هقول ع النظام الي بيحصل في السعوديه مثلا

العربيه لو فيها سمكره كتير يبقى عامله حادثه ولازم تجيب جواب من المرور بعد فحص العربيه في الورش تبع المرور
يعني الي خبط و الي اتخبط ماينفعش يصلحو العربيات الا بجواب المرور

غير كدا الورشه الي بتفحص العربيه بيبقى فيها 3 بيقيمو التلفيات و بيدو سعر للشغل الي هايتعمل
و بتاخد 3 ورقات فيهم تقييم التلفيات بالمبلغ المطلوب لتصليحه و في المرور بيحسب مقدار الخطأ و بياخد متوسط المبلغ الي طلع بيه تقرير الفحص
و طبعا الي غلطان بيدفع حسب نسبه غلطه

الفكره في ايه
لو حكايه العوض دي غلط ماكنش بلد زي السعوديه بتفرضها علي الغلطان

السلام عليكم و رحمة الله و بركاته

أنا عن نفسى مش شايف فيها حاجة أبدا أنك تاخد تمن الاكصدام من اللى كسرهولك, لسببين:

أولا, أنك حرام تدفع تمن الاكصدام ده من فلوسك و فلوس بيتك اللى أولى بيها أهل بيتك و عيالك.

ثانيا, أن الموقف ده لما يحصل فى الشارع أودام الناس اللى تعرفك و أودام جيرانك, الناس دى كلها, هتعرف أنك مش سهل و أنك مابتسيبش حقك, ممكن تنازل عنه بمزاجك, آه, لكن هفيه, لأ.

ممكن, لو كان اللى خبطلك الاكصدام ده معترف بغلطه و بأدب شديد جدا و أنت لقيته غلبان و تمن الاكصدام ده مثلا هيأثر معاه, خلاص, اتنازل, مفيش مشكلة, لكن راجل راكب عربية ملاكى, خلاص يدفع, أنت اللى حظك كان كويس أنك وقعت فى واحد محترم راكب ملاكى, لو الخبطة دى كانت من سواق تاكسى مثلا, كانت بأت مشكلة, دول بيبقوا عاملين زى الكلاب المسعورة.

و أخيرا, كل عام و أنتم بخير و ربنا يعيد عليكم الأيام بخير و سلام ان شاء الله و عقبال رمضان الجاى, لما ييجى عليكم و تكون أحوال البلد اتظبطت و بقى فيه أمن و أمان أكتر من دلوقتى و تكون الناس اللى ماشية فى الشارع عارفة اللى ليها و اللى عليها كويس و تكون كل النوعيات اللى مالهاش لازمة فى الدنيا اتحرقت بجاز مش نضيف.

اقتباس:

---

المشاركة الأصلية كتبت بواسطة mrwho1982

هو ما اخدش الفلوس بلطجة او سرقة

الراجل غلط ودفع ثمن غلطته
بسيطة خالص

---

:plusone2::plusone2::plusone2:

همممممممممم , هو طبعا من يعفو افضل , لكن برده ده لا يمنع ان من اتلف شيئا فعليه اصلاحه هي الأصل

اللي انت عملته ده مش غلط و لا حرام
و لو كنت سبته كان هيبقي من كرم اخلاقك
فانا شايف انك لو تقدر صلح الاكصدام بدل ما تغيره و طلع فرق الفلوس لله