حادثة للعربية وهي واقف ...!!!

**abogogo** · 01-08-2011 02:55 AM

كنت بركب فانوس رمضان في البلكونة وواقف ببص على الشارع والعربيات واقفه وفجأة لقيت عربية بتخبط عربيتي اللى راكنه تحت بيتي نزلت جري ودخلت ايدي بسحب مفتاح عربية اللى سايق عشان مايجريش لقيته راجل كبير في السن ... للأسف انفعلت عليه بدون شتيمة طبعا قالى ايه اللى يرضيط رحت بصيت على العربية لقيت الاكصدام مكسور قلت له ثمن الاكصدام قالى ماشي وهو بيطلع الفلوس بيقولي يعني ده اللى يرضيك لما لقى الناس اتلمت بيلعب على وتر قبول العوض ولقيت نفسي مصمم على قبول العوض وجيراني واقفين والراجل طلع تمن الاكصدام وانا اخدته امام الناس بس بعد ما الراجل مشي جاتلى حالة تأنيب ضمير اني انفعلت على الراجل وثانيا قبول العوض انا بتسامح كتير بس ماعرفش لية اتمسكت بأني اخد تعويض على الرغم ان العفو كان هيكون افضل خصوصا في الايام المفترجه دي ..... رأيكم ايه اتبرع بثمن الاكصدام واجيب اكصدام جديد من جيبي وعوضي على الله خصوص ان شوارعنا في مصر عشوائية وممكن اقع في نفس المشكلة ولا اصلح خطأ غير من جيبه على اساس قاعدة من اتلف شئ عليه اصلاحه ؟؟

**mr_sameh** · 01-08-2011 03:03 AM

الحمد لله علي كل شئ انا لسه حاصلي الموقف دة من حوالي 4 ساعات توك توك دخل في العربيه وبهدلي الاكصدام والراجل نزل وعرض عليه تصليح الاكصدام لكن الحمد لله تمالكت اعصابي عنك ومشيته

**mr_vampire** · 01-08-2011 03:06 AM

هو منين عندنا ثقافة ان العوض حرام ؟؟؟؟؟؟؟؟؟ ليه منستبدلهاش بثقافة من اتلف شيء فعليه اصلاحه اكيد هتبقي سبب في ان الواحد ياخد باله كويس وهو ماشي ويحافظ علي مال غيره لانه عارف ان هو اللي هيصلحها لان للاسف القرش هو اللي بيوجع دلوقتي .

**Amr Axel** · 01-08-2011 03:12 AM

يا ريس تصليح اكصدام مش محتاج تغير الاكصدام سواء فيبر او معدن و يترش عادي بدل ما تدفع في واحد جديد
و هي للأسف موضوع العصبية بتخلي الواحد ميشوفش قدامه بيلوش شوية يعني خلي بالك المرة الجاية بلاش تتعصب اوي و اعرف ان اي حاجة ان شاء الله بسيطة
يعني زي ما شايف عربيتك سوزوكي يعني تقريبا الاكصدام فيبر يعني لو كسره نصين هتصلحه بالرش 50-60 جنيه حاجة بسيطة يعني
خلي بالك و متخليش العصبية تتملكك و خاصة ان الشيطان ما بيصدق يشتغل عشان رمضان جي و حاله هيبقي واقف هههههه
و كل سنة و انت طيب

**Amr Axel** · 01-08-2011 03:17 AM

المشاركة الأصلية كتبت بواسطة mr_vampire

هو منين عندنا ثقافة ان العوض حرام ؟؟؟؟؟؟؟؟؟ ليه منستبدلهاش بثقافة من اتلف شيء فعليه اصلاحه اكيد هتبقي سبب في ان الواحد ياخد باله كويس وهو ماشي ويحافظ علي مال غيره لانه عارف ان هو اللي هيصلحها لان للاسف القرش هو اللي بيوجع دلوقتي .

يعني يا ريس واحد خبط بدون قصد اروح اطلب عوض منه
لو هو عرض و مثلا انا مش هقدر ادفع يبقي انا نص و هو نص
انما طالما الموضوع بسيط او يتلم ليه اخد عوض الموضوع مش موضوع حرام او حلال بس لكن انا مثلا معرفش ظروف اللي قدامي ايه ما جايز يكون راكب عربية كبييرة لكن مفيش في جيبه ولا مليم او حالته مش اوي يبقي ازنقه و يمكن يسلتف و يمكن و يمكن
ربنا هو اللي بيعوض يا استاذ فامبير مفيش احسن من طلب العوض من ربنا سبحانه و تعالي

يعني سؤال افرض حضرتك لا قدر الله كنت مكان الراجل ده و مش غلطتك و مش كسرت اكصدام بس ضيعت عربية الراجل كنت هتدفع تعويض لصاحب العربية بكل التكاليف و دخلتلها في كام الف ؟؟؟
حضرتك الكلام سهل انما لما تتحط في الموقف هتحس بيه و ساعتها هتقول يا ريتني مكنت قولت كده
لازم نحس بغيرنا و نحط نفسنا مكانه صح ولا انا غلطان ؟؟ :)

**abogogo** · 01-08-2011 03:25 AM

المشاركة الأصلية كتبت بواسطة Axel

يا ريس تصليح اكصدام مش محتاج تغير الاكصدام سواء فيبر او معدن و يترش عادي بدل ما تدفع في واحد جديد
و هي للأسف موضوع العصبية بتخلي الواحد ميشوفش قدامه بيلوش شوية يعني خلي بالك المرة الجاية بلاش تتعصب اوي و اعرف ان اي حاجة ان شاء الله بسيطة
يعني زي ما شايف عربيتك سوزوكي يعني تقريبا الاكصدام فيبر يعني لو كسره نصين هتصلحه بالرش 50-60 جنيه حاجة بسيطة يعني
خلي بالك و متخليش العصبية تتملكك و خاصة ان الشيطان ما بيصدق يشتغل عشان رمضان جي و حاله هيبقي واقف هههههه
و كل سنة و انت طيب

وانت طيب Axel وبعودة الايام بخير ..... المشكلة اني كنت عايز اخد ثواب الكاظمين الغيظ والعافين عن الناس تأنيب الضمير في ضياع الثواب الكبير ده في الايام المفترجه والرأي اللى انا رسيت عليه اني اطلع المبلغ اللى اخدته لأي حد فقير واصلح الاكصدام على حسابي او اجيب واحد جديد هو مش غالى

**mrwho1982** · 01-08-2011 03:28 AM

هو ما اخدش الفلوس بلطجة او سرقة

الراجل غلط ودفع ثمن غلطتة بسيطة خالص

**abogogo** · 01-08-2011 03:29 AM

المشاركة الأصلية كتبت بواسطة mahamede

+11111111111111111111111111111111111111
الله ينور ع حضرتك ,,, ولازم نفتكر ((( كما تدين تدان ))))))) ,,, يعنى اللى هنعمله انهاردة هيتعمل فينا بكرة
وبالمناسبة انا من اسبوعين كنت بصيف والعربية بردوا اتخبطت فى الاكصدام والراجل عرض عليا انه يصلحه بس الحمد لله استعوضت ربنا ,, وغيرته وصرفت فيه 1200 ج ,,, والحمد لله ع كل شى ,,,

اللى غاظني اني لسه مغير نفس الاكصدام من فترة قريبة كنت نازل اخد العربية برفع الغطاء لقيت الاكصدام مكسور وغيرته وانا مخنوق من الشخص اللى خبطها ومشي فلما شوفت نفس الخبطة بعيني انفعلت
بس على فكر انا ماشتمتش الراجل انا زعقت بس واتمسكت اني اخد تعويض

-

-

الموضوع: حادثة للعربية وهي واقف ...!!!

LinkBack

أدوات الموضوع

عرض

حادثة للعربية وهي واقف ...!!! - انشر الموضوع فى :

-

-

-

-

-

-

المواضيع المتشابهه

اعمل ايه يعني...دائري واقف ..اوتستراد واقف...طريق السويس واقف

هو الدائرى واقف ليه؟؟

صوت طقطقه و انا واقف ؟؟؟

تبيه هام الاتوستراد بعد مدخل حلوان واقف فى اتجاة المعادى (حادثة) )

حادثة جامدة وجرحى للعربية اودي Tt

الكلمات الدلالية لهذا الموضوع

المفضلات

المفضلات

ضوابط المشاركة