اولا كل عام وانتم بخير
عندى تكييف السياره ضعيف جدا الكل كده ولا انا بس
السحب مع تشغيل التكييف بيضعف
ارجو الافاده وجزاكم الله خيرا
عرض للطباعة
اولا كل عام وانتم بخير
عندى تكييف السياره ضعيف جدا الكل كده ولا انا بس
السحب مع تشغيل التكييف بيضعف
ارجو الافاده وجزاكم الله خيرا
وعليكم السلام ورحمة الله
وانت بألف صحة وسلامة يارب العالمين
المهم ... انت لو مشحنتش الفريون قبل كده ومن ساعه ما استلمتها ........ يبقي الفريون عايز يتشحن.
حتي في الشتا ان شاء الله حاول تشغل التكيف كل يوم 5 دقايق ولا حاجة ... علشان يفضل محتفظ بالشحنة بتاعته.
---------------------
وموضوع السحب ده ممكن يكشفوا علي البوجيهات .. يكون من بنزين تعبان ولا حاجة .
كل ده سهل وبيتزبط مع الصيانة العادية ان شاء الله.
وربنا ييسرلك الخير
التكييف بيكون ضعيف معاك في اي وقت ولا اوقات معينة لان اداء التكييف بيختلف مع اختلاف درجات الحرارة الخارجية - فتشغيلة بليل غير لما تشغلة بالنهار - انت عامل كام بالعربية لغاية دلوقت لان موضوع تاثير التكييف علي السحب ممكن تحس بية فعلا في الاول لكن بعد فترة حوالي من 10000 الي 15000 كيلو ما بتحسش بية نهائي
هوا المفروض ال Delay اللي حضرتك بتحس بية دا لانك بتشغل التكييف والعربية ماشية فدا بيكون نتيجة ان الكلتش اشتغل وبالتالي الموتور اتحمل بالتكييف فجاه المفروض انك تشغل التكييف الاول وبعدين تبتدي تمشي بالعربية مش حتحس ان في Delay ولا حاجة وتاثير التكييف علي الماتور بيخف جدا كل ما تستعمل العربية اكتر - وانت بالصحة والسلامة
كلام موزون و مقنع
السلام عليكم ورحمة الله وبركاته
متابع
السحب بيقل مع التكييف ده طبيعى
تكييف العربيه فى عز الظهر ضعيف وده طبيعى
والكلام ده فى كل عربيات الفئه دية تقريبا
بعد الظهر التكييف ممتاز جدا
لو شغلت التكييف وانت على الاول والتانى هتحس بضعف فى السحب
لكن بعد كده بتلاقى الموضوع عادى
وخد بالك العربيه كل ما بتجرى كل ما التكييف بيشتغل بكفاءه اعلى
ومش هتحس بضعف فى السحب
فعلا التكييف مقبول ويؤثر على سحب السيارة
شكرا كثيرا على الرد ياجماعه
العربية عامله 13000 كيلو موديل 2010 التكييف سواء بالييل او الصبح ضعييف مقارنة مع سيارة ابن عمى وهى اسبرانزا 2011 جديدة حسيت انى تكييفها اقوا بمراحل وسحبه ونعومتها فى الحركة ممتازه انا خدت مشوار بعربيتى من قنا للغردقه حوالى 350 كيلو بمتوسط سرعه 130 كيلو كان جو التكييف زى الزفت دا فى النهار بينما اسبرانزا اخدت بيها مشوار قنا لقصر حسيت انى قاعد فى فريزر لدرجة انى مستحملتش البروده وقللت الدرجه خالص واتمنيت لوكانت عربيتى ومشيت بيه على سرة 175 كانت هايله وفى منتهى الجمال
ارجو تعلقكم ............... وشكرا
طب انت محاولتش تروح التوكيل تشيك جايز يكون عندك مشكلة - الكلام اللي حضرتك بتقولة دا بيؤكد ان في عربيتك مشكلة في التكييف لان تكييف اللوجان ممكن يكون ادائة ضعيف في اوقات الظهيرة والحر فقط مع السرعات البطيئة لكن علي السرعات العالية بيكون تلاجة وصعب ان انت تمشي بية علي درجة عالية - الكلام دا عن تجربة حقيقية لاني بسافر بالعربية كتير وغالبا ما بتبقي مواعيد سفري في عز الظهر والحر - فالاكيد ان انت لازم تراجع التوكيل مع اول صيانة عشان تحل مشكلتك