يا جماعة انا عايز اركب عربية اتوماتيك:_Alshmokh23[1]: فى حدود 100-95 الىف بشرط انها تكون عائلية و عملية و يعتمد عليها و مافيهاش مشاكل من حيث قطع الغيار و الصيانة :error404:و اعادة البيع ... يارت تشاركونى الرأى مع التوضيح :hrm_prv::hrm_prv::hrm_prv:
عرض للطباعة
يا جماعة انا عايز اركب عربية اتوماتيك:_Alshmokh23[1]: فى حدود 100-95 الىف بشرط انها تكون عائلية و عملية و يعتمد عليها و مافيهاش مشاكل من حيث قطع الغيار و الصيانة :error404:و اعادة البيع ... يارت تشاركونى الرأى مع التوضيح :hrm_prv::hrm_prv::hrm_prv:
أولا كل سنه و انت طيب بمناسبه شهر رمضان الكريم اعاده الله علينا جميعا بالخير و اليمن و البركات و جعلنا جميعا من عتقاء النار بأذن الله .
ثانيا : ارشح لك النيسان صني بقوه و بفارق رهيب عن باقي الأختيارات مع كافه الأحترام للماركتين التانيين ( شيفروليه و هيونداي )
النيسان عربيه اعتماديه من الدرجه الأولي من حيث قوه موتور ( يديك ربنا طوله العمر معاه ) و من حيث شياكه داخليه و خامات فخمه في التقفيل و من حيث صاج تقيل جدا ( في الفئه الياباني و الكوري ) و من حيث توافر قطع الغيار و حاجه ببلاش كده.
حايجيلك ناس و تقوللك ده شكل قديم و بقاله 10 سنين و بتستهلك بنزين كتير و ضيقه .
الشكل مسأله ازواق - لو انت من هواه الجري وراء اجدد حاجه يبقي مش حاتعجبك .
بتستهلك بنزين - انا اصبحت متأكد تماما ان الموضوع ده له علاقه بطريقه السواقه و التعامل مع العربيه
من جري و قرص و عدم تسخين الصبح كل دي عوامل تخللي العربيه تاكل بنزين حتي لو كانت 600 سي سي مش 1600 لكن غير كده العربيه دي زيها زي غيرها في معدلات الأستهلاك يمكن ازيد حاجات بسيطه لكن مش غول ( امريكاني 8 سلندر يعني ) .
ضيقه : العربيه بتشيل 5 ركاب مرتاحين ( مش لازم أقعد واحد ورا طوله 180 سم علشان اقول ضيقه ) .
و لو قررت ان شاء الله النيسان - اعتقد ان السبع ( من كبار موزعين نيسان ) بيعمل عروض حلوه في رمضان .
انا كل اللي قلته رأيي الشخصي و مش عاوز حد من اللي بيحبوا الماركات التانيه يزعل مني .
و كل سنه و انتم طيبين جميعا .
اخوكم شريف
النيو اكسنت معنديش معلومات عنها
الاوبترا ثبات جيد وموتور قوي وصالون واسع وتابلوه شيك واعاده بيعها كويسة وقدرة على المناورة عالية
الصني ثبات جيد وموتور قوي(الوبترا اقوى رغم ان الصني ياباني) صالون ضيق وتابلوه قديم ولكن شيك الى حد ما برضو واعاده بيع ممتازة وقدرة على المناورة معقولة لكن مش عالية زي الاوبترا
ملاحظات
انا سقت الصني والاوبترا انبسطت اكتر وانا سايق الاوبترا وحسيت انها افضل
الخلاصة
الصني في رايي تتفوق في اعادة البيع وكمان في انها تجميع مصري فهنشجع شغل بلدنا
الاوبترا تتفوق في الموتور والوسع الداخحلي والشكل والثبات
حاجة اخيرة التقفيل الداخلي لصالح الصني بس الاتنين كويسين بس الصني افضل
الاوبترا شكل عجوز مافيش فيه جديد الا الكاسيت قلبوه من شرايط لاسطوانه واعادة بيعها بيخسر كثير يعنى العربيه 95 تباع 77 الف . الصنى تقفيل مصرى واحدة حلوة وواحدة انت وحظك مشاكل الجودة وامكانيات التصنيع والتجميع لاتسمح بتطوير الانتاج كالمستورد نظرآ لقله الاعداد وتكلفه الانتاج و.... الخ وشكل كلاسيك قديم مافيش اليابانى فيها الا اسمها لانها بتصنع فى الصين وكوريا وشكل الصنى سيتغير فى شهر 9 ميلادى فى الخليج بشكل جذرى . الاكسنت جيل جديد معاك خمس سنوات وشكل حلو وسيارة تركبها صالون افضل وتابلوة اشيك وبص اركب العربيات دة كلها فى صاله واحدة وقرر
عن تجربة .. الأوبترا عايز تشتريها تبقى مانيوال و إلا هتحس إنك راكب سلحفاه بكاوتشات لو اشتريتها أوتو .
و الأكسينت خفيفة جدا على السرعات العالية .. لو بتسافر كتير مانصحكش بيها بصراحه ، ده غير إنها غالية على الفاضي من غير أي تكنولوجيا
الصني صحيح مش عالية أوي .. بس على الأٌل هتحس بأمان و انت مسافر و بتاخد ملفات على سرعات عالية .. ممكن يكون شكلها من جوه أو من بره مش بيعحب ناس كتير .. بس ده مايقللش من قيمة التكنولوجيا الياباني ... بس لازم تجيبها سوبر صالون علشان الآي بي إس و باقية الأوبشنز.
كل اللى حضرتك قولتو بينطبق ع الصنى
شكلىى فعلا هقتنع بالصنى بس حد ممكن يفدنى فى سعر السوبر صالون كام؟
سعرها المعلن هاي لاين هو 103000 جم ( جميع الكماليات + فيميه علي الزجاج الخلفي )
ممكن في بعض الصالات تلاقي السعر اعلي من كده لقله المعروض حاليا .
ممكن تصبر شويه لما تشوف العروض الرمضانيه و لو عندك وقت زياده و مش مستعجل استني معرض سيارات اخبار اليوم ( اوتوماك) حايكون علي اواخر سبتمبر ان شاء الله مش فاكر بالضبط يوم 24 او 27 يعني آخر اسبوع في 9/2011 و اعتقد بيبقي فيه عروض جيده لأشعال المنافسه و تنشيط المبيعات بين الشركات .
Sunny
كلام 100 100 ، بس برضه سعر إعاده البيع للأوبترا إرتفع الفتره اللى فاتت علشان الطلب عليها بقى أكتر .
مش معاك فى دى : ))
عن تجربه ..!! أشك ، من أهم مميزات الأوبترا الأوتو السحب فوق الممتاز ( عن تجااااااااارب كتير ) ... ولو حضرتك عايز تجرب تانى عربيتى تحت أمرك .... متزعلش منى بس بصراحه الكل أجمع على سحب الأوبترا الأوتو إنه حلو جداً ... ومن فتره كنت بجرى مع واحد صاحبى بصنى أوتو برضه ، وعربيته نفس الموديل وتقريبا نفس عدد الكيلو متر وعايز أقولك إننا تقريباً كنا مثبتين سرعه مع بعض لغاية الـ 160 كم : ))
على العموم أنا كنت دايخ نفس الدوخه من سنه ، وجربت العربيتين وإرتحت ولاقيت متطلباتى فى الأوبترا ، إركب الإتنين وجربهم وشوف إيه اللى حيفرق معاك ( وسع ، سحب ، قطع غيار ، تقفيل ، إستهلاك بنزين ، ثبات ، عوامل أمان ...... ) وجمع المزايا والعيوب اللى تناسبك وساعتها حتقدر تقرر صح .. وبالتوفيق .
يا باسم باشا عاوز اعرف استهلاك الاوبترا للبنزين نظامه ايه لو سمحت
معايا :
160 كم فى الصفيحه ---> سواقه رياضيه
180 : 200 كم فى الصفيحه ---> سواقه عاديه جوه البلد
220 : 240 كم فى الصفيحه ---> على الطرق السريعه
يعنى تقريباً زى الصنى وممكن يكون أحسن بحاجه بسيطه .
ويا ريت تشوفلى معاك عروسه تفصيل انا كمان علشان غلبت فى التدوير ومش لاقى حاجه أصلى .. كله مضروب : )))))
+111111111111111111111111111111111111
-------------------------------------------------------------------
اخواني اجابوا ووفوا ماشاء الله عليهم
واللي يقلك انها تقفيل مصري وليس لها علاقة باليباني الا اسم بس ........ افتح الماتور وهاتلي حاجة مش مكتوب عليها made in japan ...... الا اذا بقي لو المصانع اللي بتقفل عربيتها في مصر زي مرسيدس وبي ام .... هاتبقي مصري وليس من الالماني من شيء؟
ارشحلك الصني بفضل الله
بس مش هتلاقي عربية ماتور وعفشة وقطع غيار ووسائل امان وتقفيل محترم وانتشار رائع وسعر اعادة بيع وصاج فوي جدا ماشاء الله ........... كل ده مش هتلاقي الا في الصني بفضل الله
وده بشهادة الناس كلها مالكيها او غير مالكيها ماشاء الله .
مع الصني بتاخد حقك تالت ومتلت وفوقيه بووووسة وحضن كبيييييييييير هههههههههههههه :)))
الاكسنت ...... انا بكره حاجة اسمها غبوووووور اللي بينزل وسائل الامان كماليات في عربياته .... واعرف انك دافع بتاع 10000 ولا 15000 كده زكاه لعم غبور زيادة علي تمن اي عربية هيونداي .
الاوبترا جميلة والمانويال بتاعه جميل جدا ماشاء الله ...... بس منصور ده اولا وثانيا اعلي فئة فيها مفيهاش اير باج واااحده حتي ...واللي هي تساوي السوبر صالون وفيها 2 ايرباج وABSوEBD ده غير الجنوط وووحدات الاضاءة والابانوس والمخادع .... يعني رفاهية محترمة ماشاء الله .... بس في الاول والاخر برده كووري والكوري عمره بالنسبة للياباني قصير ... وده ملحوظ جدا.
شوف موديلين صني واوبترا مثلا لنفس السنة .... حتي مع المحافظة علي العربية ... هاتعرف الفرق :))
وربنا ييسرلك الخير :)) ومتنساش الاستخارة وربنا ييسرلك كل خير
معلومة بسيطه
الاكسنت هى العربيه الاكثر تطورا فى الماتور بتنكلوجيا CVVT وتجميعها فى السرعات اعلى من الاثنين
الاوبترا 106 حصان ماتور تكنلوجيه قديمة قوى (نوبيرا) وبتاكل بنزين - تجميع بطىء على السرعات العاليه فوق 140- عفشه ناشفه وليست رياضيه
النيو اكسنت العاديه 112 CVVT اقتصاديه فى البنزين - فتيس سريع جدا وتجميع عالى على السرعات العاليه وتقدر تقفل عدادها بسهوله - عفشه ناشفه رياضيه
الاكسنت RB 121 حصان CVVT اقتصاديه فى البنزين - دريكسيون كهرباء متطور - فتيس سريع جدا - عفشه ناشفه رياضيه
الصنى 118 حصان بس تسارع بطىء قوى وبياكل بنزين - شكل عجوز بقاله 10 سنين - عفشه انعم من الكورى ولكنها بتهبد و رديئه جدا جدا تكاد تكون عفشه مصريه وليس يابانيه ولكن السوبر صالون عفشه افضل بكثير
بس الخلاصه
Accent RB اشيك واحدث وماتور شديد قوى وثابته فى المناورات وصالون حلو
ده مين اللي قال لحضرتك ان الصني تسارعها بطئ؟؟ .... يمكن تجميعها في الاول بطئ بس لما بتجمع شوفها عاملة ازاي!!!
واستهلاك بنزينها زي الالنترا والاكسنت زي اي عربية 1600 ..... ولو قلت هاتبقي بنسبة بسيطة .
والعفشة ناشفة بس شوفها في التغريز وعلي الطريق ..... وطبعا ثباتها مش زي الاكسنت
خد غرزة بديه وبديه وتعرف الفرق بين عربيتك والصني
والفرق في السوبر صالون عمود الاتزان وده بيركب في 10 دقايق ... لكن بقيت العفشة زي ما هي.
والشكل ديه اذواق ....... انا عاجباني عن الاكسنت والاكسنت الrb ........ علي حسب اللي هايتشري.
الأستاذ sonasteel ...
هو النيسان صني كلها يتنزل بوسائل آمان كتجهيز قياسي ؟
كل الصني فيها airbag للسائق
اما السوبر اعتقد ان موجود للسائق وكمان الي جمبة
بالنسبة للEX صالون ..... هما فئتين
فئة فيها اير باج افتراضي للسواق
الفئة التانية بتزيد عن الاير باج فرامل الabs ,ebd
---------------
بالنسبة للسوبر صالون
2 اير باج للسواق والراكب الامامي افتراضي
وabs , ثebd افتراضي
تمام .. كدا الrb بعيدة لأن اللي فيها وسائل امان اغلى و بطلت تنزل تقريباً
الميزه الوحيده الى تاخدها النيسان صنى هو وسائل الامان ورخص ثمنها عشان تجميع مصرى وماتور يابانى
انما معلش مع احترامى لرئيك فى التسارع متسدش خالص مع النيو اكسنت خالص نهائيا وكليا وبالذات على السرعات الى فوق 180 وانا جربت كذا مره على طريق العين السخنه وشديت مع كذا واحد نيسان صنى منيوال معرفش يعمل معايا حاجه خالص
لما العربيه جمعت معاه كنت انا خلاص عربيتى جابت 210 وبعيد عنه خالص
بالنسبه للاتزان النيسان فعلا تكسب لان وزنها اتقل وعريضه من ورا
بصراحة انا كنت هشتريها بس مشكلتها ان شكلها عجوز وتحس كده ان لازم الى يركبها راجل كبير فى السن قوى وبتفكرنى بالعربيات الكبيره القديمه زى المازدا القديم كده
بس هى عربيه محترمه بس سعر اعادة البيع بتاعها مش زى الهيونداى والهيونداى قليلة الاعطال بالذات الفئات الكوريه كامله مش التقفيل المصرى منها زى الاكسنت والالنترا
اقتباس:
بالنسبة للex صالون ..... هما فئتين
فئة فيها اير باج افتراضي للسواق
الفئة التانية بتزيد عن الاير باج فرامل الabs ,ebd
---------------
بالنسبة للسوبر صالون
2 اير باج للسواق والراكب الامامي افتراضي
وabs , ثebd افتراضي
مفيش كلام يتقال اكتر من اللي إنت قلته يا سحساقتباس:
ده مين اللي قال لحضرتك ان الصني تسارعها بطئ؟؟ .... يمكن تجميعها في الاول بطئ بس لما بتجمع شوفها عاملة ازاي!!!
واستهلاك بنزينها زي الالنترا والاكسنت زي اي عربية 1600 ..... ولو قلت هاتبقي بنسبة بسيطة .
والعفشة ناشفة بس شوفها في التغريز وعلي الطريق ..... وطبعا ثباتها مش زي الاكسنت
خد غرزة بديه وبديه وتعرف الفرق بين عربيتك والصني
والفرق في السوبر صالون عمود الاتزان وده بيركب في 10 دقايق ... لكن بقيت العفشة زي ما هي.
والشكل ديه اذواق ....... انا عاجباني عن الاكسنت والاكسنت الrb ........ علي حسب اللي هايتشري.
http://img219.imageshack.us/img219/9615/quote10.png
بص يا باشا لما اللانوس تطلع من الفيرنا على السرعات العليا ..
متجيش تقولي الأكسنت تطلع من الصني على السرعات ديه .. ده بقى بيسموه عيب سواق
وكمان هو احنا داخلين سباق .. كفاية بقى كل واحد ييجي يتكلم على عربية .. يقولك ديه طلعت من ديه .. ديه يا جماعة مش مقارنة .. لو عايز عربيتك تطلع من أي عربية شوية تعديلات بسيطة في tps garage مش هتعدي 7000 جنيه .. إن شاء الله لو كانت 127 ..
بص يا باشا صاحب الموضوع .. عايز عربية محترمة .. تبقى عربية الامان فيها عالي .. ولك حرية الاختيار ..
ومش عشان معايا صني بأقول كده .. وقبل مجيبها لفيت سنة كاملة على العربيات .. و وصلت إني كنت هجيب CRUZE .. لكن طلعت عربية مش اد كده منظر بس ..
تحياتي ليك يا حبيبي ..