رجوع البنزين إلى السعر القديم (مؤقتا)

**ecybrarian** · 07-05-2008 11:30 AM

قامت فرق الرقابة التابعة للتموين وهيئة البترول بالتفتيش على محطات البنزين للتأكيد على عدم زيادة اسعار البنزين في الوقت الحالي، حيث ان الاسعار الجديدة للوقود تبدأ من ميزانية العام المالي الجديد (الأول من يوليو 2008)
أو حتى إقرارها من قبل وزارة البترول

انا مونت امبارح بالاسعار القديمة

.................................................. ...........
تم غلق الموضع لأن كل محطات البنزين بدأت اليوم تطبيق الأسعار الجديدة

الإدارة - 3

**Nader** · 07-05-2008 11:32 AM

اية دة؟؟! بجد؟؟

**ZALABANY** · 07-05-2008 11:37 AM

أيوه يا جماعه كلام الدكتور هشام صحيح

**Nader** · 07-05-2008 11:41 AM

ولاد الاونطة!!

اختي مفولة امبارح بالاسعار الجديدة!!

حسبي الله ونعم الوكيل في دي بلد.

**ابو سيف** · 07-05-2008 11:43 AM

ايه دا؟؟!!!

ايه البلد العجيبه دي بجد؟؟!!!!!!

انا لسه ممون امبارح بالليل بالاسعار الجديدة !!

و بعدين لما يطلع رئيس الوزارء بيك في التليفزيون و يقول رسميا ان الاسعار الجديدة من انهاردة(دة يوم القرار المهبب طبعا) الساعه 10 مساءا(شكله بيحب البرنامج ) و يجوا بعدها بيومين يقولك مؤقتا لأ لحد السنه الماليه الجديدة !!!

انا عايز بس اقول حاجة :

حد شاف اللقاء الصحفي يوميها بتع رئيس الوزراء و رئيس مجلس الشعب
عشان نعرف بس مجلس الشعب دة عبارة عن ايه والبلد العجيبه دي محدش فيها عارف اي حاجة عن اي حاجة

لما الصحفيه سألت رئيس مجلس الشعب
طب الاسعار الجديدة هتبأ من امتى
رد حضرته طبعا لسه هتبدأ من اول ما يتم الاعلان عنها في الصحف الرسميه(في حين طبعا ان كان في ناس بتمون بالاسعار الجديدة و هوا بيتكلم)
مش دي المشكله
ساعتها بقا
قام رجل المهام الصعبه و اللى ربنا يكون في عونه على اعباءنا و حملنا الكبير (احمد بيك نظيف) و اخد الميكرفون من فتحي بيك سرور
و قال للصحفيه الاسعار من انهاردة الساعه 10

يعني بجد حاجة تكسف
اللقاء الصحفي دة كان على بالليل ... بعد كل دة و اجتماعات و مناقشات من الصبح
و رئيس مجلس الشعب مش عارف القرارات دي هتتنقذ من امتى !!!!
و يجي انهاردة كمان بعد كلام رئيس الوزراء بقولوا بالسعر القديم

كفايه كدة عشان هبدأ اغلط

**kh_talaat** · 07-05-2008 11:45 AM

حقيقي الكلام دة ولا إشاعة ؟؟؟ بس رئيس الوزراء قال إن القرار هيطبق من يوم الإثنين 5 مايو إعتبارا من 10 مساء ؟؟؟؟؟

**Yarisawy** · 07-05-2008 11:49 AM

لا يا عم الاسعار زادت خلاص

حتى عم نظيف قال هاتزيد من يوم الاثنين الساعه 10 بالليل

**wawoo** · 07-05-2008 11:51 AM

المشاركة الأصلية كتبت بواسطة kh_talaat

حقيقي الكلام دة ولا إشاعة ؟؟؟ بس رئيس الوزراء قال إن القرار هيطبق من يوم الإثنين 5 مايو إعتبارا من 10 مساء ؟؟؟؟؟

دة غالبا حصل , بس ممكن يكونو رجعو فى كلمهم لان فعلا كدة الاسعار حتولع , و دة طبعا حيبوظ حلاوة ال 30% اللى اعلن عنها الريس , واضح ان فى رفض شعبى لاى زيادة مهما كان مببرها , كويس انهم يرجعو فى كلمهم مافيش مشكلة , دة معنى ان فى اتجاه للتجاوب مع الناس و احتياجتهم , الناس مش مستحملة اى غلطة دلوقتى .

-

-

الموضوع: رجوع البنزين إلى السعر القديم (مؤقتا)

LinkBack

أدوات الموضوع

عرض

رجوع البنزين إلى السعر القديم (مؤقتا) - انشر الموضوع فى :

-

-

-

المواضيع المتشابهه

انا هاستلم الايفو pk2 auto الاسبوع ده على السعر القديم 110,500

عيد رجوع المنتدى

بروتون جين تو وداعا مؤقتا

مؤقتا بدل الشريط المتحرك...

الكلمات الدلالية لهذا الموضوع

المفضلات

المفضلات

ضوابط المشاركة