السلام عليكم
رمضان كريم
عاوز اعرف الطريق لدار المحفوظات اللي في القلعة - انا جاي من بنها وبفضل اطلع دائري لو متاح
عرض للطباعة
السلام عليكم
رمضان كريم
عاوز اعرف الطريق لدار المحفوظات اللي في القلعة - انا جاي من بنها وبفضل اطلع دائري لو متاح
للرفع
رمضان كريم ... معرفش فين دار المحفوظات بالظبط بس هوصلك للقلعه :)
اطلع دائرى و انت جاى من بنها من المطلع التانى (اول مطلع بعد ما تعدى من تحت الدائرى) و امشى فى اتجاه طريق الاسماعيليه الصحراوى و انزل نفق السلام ... هتعدى من جنب المطار و تنزل نزلة الماظه (طريق السويس) فى اتجاه القاهره (حوالى 8-10 كيلو بعد نفق السلام) ... هتمشى فى الطريق ده (اسمه شارع الثوره) هتلاقى كوبرى تطلعه و تكمل طوالى هتعدى من تحت 3 كبارى هيكونو فوقك بالعرض (الاوتوستراد ثم النزهه ثم الميرغنى) بعد تالت كوبرى ب حوالى 300 متر فى نفق متنزلوش و تطلع من فوقه يمين و تاخد اول يوترن و ترجع كده انت مسكت صلاح سالم فى اتجاه القلعه تمشى طوالى و حاول تخليك شمال ... هتنزل نفق العروبه و تطلع كوبرى امتداد رمسيس و كوبرى الفردوس و عند نفق الازهر تخليك شمال علشان تكمل طوالى عند حديقة الازهر و هتلاقى الطريق بيلف شمال فى يمين و انت معاه و القلعه جنبك .... خليك يمين و اول ما تخلص القلعه قبل ما تطلع كوبرى السيده عيشه اسأل فين دار المحفوظات
اتمنى ان الطريق اللى وصفته يكون ساعدك