E90 style 156 alloy

ازيكو يا جماعة كل سنة وانتو طيبين عايز اسئل سوئل مهم لاني في صدد تغيير طقم الكاوتش فانا عندي دلوقت راكب جنط 16 دي صورتوhttp://1.bp.blogspot.com/_OewQEp9wPj...-spoke-156.jpg ومقاس الكاوتش اللي راكب علية 205/55 فانا عايز اعرض الكاوتش اخلية 225-50 16r مع العلم ان مقاس الجنط 16*7 و امكتوب علي قايم العربية المقاس العريض دة بس سئلت في التوكيل قالي مش هينفع الجنط صغير وفي بريدجستون قالولي يركب عادي والمنتديات الاوربية بتاعت ال E90 بيقولوة يركب اخرك 225 فمش عارف اصدق مين لاني لو اشتريت الكاوتش مش هقدر ارجعوة فياريت حد يساعدني وابقي شاكر لية جدا موقع اهوة للمنتدي الاوربي بيقول يركب بسهولة عادي 156 rims. Can they have 225/50 R16 tires? - BMW 3-Series (E90 E92) Forum - E90Post.com ياريت تساعدوني لاني محتار اوي

توكل على الله وركبه . مفيش فيه أي مشكلة .
هو مين إلي قال لحضرتك في التوكيل إن الجنط صغير ؟

اللي أعرفه إن الجنوط السبور عرضها تقريباً واحد .. وبتشيل لغاية 225 ،،،،،،،،،،،،، والله أعلم

اقتباس:

---

المشاركة الأصلية كتبت بواسطة BMW5260

اللي أعرفه إن الجنوط السبور عرضها تقريباً واحد .. وبتشيل لغاية 225 ،،،،،،،،،،،،، والله أعلم

---

الجنط ، أي جنط بيكون ليه رقمين في المقاس ، 16x7J مثلاً ، الرقم الاول دة بيكون القطر بالبوصة ، ود إلي احنا متعودين عليه ، يعني 16 بوصة أو 17 بوصة وهكذا ..
والرقم التاني إلي جنبيه J دة بيكون عرض الجنط ، ودة الجزء إلي بيركب عليه الكاوتش ، كل عرض بيكون ليه مقاسات معينة تركب عليه ، من أول 5.5 لحد 12 .
وبتلاقي كمان الكاوتش متحدد ليه مقاس الجنط إلي يركب عليه من حيث العرض كمان ، يعني هتلاقي الكاوتش ال-205 يركب على 6 أو 6.5 وهكذا .
وبما إن الجنط ال-156 مقاس حج ممكن يركب عليه مقاس 225 مستريح جداً وممكن أعرض كمان

توكل على الله ميهمكش

اللي قالي مش هينفع اللي ماسك قطع الغيار في فرع القطامية قالي لو عرضت هتعمل مشاكل علي السرعات والعربية مش هتبقي stable لان الجنط صغير انا برضو قريت علي جنوطة البي ام لقيت ان اللي بياخود 225 بيكون عرضة 7ونص مش 7 ورغم كدة جنوطة ال 116 الهاتشباك بتاخود 225 عادي و هيا 16*7فمش عارف ياريت البشمهندس فرحات يوضحلنا الفرق

وعلي الرغم من مميزات الكاوتش العريض في الشكل والثبات الا اني ماشوفتش حد مركبوة كلوة بيروح لل205 اما يجي يغير مش عارف اية السر مع ان فرق السعر لا يذكر بين الاتنين

اقتباس:

---

المشاركة الأصلية كتبت بواسطة zegna

اللي قالي مش هينفع اللي ماسك قطع الغيار في فرع القطامية قالي لو عرضت هتعمل مشاكل علي السرعات والعربية مش هتبقي stable لان الجنط صغير انا برضو قريت علي جنوطة البي ام لقيت ان اللي بياخود 225 بيكون عرضة 7ونص مش 7 ورغم كدة جنوطة ال 116 الهاتشباك بتاخود 225 عادي و هيا 16*7فمش عارف ياريت البشمهندس فرحات يوضحلنا الفرق

---

اقتباس:

---

المشاركة الأصلية كتبت بواسطة zegna

وعلي الرغم من مميزات الكاوتش العريض في الشكل والثبات الا اني ماشوفتش حد مركبوة كلوة بيروح لل205 اما يجي يغير مش عارف اية السر مع ان فرق السعر لا يذكر بين الاتنين

---

[IMG]file:///C:/DOCUME%7E1/Farahat/LOCALS%7E1/Temp/moz-screenshot-1.png[/IMG]
مع كامل احترامي ، كان مفروض حضرتك تتأكد من حد من السادة المهندسين في الأمركذ مش من بتاع المبيعات ، لأن دي نقطة فنية ، والكلام دة مش علمي ولا سليم خالص إلي قالوا لحضرتك .

لو حضرتك بصيت على الصورة المرفقة هتلاقي فيه مقاس لعرض مداس الكاوتش ، ودة إلي بيكون 205 أو 215 أو 225 ... ، ودي المسافة إلي ملامسة للأرض ،
وفي مقاس تاني للمسافة بين الشفتين بتوع الكاوتش ، ودول إلي بيحدد الكاوتش يركب على جنط مقاس كام ،
لو رجعت مواصفات أي كاوتش بتشتريه هيكون فيه بيركب على جنط عرضه كام ، على سبيل المثال الكاوتش ال-16x205/50 بتاع بريدجستون مكتوب في مواصفاته إنه بيركب على جنط من 6 إلى 8 بوصة ، والمقاس المثالي 7 .


DennisKirk.com - Tire Sizes Explained



بالنسبة للناس ليه بتركب 205 ، أولاً عشان الفرق مش كبير بين الاتنين دول ، وثانياً عشان السعر ، لأن فرق السعر حوالي 20% ودة مش بسيط ، يعني الفردة البردجستون الران فلات ال-205 سعرها حوالي 1050 والفردة الران فلات ال-225 سعرها 1250 ، ودة فرق سعر مش بسيط في الأربع فرد .