الموضوع: نويت انى احول من تجارة انجلش لكلية حقوق

أنا خريج قديم لتجارة e......دفعة 99

خلصت و مكنتش مستريح لتجارة عموماً و توكلت على الله و كملت فى مجال ال it دراسة سنة و شغل ما يقرب من 9 سنين.

حالياً أنا يقالى أكتر من 6 شهور بدور على شغل تانى و مش لاقى.......بينما زملائى و أقرانى بسم الله ما شاء الله قدامهم فرص شغل بالعبيط و بمرتبات كويسة.

أهدى كده و ركز و زى ما قالك الزميل قبلى.......هى كلها 4 سنين.....هيعدوا هيعدوا إن شاء الله.

معلش هو أنت شيلت كام مادة و أيه هما لو مكنش السؤال يضايقك.

مع احترامي لكلام للأخ \ Honda4ever

تجارة انجلش او حقوق انجلش ليهم مستقبل كويس
الا ان المحامي ليه مستقبل سواء هنا او برة اكتر من التجارة
ع سبيل المثال المعاملة مع المحامي خارج مصر بيكون مرتبه بالساعة في اماكن كتيير و ليك شأن كبيير جداا لأنك انت اللي يعتبر بتحقق مع كل العاملين من اصغر واحد لأكبر واحد

و حتي هنا الحقوق هتلاقي اكتر من مجال سواء النيابة ثم القضاء او المحاماة
او الشئوون القانونية لأي مكان سواء بنك او شركة و مهنة المحامي برده ليها مكانتها للأسف الناس بتفتكرها وحشة لأن اللي بيدخلها كتيير و مجموع قليل انما مش عارفين حاجة ( كفاية الكارنيه لوحده حصانة هههههه )
غير كده حقوق بتأهلك و بتعرفك حاجات كتيير مكنتش هتقدر تعرفها برة حقوق و ناس كتيير دايما يخلصوا دراستهم و يدرسوا حقوق عشان يستفيدوا منها و يبقوا معاهم الشهادتين و حتي الظباط سواء شرطة او جيش بيدرسوا حقوق اثناء العمل او بعد المعاش

فالحقوق ليها مستقبل اكتر سواء انجلش او عربي

و ع فكرة عشان تحس بحقوق لازم تدرسها حبا في الدراسة نفسها مش تعدية و خلاص
بعض الناس اللي دخلتها لمجرد الدراسة و تتخرج فشلوا فعلا سواء في الدراسة او في الحياة العملية و اشتغلوا اي حاجة
انما اللي درسها للاستفادة و التعلم هيفهم قصدي
انا فضلتها عن هندسة و تجارة و اداب كنت علمي رياضة بقي :)

و اتفق معاهم في نقطة ان ده مستقبلك و انت حر فيه
يعني ممكن تحاول تكمل انجلش لو قدرت خير و بركة
يا اما تجرب تكمل عربي
و ممكن تبقي تدخل تدرس حقوق بعد ما تخلص تجارة سواء انجلش او عربي لو قدرت تكمل فيها
يا اما لو مقدرتش و ملكش نفس لتجارة و قرار نهائي يبقي تحول حقوق من دلوقتي

و في الاول في الاخر لا كلامي و لا كلام غيري اللي يقولك تعمل ايه

المهم انك انت اللي تحدد و تقرر :)

و في الاول و في الاخر موضوع الشغل بعد كده نصيب و بيعتمد عليك لأن فيه مثلا هندسة مش لاقيين شغل و تلاقي دبلوم و شغال احسن من الهندسة اخدت بالك من قصدي ؟؟

و اعذرني اني خرجت عن الموضوع الاساسي و هو سؤالك و في الحالة ديه يفضل انك تسأل في شئوون الطلبة نفسها لأنهم كل سنة بيطلعوا بحاجة جديدة
و ع حد علمي انك هتسحب الملف من الكلية مع اللفة المعتادة و تقدم في الكلية التانية مع اللفة المعتادة بالمصاريف الادارية و الختم و تدفع المصاريف ده ع حد علمي و الافضل برده انك تسأل

و كل سنة و انت طيب :)

المشاركة الأصلية كتبت بواسطة honda4ever

سعادة الباشا axel، سؤال واحد بس:
حضرتك اتخرجت؟

لو كانت الإجابة بالنفي يبقى كــــــــــــــــــــــــ ـل الكلام اللي حضرتك كاتبه نظري
والفيصل سوق العمل

وأنا بكرر لصاحب الموضوع، اللي عايز يعرف المستقبل المهني لمجال لا يسأل اللي لسة بيدرسوه
الطبيعي يسأل اللي اتخرجوا وشافوا الوضع بنفسهم
لأن الكلام النظري لا هايقدم ولا هيأخر

وكل سنة وأنت طيب يا axel

و انت طيب يا ريس

سيادتك انا فعلا متخرجتش انا في اليسانس لكن كلامي مش نظري فقط لأن قرايبي حقوق و اتخرجوا حتي في اسرتنا حقوق برده و اتخرجوا و ليا اصدقاء كذلك حقوق و اتخرجوا و بيحضروا دراسات عليا كمان و محدش بيقول زييك و كلنا من الناس اللي دخلوا حقوق حبا فيها مش قلة مجموع
سؤال بقي لسعادتك هل حضرتك خريج حقوق ؟؟؟ و لا مجرد نقلت الكلام ع حسب ما سمعت من ناس من الفئة اللي ذكرتها فوق ؟؟

و بالنسبة الجزء التاني من الرد كلام غير مقنع لسبب بسيط
ان فيه دكاترة و مهندسيين مش لاقيين شغل هل ده معناه ان دراسة الهندسة او الطب ملهمش مجال في سوق العمل ؟؟ اكيد لأ

يعني زي مقولت مش بيعتمد ع الدراسة اكتر من الشخصية نفسها

و كمان سؤال
دلوقتي حضرتك بنك جايلك اتنين حقوق هتاخد اللي جايب تقدير و مش عايد سنة و يمكن كمان بيحضر دراسات و معاه لغات و واحد شكله مجتهد
و لا هتاخد اللي مش جايب تقدير و مش عارف اي لغات و مش بعيد يكون عاد سنين او شكله شخص غير مجتهد ؟؟؟ اظن معروف مين هيتاخد الأولوية للأفضل طبعا
فالفئة التانية ديه هي اللي فعلا مش هتلاقي شغل الا لو واحد فيهم كافح و اشتغلو وحاول يوصل
و عامة اي شغل محتاج كفاح و عمل بجد و لا كل حاجة عايزنها ع الجاهز :)

و زي مقولت مهما قولنا و عيدنا و اتكلمنا المهم صاحب الموضوع عايز ايه و مقتنع بايه مش نحاول نأثر عليه في مستقبله احنا بنعرض قدامه الخيارات و هو ليه حرية الاختيار
و بالاضافة لكده واضح ان صاحب الموضوع بالفعل واخد قراره بالدخول لحقوق يعني مش بيسألنا يدخل و لا لأ هو بيسأل علي اجراءات النقل و الموضوع اخد مسار مختلف تماما مننا

و رمضان كريم يا ريس :)