اية ظروف قسم عمارة فى الشغل، والمجالات والدراسات العليا وسلك التدريس
وهل الواحد ينفع يشتغل فى التصميم، وهيبقى اية الوضع برضة؟؟؟
ياريت حد يساعدنى
عرض للطباعة
اية ظروف قسم عمارة فى الشغل، والمجالات والدراسات العليا وسلك التدريس
وهل الواحد ينفع يشتغل فى التصميم، وهيبقى اية الوضع برضة؟؟؟
ياريت حد يساعدنى
بص هو الشغل فى الاول و الاخر رزق من عند ربنا...
بس مجالات الشغل فى العمارة متاحة الفترة ديه طبعا مش زى قبل الازمة بس متوفرة وبتختلف من مكان للتانى حسب المكان نفسه و حسب امكانياتك و خبرتك....
بالنسبة لموضوع التصميم مش كتير الى بيشتغلوا فى التصميم لانه مجال بيعتمد على الموهبة و السينس و كمان الخبرة و الدراسه لاسس التصميم لان كل مشروع احتياجاته غير التانى ...
هتحتاج تقرا و تدرس اسس تصميم كتيير وتمشى ايدك و طبعا يكون معاك تولز وبرامج تقدر تعبر بيها عن افكارك ( اتوكاد - فوتوشوب-واهمهم ثرى دى ماكس )
هو حضرتك فى اعدادى هندسه ؟
كلام سليم جدا
انا شخصيا لو رجعت الايام بيه هاخش مدني مش عماره مدني مجالاته اوسع واكثر تنوع
بس لو رجعت اوي بقي خش ميكانيكا سيارات وبدون تفكير خلي الواحد يخش حجاه بيموت فيها
خلاصه الكلام
مجالات شغل كانت متوفره بكثره قبل الاوضاع الحاليه
ينفع طبعا تعمل دراسات وتشتغل في نفس الوقت
مجال شيق وحلو وبصراحه في حس فني عالي
عايز تتناقش وتتكلم اكتر وناخد وندي
انا معنديش مانع كلمني علي التليفون ابعتلي علي الخاص وانا هابعتهولك
واحنا تحت الامر يا هندسه
لو دماغك ف التصميم جامد و بتطلع شغل كويس و افكار جديده يبقى ادخل عماره و ماتخافش
لكن لو مالكش ف الرسم اوي ف خليك في مدني
اهم حاجه دلوقتي انك تكون عارف الاوتوكاد كويس سواء 2D او 3D و 3D MAX علي قد ماتقدر تدوس فيه
و لو تشوف Maya بردو
ال Modeling مطلوب جدا دلوقتي و قليل الي بيمشي فيه كويس
يعني ممكن في مكاتب تلاقي 10 شغالين اوتوكاد و واحد شغال موديلينج و بياخد اد مرتباتهم كلهم !!
دا الي اعرفه عن عماره
هى الحكاية انى كنت عاوز اخش عمارة، لانى بحب أتخيل وارسم، والحمد لله عنده الملكة دية. بالأضافة انى بحب اقعد على الكمبيوتر واقعد استخدم برامج زى الفوتوشوب، اوتوكاد من غير زهق ولا ملل
بس حصل ودخلت مدنى (ضغوط عائلية)، والضغوط دى مبقتش موجودة دلوقت
انا حاليا فى تانية مدنى (وسقطت نفسى، علشان اعرف احول)
بس ناس كتير قالت لى انى بحلم، وانى مش هعرف احقق حلمى :8954[1]:
وان الواقع مش زى منا عوزة
فا أنا جيت هنا اطلب النصح
مع انى معمارى بس مش معاك فى الى عاوز تعمله و مش عارف ينفع ولا لاء انت كده هتضيع سنتين من عمرك مش هتحس بيقمتهم غير لما تتخرج و تنزل سوق العمل...
حقيقى السنه بتفرق...
طبعا من الاول المفروض كنت تدخل القسم الى شايف نفسك فيه و بدون اى ضغوط عشان ده مستقبلك انت مش حد تانى بس خلاص انت دخلت مدنى و فاضلك سنتين و تتخرج
فنصحتى ليك اكمل ما بدأته و ممكن تشتغل مهندس مدنى تصميم واهو فيه برده سوفت وير كويس (اتوكاد - ساب - ايتاب .... الخ) وشغل مرتبط بالمعمارى اوى..
وربنا يوفقك ومدنى و عمارة تقريبا فرص شغلهم متساوية وزى ما قولتلك الرزق ده بتاع ربنا وربنا يوفقك ان شاء الله