مين كتب وصيته ؟::: اكتبها ازاي

انتو ا عارفين كلنا مسلمين مين كتب الوصيه؟


انا عايز اكتبها فهل ليها نص ولازم بخط اليد والاممكن مكتوبه؟

حكاية مكتوبة او بخط اليد
لا استطيع ان افتى فيها
و لكن هذا الرابط للوصية الشرعيه من موقع الدكتور عمر عبد الكافى

http://www.abdelkafy.com/ar/will.pdf

اولا الاعمار بيد الله

بص الاحسن يبقى محامى اللى يكتبها وخصوصا عشان تبقى قانونيه

الاعمار بيد الله

حضرتك فكرتني بالترم الأول في سنة تالتة :)

الافضل تخلي محامي فاهم يساعد فيها لأنها حاجة بتتبع الشريعة و القانون و اي حاجة غلط ممكن تبطل الوصية
و طبعا بيبقي ليها نص للكتابة بس طويل شوية و عشان اثبات الوصية لازم يكون بالكتابة ( و في حالة تعذر الموصي للكتابة ليها حلول ) او الشهود

و للمعلومية

الوصية اركانها

- الوصي : و ده لازم تتوافر فيه شروط : كامل الاهلية - لا يكون مريض مرض الموت - ميكونش عليه ديون كتيير تاخد كل الفلوس لأن زي مقولت بعد وفااة الشخص اول حاجة التغسيل و التكفين و تسديد الديون ثم الوصية ثم الورثة و هكذا - ميكونوش مكره او مغصوب - ميكونش فيه مرض بيمنعه من الكلام
و في موضوع الكلام لو المرض عارض يبقي لا يصح انما لو المرض يعني اخرس او مرض مزمن يبقي يصح يكون بالاشارة و الكتابة

- الموصي له : يكون عايش و قد تصح للجنين لو ثبت الحمل لكن الجنين لو نزل ميت الوصية تبقي باطلة - ميكونش من الورثة - ميكونش الموصي له قتل الموصي - و الحاجة الموصية ليه تكون قابلة للتملك - يكون قبل الوصية لكن لو مثلا اتعرض عليه الموضوع و رفض فالوصية تبقي باطلة- و طبعا مش شرط يكون له ديانة و بما انك ذكرت انكم الحمد الله مسلمين فمش هندخل في النقطة ديه

- الموصي به : اللي هي الوصية نفسها و ما تحتويه

- الموصي اليه : و ده وكيل الموصي او اللي بيتصرف في الوصية بعد وفاة الموصي و له عدة شروط : مسلم - مكلف بالتصرف - راشد - عادل


و الوصية عامة بتنقسم لــ5 اقسام

وصية واجبة : و هي اللي لو الشخص عليه دين و مفيش حاجة تدل ع الدين ده و بتجب برده للاقرباء اللي ملهمش في الميراث

وصية مستحبة : و ديه لو مثلا الموصي عنده فلوس و كل قرايبه كمان معاهم فلوس و مش محتاجين فهي مستحبة و ممكن يكون الموصي شايف ان ليها نفع بعد موته

وصية مكروهة : و ديه لو الموصي مش غني و لا الورثة اغنياء و مع ذلك بيوصي بجزء من الميراث فيعتبر بيضيق عليهم

وصية محرمة : و ديه بتنقسم لنقطتين
لو الموصي خالف احكام الوصية و خلي الوصية اكتر من الثلث لأن المفروض الوصية لا تزيد عن الثلث و ترتيبها بعتبر بعد الوفاة بالدين و التغسيل و التكفين بعد وفاة الموصي
و النقطة التانية ان الوصية تكون لاحد الورثة يعني واحد ليه جزء من الميراث و مع ذلك الموصي اوصي له

وصية مباحة : و هي بالبلدي كده اي حاجة غير اللي فاتوا يعني مثلا الموصي عنده فلوس قليلة لكن الورثة مش محتاجين اساسا


اما الحاجات اللي تبطل الوصية

- موت الموصي له
-تلف الموصي به
-قتل الموصي له للموصي
-عدم قبول الموصي له الوصية
- انكار الموصي بالايصاء للموصي له


طبعا فيه نقط تانية بخصوص مثلا الايصاء لابناء الضهور( ابن او بنت الابن) او ابناء البطون ( ابن او بنت البنت )
و بعض النقط الاخري بخصوص الوصية بس لو كتبناها مش هنخلص و بصراحة مش فاكرها كلها فمش عايز الخبط فيها

فدول حاجة عامة عن الوصية
و نصيحة متتبعش المعروض علي النت عشان احيانا فيه اخطاء
فزي مقولت الافضل من محامي مباشرة

و ارجو اني اكون قدرت افيدك
معلش لسه طالب حقوق في الليسانس ههههه

علشان تكوم ملزمة بتتوثق فى الشهر العقارى

انا كتبتها وانا مسافر للعمرة وكانت نموذج مطبوع وبتملا فيه الانت عايز تقوله

دائن - مدين - توصيات .... الخ

وعلى فكه المفروض كل واحد يكتبها لو عليه ديون او ليه فلوس عند حد او يكون ناوي على حاجة لحد

الاعمار بيد الله ولازم تكون مستعد