الموضوع: بالعقل لو السيارة المصريه أغلى من الأجنبيه مش هتتباع و هتبقى مشروع فاشل

احنا كلنا اول ماسمعنا عن السيارة "تحرير" و عن المحاولات الى قبلها سواء كانت من كلية فنون جميله الى اخترعوا 5 عربيات او غيرهم بنفرح اوى , لكن فى الاول وفى الأخر اهم شئ بيناسب المستهلك أو العميل حاجات معينه يعنى تكون سيارة مريحه و قطع غيارها متوافرة و بتستحمل و فيها تكييف و فيها 4 أبواب يعنى من النهايه حاجة للبنى أدمين , طيب فيها أية لو اتعمل الصالون بتاعها بخامات رديئة و توفر فى التكلفة مش شرط جنوط و مش شرط سماعات و كاسيت و الحاجات دى و لكن الأهتمام الأكبر يكون على الأحتياجات الكبيرة أقولكم لية بقى , لو عارفين الداتشيا نوفا أول مانزلت مصر كانت بحاجة و عشرين ألف جنيه يعنى بحوالى 22 او 24 والله مافاكره الكلام ده شوفته لكن مش فاكره السعر بالظبط , طيب دى سياره رومانيه و مستورده و للأسف عشان جشع و طمع التجار قضوا عليها تماما عشان السيارات فى نفس موديلها تتباع رغم أنها كانت افضل من سيارات كتيره فى سعرها و بهدلها الزمن زى الفيات 128 و غيرهم و لكن العيب الوحيد كان فى قطع الغيار بسبب المحاربه المستمره ليها دا غير طبعا انها جايه من رومانيا يعنى جايه فى شحن و مكسب وكيل وجمارك و ضرايب و شغل كبير أوى طيب كل دة عمل حاجة وعشرين الف جنيه يبقى تخيلوا كده بقى لو سيارة مصريه اتعملت و سعرها قريب من كيا أو من هيونداى يا ترى مين هيشتريها بقى ؟ المعنى هنا ان يا أما حاجة تتعمل أمكانيات صح و سعر صح يا أما متتعملش حاجة خالص و نستورد من رومانيا حاجة زى الداتشيا نوفا من غير سرقة وهتكون قريبه من حاجة و عشرين ألف جنيه برضه و متستغربوش رومانيا قريبه و الشحن سهل و بتصنع حاجات جميله جدا بس الجمارك والضرايب من النهايه حراميه و نصابين
ولا شايفين فى كلامى حاجة غلط لحد دلوقتى ؟

لسه بكلمكم على الداتشيا نوفا أم 24 ألف جنيه
قولتولى لو السيارة المصريه بقيت بـ35 ألف جنيه و مرة تانيه بـ40 ألف جنيه
و بعد شوية هتوصل لـ80 ألف جنيه
على فكرة مش أستخسار فى الصناعة المصريه لكن بالعقل
أولا و اخيرا مايهم الشعب المطحون و المواطن الكادح السعر + أستمراريه المنتج
لأن أستمراريته بتضمنله قطع غيار و صيانه كويسة فى التوكيلات
لو مقدرناش بجد نعمل صناعة محليه كويسة و بأحترام و بسعر رخيص جدا و محدش يسئلنى أزاى دى ليها ناس متخصصه
يبقى نفتح توكيل سيارات داتشيا نوفا و يبقى فيه ضمير و بنفس السعر القديم و بكده يبقى وفرنا فرص عمل لشباب كتيره
و التوكيل كسب مكسب كويس لأنه هيضرب السوق كله و محدش هيشترى إلا السيارة دى
بمبدأ أكسب قليل و بيع كتير
و بلاش يتضحك علينا و النبى بكلمة سيارة مصريه و أرخص سيارة فى مصر زى نانو أيجيبت دى لأن دى عربيه صينى أمكانياتها زى التوك توك و مستورده بالكامل و مجمعة فى مصر و سعرها على فكرة فى الصين ممكن يخليكم تضحكوا شوية أنه لا يتعدى 1600 دولار و دى للطبقات الكادحه و بالطلب كمان يعنى من النهايه لو نزلت مصر بسعر فيه ضمير هتبقى مواصله لطلاب الثانوى و المدارس



smsm_cato
مانا كنت متأكدة من السعر دة بس مش فاكراة كام بالظبط و على فكرة دا إلى خلانى أقول عن الداتشيا نوفا مثال فى موضوعى أننا شوفتلها فيديوهات تجنن و كتير جدا فأكيد دى مش صدفة أو عربيه معدله مثلا لأ دا كل الفيديوهات بعربيات داتشيا نوفا مختلفة و بتكسب

prisoner
ماهى دى المشكلة فعلا لكن لو فيه كاميرا مراقبة مثلا و خصومات بجد و ميكونش معروف مين إلى بيدى الخصومات دى يا دوب توصل للشخص فى ورقة زى فاتورة عشان برضة ميكونش فيه تأثيرات عليه شخصيا و يكون عارفه و ميرداش يديله خصم يعنى يكون فيه لجنه رقابية كده مش معروف شغلتها أية و لما يديله خصم يرجع لفيديوهات مصوره من المصنع عشان برضة ضمان المصداقية و دا على فكرة بيحصل فى كل بلد يعنى و أكيد محدش رايح يشتغل عشان يتخصم منه مجهود 3 أيام بحالهم فده على ماأظن حل كويس برضة هيخلى الناس يبقى عندها ضمير لأن للأسف الضمير حاليا مش بالخوف من ربنا لأ دا بالخوف من خصم المرتب

Ashraf_Ibrahim
ماعلينا من صديقى و خلينا فى الموضوع الأهم أن فعلا العربيه كانت بالسعر دة و من يومها بقى و الكورى أنتشر فالداتشيا نوفا أتحاربت و على فكرة فيها أية لو كانوا بيستوردوها لحد دلوقتى ؟ على الأقل تحل محل السيارات موديل السبعينات و التمانينات و محدش يقولى المشكلة فى الطرق و الزحمه أصل دى مش مشكلة شعب دى مشكلة حكومة و تخطيط عمرانى من الأول وجديد و يتهئ لى مفيش واحد هيقدر يسوق عربيتين فى نفس الوقت أو هيربط عربياته كلها فى بعض و يمشى بيهم

Taiwo
الدعايه ثم الدعايه ثم الدعايه لو تفتكر أية إلى نجح الكورى و الصينى فى مصر كانت الدعايه رغم أن شيرى الفاشله هيا هيا سبرانزا الناجحه لكن شوف الدعايه و شوفها فى المعارض دلوقتى بقيت عاملة أزاى دى كانت كلمة كورى زمان إلى يشترى عربيه كورى كانت الناس بتضحك عليه و بعد مانجحت بقيت الصينى إلى يشتريها الناس تضحك عليه برضة المصرى هتعمل كدة فى البدايه لكن لما تلاقى من الأبرة فيها للصاروخ متوافر بقطع غيار و فيه مصانع ليها و خط أنتاج كامل و جد فى الموضوع أكيد هتشتريها عشان تريح دماغك

mailo
البلد دلوقتى مش محتاجة صناعة مواد بسيطة عشان تتعدل , البلد محتاجة صناعات تقيلة و تقدر تصدرها للعالم العربى ثم الأفريقى و الأسيوى ثم الأوروبى و أكيد مفيش دولة خاليه من الصناعات الخفيفة يبقى أحنا بقى نحاول نعمل صناعة عليها أقبال سواء محلى أو عالمى و فيها مكسب كبير , لكن مظنش و أستحاله تصدر سيارة سعرها فى مصر عالى يبقى بعد التصدير كمان هيبقى سعرها أية !! يبقى الصناعة برضة هتفشل


prisoner
دا البلاستيك دة بيبقى فيه تشوهات كمان يعنى مش بيبقى الشكل أنسيابى و أبسط دليل أشترى فيشه مصرى و فيشه صينى دلوقتى الصينى تحس إنها تقيله عشان تستحمل درجة الحرارة فى الكهربا و شوف المصرى لو شغلتها على حاجة جامده شويه هتسيح

saadelden
ماهى لازم تتجرب بطريقة مستفزة كمان و يتعملها أستعراضات و تتعرض فى التليفزيون و على فكرة يا ريت يكون فيه قناة وطنيه تعرض أنجازات البلد و نسيمها 25 يناير مثلا و تجيب بقى فيديوهات للقبض على البلطجيه و أن مصر عملت أية بعد الثورة و أية المصانع إلى شغاله و القرارات إلى بتنزل من الرئاسة و التعليمات للسائقين يعنى تبقى بتاعة البلد بجد مش قناة معمولة عشان الفلوس و تعرض مسلسلات و أعلانات أباحيه و الكلام الغريب دة