كمبروسر التكييف بيفصل ويشتغل

**popahly** · 02-08-2011 11:45 AM

مشكلة جديدة أبتدت تظهرلى فى التكييف بس من فترة كدة وانا كنت مكبر دماغى، لما اكون ماشى على فى زحمة أو لما ازود سرعة المروحة بسمع صوت التكة بتاعة الكمبروسر كأنى أول مرة أشغل التكييف،، فى الزحمة بقى بسمع صوته ساعات بيعمل التكة دى والموضوع دا مكانش عندى الصراحة قبل كدا مش عارف إيه أسبابه وعلاجه ياريت اللى مرة بالتجربة دى يقولى الحل ايه ورمضان كريم

**ahmedezzat78** · 03-08-2011 02:05 AM

راجع ضغط الفريون

**dr.hazem** · 03-08-2011 02:40 AM

متابع
نفس المشكله بتحصل معايا
لما بكون في زحمة جدا بلاقي الحراره عليت شويه ويبتدي لكباس يفصل بتاع 320 ثانيه ويرجع يشبك دقيقتين ويفصل تاني وهكذا
هل ده فريون ناقص ولا زياده؟؟؟
علما ان الكلام ده مبيحصلش غير بالنهار فقط
اما بالليل مفيش اي مشاكل...

النهارده قلت ابص على العدسه الزجاجيه بتاعة التكييف لقيت فقاقيع كتير
دلقت ميه عالسربنتينه الحراره نزلت والفقاعات شبه اختفت

انا حاسس انها مشكله فريون بس مش عارف دي شحنه ناقصه ولا زياده؟؟!!!

حد يفيدنا يا جماعه

تحياتي

**dr.hazem** · 03-08-2011 06:59 PM

المشاركة الأصلية كتبت بواسطة popahly

إزاى طيب مع إنى لسه شحنه من شهرين... وفعلاً انا مش بحس بالسقوعية المطلوبة بتكون بسيطة فى النهار وقوية بالليل

تقريباً مشكلتى قريبة جداً من مشكلة حضرتك.. بس إيه العدسة الزجاجية بتاعة التكييف دى؟؟؟ وفين؟؟؟

وياريت الناس تفيدنا دى فعلاً مشكلة فريون ؟؟؟

العدسه الزجاجيه دي مش موجوده في كل العربيات
هي حاجه بتبقى متصله بالكومبريسور بيسموها الصنايعيه فلتر الفريون او حاجه كده
اللي اعرفه انها لو الفريون مشحون كويس ميبنش فيها فقاقيع ومع ذلك وانا بشحن التكييف الراجل قالي هيا كده تمام قلتله ازاي كده قالي لو احتاج يتزود ابقى ارجعلي

ومش عارف بقا عايزين حد يفيدنا ياجماعه

انا هنقل شكوتي لمنتدى الصيانه قسم التكييف

تحياتي

**elmkaneeki** · 03-08-2011 10:27 PM

نفس المشكلة والله وواحد قالى ان فى جزء مسئول عن تلقيط الكمبريسور مرتبط بعدد لفات المحرك هو دة الى بايظ والله اعلم

**popahly** · 04-08-2011 12:21 AM

طيب انا هقول على حاجة يمكن تكون لها علاقة بالموضوع.... انا قبل مشحن التكييف كان عندى تسريب فريون من الفلتر بتاع الفريون اللى موجود قدام الريدياتير واتغيرله جلبتين كدا ومنعت التسريب واتشحن... بس المشكلة دى بقى حصلت بعدها بفترة هل للموضوع علاقة ولا ايه رأيكم ؟؟

**ahmedezzat78** · 04-08-2011 01:05 AM

السبب هو فصل الكباس high pressure

قبل أى حاجه لازم نتاكد
[/LIST]ان سربنتينه التكيف نظيفه (نظافه بالهواء المضغوط و بعدين مياه)
[LIST]ان مروحه التكيف شغاله

بعد كده نفكر نشوف الشحنه .... ممكن تكون زياده
و ممكن الفلتر يكون مسدود و لو مسدود الحل هو التغير
و ممكن تكون السبب عدم نظافه الدوره زى وجود غازات أخرى غير الفريون (فريون مضروب) او زيت فى الدائره و الحل هو نظافه الدائره بالنيتروجين أو الفريون و تغير الفلتر و اعاده الشحن

**tarek_2005** · 06-08-2011 02:55 PM

العيب وجود هواء مع شحنة الفريون ولابد من عمل فاكيوم واعادة الشحن

-

-

الموضوع: كمبروسر التكييف بيفصل ويشتغل

LinkBack

أدوات الموضوع

عرض

كمبروسر التكييف بيفصل ويشتغل - انشر الموضوع فى :

-

-

-

-

-

-

-

المواضيع المتشابهه

الكاسيت بيفصل مع البنزين ! ويشتغل مع الفرامل !!

الكاسيت بيفصل مع البنزين ! ويشتغل مع الفرامل !!

لكل اللي عايز ديفيل بيفصل ويشتغل موجوووووووود

سؤال عن تكيف الفيرنا بيفصل دقيقه ويشتغل دقيقتين

كمبروسر التكييف بيفصل

الكلمات الدلالية لهذا الموضوع

المفضلات

المفضلات

ضوابط المشاركة