لما بتغير سير الكاتينة بتسمع صوت غريب

**ehabradwan** · 07-05-2008 12:53 PM

شباب امبارح انا غيرت سير الكاتينة للمحروسة الفيرنا بسمع صوت غريب لمل ادوس بنزين الميكانيكي قالي عادي في الاول دي اشتغالة ولا صح فعلا

معلش عندي كام سؤال تاني في الفيرنا 1600 فلتر البنزين بتاعها جوه التانك مش في الكابوت . اومال اللي انا جبته ده ايه . بتاع 1500 والبياع بيستهبل ولا الميانيكي هو اللي في التراوة .

-غير جوان الزيت عشان الموتور كان بيطلع زيت . النهاردة لاقيت زيت تاني يس عند المسامير اللي بتربط الوش يبقى ايد ده بالظبط

- آخر حاجة هو ربط العفشة بعد ماربط بقيت بسمع صوت ( تزييق كده) اول ماقعد على الكرسي و اول ما قوم منه .

حد يجاوب الله يكرمكوا عشان اروح اتخانق بقلب

**أبو عبدالله** · 07-05-2008 02:20 PM

المشاركة الأصلية كتبت بواسطة ehabradwan

شباب امبارح انا غيرت سير الكاتينة للمحروسة الفيرنا بسمع صوت غريب لمل ادوس بنزين الميكانيكي قالي عادي في الاول دي اشتغالة ولا صح فعلا

معلش عندي كام سؤال تاني في الفيرنا 1600 فلتر البنزين بتاعها جوه التانك مش في الكابوت . اومال اللي انا جبته ده ايه . بتاع 1500 والبياع بيستهبل ولا الميانيكي هو اللي في التراوة .

-غير جوان الزيت عشان الموتور كان بيطلع زيت . النهاردة لاقيت زيت تاني يس عند المسامير اللي بتربط الوش يبقى ايد ده بالظبط

- آخر حاجة هو ربط العفشة بعد ماربط بقيت بسمع صوت ( تزييق كده) اول ماقعد على الكرسي و اول ما قوم منه .

حد يجاوب الله يكرمكوا عشان اروح اتخانق بقلب

لو سير الكاتينه الصوت مرحشي بعد فتره
يبقى هو شاده قوي او مش ظابطه كويس

فلتر البنزين ده انا مش فاهم بصراحه ايه بالظبط اللي حصل
يعني انت عربيتك 1600 سي سي ومالهاش فلتر بنزين والراجل ركبلك واحد انت اشتريته بتاع 1500

اما موضوع الزيت طالع من عند المسامير
فدي حلها انك تغسل الماتور او تمسحهم هما بقماشة لو مش مستاهلين وشوفهم بعد كام يوم تاني لو طلعو كتير يبقى فيه مشكلة لو على خفيف قوي يبقى تعريق مش اكتر

اما صوت التزييق فده صوت من الكرسي ولا العفشة نفسها ؟؟

**dr_3eshoo** · 07-05-2008 03:04 PM

وخد باللك من اتجاه السير ليكون مركبه بالشقلوب حصلتلي مره في النوبيرا و قطعت معايا عند كوبري بنها
موضوع الفلاتر ده انا مش فاهمه الصراحه بس لو زي مانا فاهم انه بدل مايديك ال 1600 اداك 1500 و ركب مش مشكله خالص
اما المشكله التاله ربط مسامير العربيه عند سروجي وواحد بتاع عفشه

**ehabradwan** · 07-05-2008 03:28 PM

انا متشكر يا شباب أوي على ردودكم
انا تقريبا موضحتش موضوع الفلتر ده كويس

انا جبته قبل ماروح للميكانيكي اصلا لان العربية كان فيها تقطيعة فجبت طقم كهربا و فلتر بالمرة . لمل روحت للميانيكي قالي دي الفلتر بتاعها جوه التانك و انا ماقدرش اغيره فعايز اعرف الكلام ده صح ولا لأ

وصوت االتزييق ده من العفشة مش من الكرسي لان وانا واقف وادوس فرامل و اشيل بسمع نفس الصوت و ماكانش موجود قبل ماروحله

**dr_3eshoo** · 07-05-2008 04:03 PM

ايوة انا كده فهمت خلاص روح لوحد بتاع هيونداي متخصص يركبهلوك مش قضيه
لان بتاع 1600 زي بتاع الفولكس نظام رداخ و بيبقى من تحت العربيه من الجنب اليمين ورا عتب العربيه و بعدين خد بالك ال 1500 هيا الي منتشره رجعوله و خلاص
موضوع التزييق يبقى دواسه عاوزة تتزيت الطنابير ممكن روح مشحمه يشحمو العربيه كلها