انا محتار بين الكاميرا الخلفية و الحساسات الخلفية؟؟!!

**aymanshebl** · 02-08-2011 07:37 PM

بسم الله الرحمن الرحيم

كل عام و انتم بخير

انا محتار بين الكاميرا الخلفية و الحساسات الخلفية انهى احسن فى مجال الرجوع للخلف و كمان فى نوع حساسات من غير تخريم فى الاكصدام موجود فى الموقع ده careps.tk

فياريت تفيدونى

وشكرا و السلام عليكم و رحمة الله و بركاته

**Ahmed Selim** · 02-08-2011 08:16 PM

الكاميرا أحسن فى رأيي..........بس لو أتعودت عليها هتحس أن ناقصك حاجة لو مش موجودة.

اللى فى الموقع مش عارف بيشتغل أزاى و مش هقدر أفيدك فيه.

**aymanshebl** · 03-08-2011 01:03 PM

المشاركة الأصلية كتبت بواسطة king516

بص يااستاذى انا مركب الكاميرا عندى فى الأسبرانزا عشان الشنطه عاليه الى حد ما وطبيعه شغلى واعمالى بتخلينى ادخل فى حتت ومناطق لايعلمها الا الله وحده فعشان كده ركبتها لكن بص :

لو هتركب كاميرا :

يلزمك وجود dvd سواء بقى كان مرايه او شماسه او تابلوه ( فبريكه العربيه ) يركب عليها الكاميرا وبدون اى مشاكل اطلاقا وهتفيدك جدا جدا

لوهتركب حساسات :

مش محتاج كل ده لكن الكامير افيد

ولو قولتلى على نوع عربيتك هجيبلك الحل والخلاصه بالصور لأن عندى صور جميع اجهزه الدى فى دى لجميع الموديلات الحديثه

شكرا لرد حضرتك
الحمد لله انا معايا بفضل من ربنا النترا 2011 الشكل القديم

**bondjames** · 03-08-2011 01:44 PM

المشاركة الأصلية كتبت بواسطة aymanshebl

شكرا لرد حضرتك
الحمد لله انا معايا بفضل من ربنا النترا 2011 الشكل القديم

طبعا كاميرا

**horas3000** · 03-08-2011 01:56 PM

انا شخصيا جربت الاتنين و استريحت للسنسور اكتر

**king516** · 03-08-2011 03:13 PM

والأجهزه تشتغل الكاميرا الخلفيه عليهم عادى جدا وتبينلك الشارع كله من وراك وتشغل كل الأمكانيات اللى فى بالك وانا مجرب فى عربيتى وعربيات اصحابى وكان من هم النترا 2010

**saddam** · 09-08-2011 04:12 AM

الأخ العزيز ريح بالك جدا وإختصر المسافات وكثرة الفتوى وإعمل الصح والإثنين لا غنى عنهم الحساس أنت محتاج دايما تبص عليه عشان تشوف فاضل أد إيه سم لغاية متخبط في الجسم اللي وراك أما الكاميرا مفيدة جدا جدا جدا بشرط تكون بها حساس ليلي ثم السينسور بيعطل عدساته كثيرا فدايما لازم تشتري جهازين وكل جهاز يحتوي 4 عدسات حتحسب سنة بالكتير حتلاقي 3 منهم أو 2 على الأقل لازم يتغيروا بس عشان الكاميرا تنجح عندك إعمل زيي أنا مشغلها على طول مش بس في حالة الرجوع للخلف بشاشة منفصلة لوحدها ملصوقة بالزجاج الأمامي بحامل شبه حامل الموبايل ومرتاح جدا وبقالي فترة طويلة مبصضيتش ورايه والإثنين لا غنى عنهم والإثنين على فكرة بسعر متقارب هو الفرق بس في الشاشة فقط مع إعتزازي