السلام عليكم ورحمة الله وبركاته
والله يا جماعة وحشتوني جدا جدا بس بقالي فترة كنت مسحول كده و مش بفتح النت خالص بس الحمد لله رجعت تاني
علي فكرة أن الحمد لله إشتريت فانتزيا 2011
بس برده مقدرش أستغني عن جبيبتي الأوبل
وطالما إتكلمنا عن الأوبل أنا عندي إستفسار بسيط
السنة إللي فاتت في الصيف كنت ماشي بالعربية و فجأه لقيت العربية سخنت أعدت ألف و أدور و إكتشفت أن المروحة الكبيرة مش شغالة (فيكترا 1600 المكنة السودة)
المهم عديت علي كهربائي قاللي المقومة باظت و راح شايلي المقاومة بتاعتها (شبة الصوباع كده) وركبلي مقاومة تانية من عنده قديمة (شبة البلاطه كده و شكلها غبي هههههه) ولما سألته إيه دي قاللي بتاعت 128 بس زي الفل
المروحة إشتغلت زكني ناوي أغير المقاومة بالأصلي بس نسيت بعد كده عشان مفيش مشاكل حصلت
بس السنة دي حسيت إن كعدل حرارة العربية إرتفع شوية و لما بصيت علي المروحة لقيتها بتلف ببطء نسبي و الهوا إللي طالع منها بسيدط و لما سألت أحد الخبثاء قاللي المقاومة وحشة ولما بتسخن بتضعف وهي إللي مأثرة علي سرعة المروحة
تفتكروا هيا فعلا ؟؟؟ بصراحة هي شكلها تعبانة بس ممكن تأثر علي سرعة المروحة ؟؟؟ طب لو هيه أجيب الأصلي بتاعتها ولا أجيب بتاعت التويوتا زي ما واحد إفتكسلي
كل سنة و إنتم طيبين :E_braces[1]: