ليون 2011

**engtmk** · 02-08-2011 11:05 PM

كل عام وانتم بخير

كنت بقارن بين مازدا وليون (أعلي فئه) انا عملت الموضوع ده عشان اعرف مميزات وعيون ليون

يعني من ناحيه الشكل هيتغير قريب ولا لسه هيقعد فتره

كأعتماديه

كأمان

شكرا ليكم

**abouetta** · 11-08-2011 05:17 PM

الشكل مش هيتغير لسه، و موديل ٢٠١٢ نزل عند التوكيل علي فكرة

الأمان أكيد ممتاز لأنها ألماني و حاصله علي أعلي تقييم في إختبارات السلامة الأوروبية، أنا معايا الألتيا الي هي أختها الكبيرة :)، و عربية رائعة بمعني الكلمة، راحة أمان ثبات تحكم تكنولوجيا في كل شيء، فتيس رائع و متطور جداً و أداء رياضي و توفير في استهلاك البنزين بشكل ملحوظ.

و هي إعتمادية أكيد، و بتشترك مع أكتر من عربية من إنتاج فولكس في المكونات الداخلية علي ما اعتقد زي الجولف، و قطع الغيار متوفرة عند التوكيل و أعتقد سعرها مش مبالغ فيه مقارنة بالتوكيلات الأخري سوا أوروبي أو ياباني

المازدا عربية رائعة و الأفضل في الياباني في الوقت الحالي لكن دي ياباني و التانية أوروبي في دي مدرسة و دي مدرسة تانية.

دي معلومات بسيطة لكن أكيد باقي الأعضاء هيفيدوك أكتر مني

**حماده المصري** · 12-08-2011 06:01 PM

طبعا وبدون شك ليوون افضل من المازدا

هي المازدا بصراحه محترمه جدا وثابته وعربيه مفيهاش اي عيوب تماما غير ندره قطع الغيار وغلوها والنصب فيها كمان

بس بصراحه الليون اعلى منها في الثبات واقوى منها في العفشه وفيها اوبشن اعلى من المازدا بكتييير جدا وكمان سعرها ارخص

بص الليون دي ف سواقتها ومشيها وعفشتها متفرقش كتير عن الاوكتافيا والجيتا والجولف والاودي a3 لان معظم العربيات اللي فاتت دي مشتركه مع بعضها في حاجات كتير منها المتور والعفشه والشاسيه الليون الوحيده اللي فيها كل الاوبشن وسعرها ارخص منهم كلهم 50 الف جنيه بالميت للهاي لاين

**abouetta** · 20-08-2011 07:22 AM

المشاركة الأصلية كتبت بواسطة حماده المصري

طبعا وبدون شك ليوون افضل من المازدا

هي المازدا بصراحه محترمه جدا وثابته وعربيه مفيهاش اي عيوب تماما غير ندره قطع الغيار وغلوها والنصب فيها كمان

بس بصراحه الليون اعلى منها في الثبات واقوى منها في العفشه وفيها اوبشن اعلى من المازدا بكتييير جدا وكمان سعرها ارخص

بص الليون دي ف سواقتها ومشيها وعفشتها متفرقش كتير عن الاوكتافيا والجيتا والجولف والاودي a3 لان معظم العربيات اللي فاتت دي مشتركه مع بعضها في حاجات كتير منها المتور والعفشه والشاسيه الليون الوحيده اللي فيها كل الاوبشن وسعرها ارخص منهم كلهم 50 الف جنيه بالميت للهاي لاين

كلام سليم 100٪