الموضوع: إزاى يا وحوش قدرتم تقفوا ضد التيار الكورى الجارف وتشتروا البروتون ؟

المشاركة الأصلية كتبت بواسطة eng f3lix

سيبك من المطرة والمية
فكر مثلا في شوية زييت في الارض من عربية نقل
او شوية تراب
مصر كلها تراب ورمل
يبقى اكيد مفيد جدا في مصر

كلام سليم ....
فى ناس كتير فاكرة ....
أن ال abs عشان التلج و المطر بس ....

المشاركة الأصلية كتبت بواسطة ghosts

كل سنة وأنتم طيبين يا أحلى بروتوناوية فى الدنيا ....
عايز أسئلكم سؤال محيرنى أوى ....

إزاى يا وحوش قدرتم تقفوا ضد التيار الكورى الجارف وتشتروا البروتون ؟
أنا أصلى عايز أغير عربيتى وأجيب الجين 2 ....
بس الأصحاب والقرايب والمجتمع والناس مش سايبنى فى وهاتك يا زن ....
والكلام اللى بيتقال بقى :
هات عربية ليك وللسوق ....
هات حاجة هيونداى ....
سعر أعادة البيع ....

أنا حابب الجين 2 جدآ بس ناس كتير بترشح لى الأكسنت rb....
و الزن على الودان أمر من السحر ....
قولولى أعمل أية ؟

والله أنا اما جيت اشترى عربية شوفت انا معايا فلوس قد ايه وعلى قد الفلوس فكرت فى أفضل عربية تجيبها الفلوس اللى معايا .. وملقتش افضل من الجين تو بنفس السعر خالص ولا اقرب ليها لغاية عشر تلاف جنيه كمان .. فقررت اجيب الجين واما رحت اشتريها عجبتى البروسونا اكتر خاصة اما عرفت ان هيه هيه الجين بس بشنطة .. فتوكلت على الله وجبتها والحمد لله سعيد باختيارى ولو رجع بيا الوقت كنت حجيبها تانى فعلا .. اما بخصوص الشكاوى فبصراحة انا المشكلة الوحيدة اللى عندى دلوقتى وانا داخل على صيانة الــعشرتلاف كيلو هيه صوت طقة بسيط من الكنبة بسمعه وانا قافل الازاز وفاتح التكييف بس .:)) .. غير كدة معايا اتنين فى الشغل شاريين العربية قبلى بكتير واحد جايب بيرسونا عامل بيها بتاع خمسين الف كيلو الطنابير باظت منه فى العشرتلاف واتغيروا فى الضمان ومدفعش ولا مليم .. بعد كدة لغاية دلوقتى معندوش اى مشاكل ..والتانى معاه جين وداخل على الخمستاشر الف ومعندوش اى مشكلة والحمد لله لغاية دلوقتى

المشاركة الأصلية كتبت بواسطة mik_t4

يا جماعة انا عايز اقول حاجة
انا بحب الجين جدا بس في حاجة شايف الناس مركزة معاها اوي وبتدفع فيها فلوس ملهاش اي لزمة
abs حد يعرف اية لزمتها واخترعوها لية؟؟؟؟
اخترعوها عشان الاماكن الي فيها تلج ومطر عشان العربية متتزحلقش
طيب دا الاسفلت المصري بيتمني نقطة مطر تنزل علية وكل فين وفين لما تفكر تمطر
يبق لية الفلوس الي ملهاش اي لزمة ؟؟؟؟؟؟
منربطش مثلا اختياراتنا بحاجات ملهاش لزمة خالص
المفروض اهم حاجة نشوفها هي دعامات الباب الايرباجز اتجاة الموتور وقت الصدمة لاقدر الله الحجات ددي لان الفرامل المتطورة دي عمرك ما هتلاقيلها استخدام في مصر ابدا
ياريت تكونو فاهميني
يعني ميبقاش حد عجباة عربية جدا جدا وميلاقيش فيها abs يقولك مش امان
لا طبعا لانك مش هتستخدمها في مصر اساسا الا لو رشيت صابون علي الارض وانت ماشي بئي هههههههههههه

كان نفسي تبقى معايا يوم لما كنت هخبط اتنين بيعدوا الطريق وانا ماشي على 100 ولولا ال abs بعد فضل ربنا كان زمانهم في خبر كان.

معلش يا جماعة انا عن نفسي مش مقتنع ان ليها لزمة فيس مصر اصلك مش كل يوم هتمشي علي زينت وحتي لو مشيت علي زيت ومعاك 50 abs هتتزحلق بردو لان دا زيت التلج خشن شوية عنة
والرمل والتراب والحجات دي متاثرش
طيب شوفو كدا العربيات الميكروباص مفيهاش الحجات دي وماشية لا بيهمها لا رمل ولا تراب
وRaul_7 مين الي عرفك انها هي الي انقزتهم ؟
معلش التجار بيقنعونا حاجات مش صح عشان ندفعلهم فلوس وخلاص
النظام ادا معمول فقط لا غير للطرق الثلجية والطينية والي برا بيمشو عليها بسرعة 90 ميل مثلا يعني ازيد من 160 كيلو
وريني واحد في مصر يعرف يمشي بمرسيدس اس كلاس علي طريق زي دا بالسرعة دي
مفيش يا جماعة كلها كماليات عاملينها عشان طرقهم هما مش احنا
الجو عندنا طول السنة جاب وحكاية الرمل والتراب دي مش في الموضوع اصلا
في الاخر كلة كلام تجار

المشاركة الأصلية كتبت بواسطة Mik_t4

وRaul_7 مين الي عرفك انها هي الي انقزتهم ؟
معلش التجار بيقنعونا حاجات مش صح عشان ندفعلهم فلوس وخلاص
النظام ادا معمول فقط لا غير للطرق الثلجية والطينية والي برا بيمشو عليها بسرعة 90 ميل مثلا يعني ازيد من 160 كيلو
وريني واحد في مصر يعرف يمشي بمرسيدس اس كلاس علي طريق زي دا بالسرعة دي
مفيش يا جماعة كلها كماليات عاملينها عشان طرقهم هما مش احنا
الجو عندنا طول السنة جاب وحكاية الرمل والتراب دي مش في الموضوع اصلا
في الاخر كلة كلام تجار

يا باشا حقك عليَّ هو كلام غلط ومبالغ فيه. :)

ادعي ربنا بس مايحطكش في موقف تيجي تتمنى فيه إنك كنت تسمع كلام التجار.

و عامةً ده فيديو هدية مني, وليك مطلق الحرية تقتنع أو لأ.

‪Bosch ABS - The advantage‬‏ - YouTube

المشاركة الأصلية كتبت بواسطة raul_7

يا باشا حقك عليَّ هو كلام غلط ومبالغ فيه. :)

ادعي ربنا بس مايحطكش في موقف تيجي تتمنى فيه إنك كنت تسمع كلام التجار. :m_yes[1]:

و عامةً ده فيديو هدية مني, وليك مطلق الحرية تقتنع أو لأ.

‪bosch abs - the advantage‬‏ - youtube

تسلم أيدك يا باشا ....
أية الفيديو الجامد دة ؟
على اللة بس محدش يقولك :
الفيديو دة عاملة تاجر عربيات أمريكانى ....

أنت أية رأيك أجيب الجين 2 ولا لأ ؟
أنا عايز أعرف رأيك من خلال تجربتك مع العربية و التوكيل ....