دلوقتى فى السعودية طلع قانون ان ممنوع اى عربية قبل موديل 90 تمشى فى الشوارع ودا كويس احنا باق عايزين ناخد العربيات قبل موديل 90 بدل ما السعودية تعدامها ودى مواصفات خليجى بس نتفاوض مع مين
عرض للطباعة
دلوقتى فى السعودية طلع قانون ان ممنوع اى عربية قبل موديل 90 تمشى فى الشوارع ودا كويس احنا باق عايزين ناخد العربيات قبل موديل 90 بدل ما السعودية تعدامها ودى مواصفات خليجى بس نتفاوض مع مين
العربيات دى مينفش تدخل مصر اصلا
السلام عليكم و رحمة الله و بركاته
العربيات دى ممكن بعض ماركات منها بس مش كلها, يعنى المرسيدس و البى ام و الكرولا و كده, تخش مصر كعربيات متخردة, قطع غيار استيراد فقط, غير كده, العربيات دى مش ممكن تخش مصر أبدا .
اولا العربيات دى عدت اكتر من 5 سنين (الرقم مش متاكد منو ) و بالتالى مينفعش تدخل مصر
ثانيا العربيات دى استعمال ممكن تخش معاقين بس برضو عدت عليها عدد سنين معين ف مينفعش تدخل مصر
يعني بدل ماناخد الخطوة ده اسوة ونطالب بتنفيذها عندنا ( واحنا الاولي بتنفيذها بسبب الازدحام والتلوث ) نروح نلم اسف يعني ز.....لة البلاد اللي بترميها.
نبطل بقي ياشباب فكر المصري انه ناصح وانه يطلع مصلحة من الهوا ونفكر شوية في ادميتنا ومنظرنا ادام الشعوب.
السلام عليكم و رحمة الله و بركاته
بالظبط كده, كلامك سليم.
المفروض فعلا, أن الجمارك تتلغى و العربيات تبقى بالأسعارالعادية بتاعتها زى بره كده و ساعتها هروح أرمى العربيتين القدام اللى معانا و أجيب حاجة كده انما ايه, من على وش القفص, الواحد يجيبله بورش كايين اس تيربو كده و لا أى منظر بدل مانا عمال أتفرج عليها عالنت و خلاص.
الظريف أن تلاقى موقع زى بتاع حراج السيارات فى السعودية, فيه عربيات بورش كايين كتير للبيع و الأكادة, تلاقى السعوديين بيبيعوا فيها و يشتروا كأنهم بيبيعوا و يشتروا معيز و لا بالكتير أوى عربية ددسن (datsun) !!!!!!!!!!!
خطوه ممتازه يارب وفقنا زيهم
هي مش حكايه عمر العربيه
ما فيه عربيات كتير موديلات 2000 و بنلاقيها عطلانه في الشارع
المهم يكون فيه فحص كامل و شامل للعربيه في المرور ساعه الترخيص و دا الي بتعمله السعوديه
و اي عربيه بيطلع فيها مشكله مابتترخصش
دا حتى بيكشفو علي زوايا العربيه و لو طلعت مش مظبوطه العربيه مابتترخصش !!!
تخيل هم بيعملو ايه و احنا بنعمل ايه ؟؟
بالنسبه لمصر الاول لازم نظام المرور يتغير و يبقى فيه فحص فني سليم مفيهوش لا وسايط ولا محسوبيات ولا رشاوي
يعني العربيه سليمه هتعدي مهما كانت موديل كام و اعتقد العربيات بتاعه سنه 60 و 70 معظمهم مش هيعدو
ف طبعا في نفس الوقت يتعمل احلال الملاكي و العربيه الي ماتعديش يبقى قدامه خيارين اما يصلحها او تدخل الاحلال بسعر كويس مش 5000 جنيه زي التاكسي
و طبعا الغاء الجمارك مايبقاش مره واحده يتم الاول تخفيض علي مراحل لحد ما توصل الجمارك ل 0%
علي فكره الجمرك ليه حسبه بايخه اوي فيها ضريبه مبيعات و رسوم تنميه و شويه حاجات كمان قيمتها تساوي حوالي 20% من تمن العربيه
يا سيدي خليها 25% و الغي الجمارك
انتم عارفين شيقرولية الكرزن موديل 2012 فول اوبشن وتامين شامل 69000 ريال يعنى نقول بالمصرى 72000 شوف فى مصر بكام
هم السابقون وعلى الله يبقى نحن اللاحقون
I hope we follow them but after customs are zero percent
يا فندم مينفعش اي عربية مستعمله تدخل مصر الا لو حضرتك المالك الاول لها .....ممكن حضرتك تدخلها متقطعه باسم تاجر قطع غيار او مستورد
طبعا هو القرار دي متخلف جدا ....في معظم دول العالم المتقدمة في اوروبا و كمان امريكا مافيش قانون معين يمنع عربية موديل قديم انها تمشي في الشارع ....دي حريه شخصيه و مليكه خاصة
الكلام دا لو عايزين يطبقوه في مصر يلغوا الجمارك الاول ...و يبقي علي حسب الحالة