كيف يعيش راكبى الاسترا مع اسعار الصيانات (مرفقة)

**gassour001** · 07-05-2008 01:40 PM

زرت امس احد معارض منصور من اجل معاينة الاسترا الانجوى على الطبيعة بعد ان قرأت جميع الموضوعات على المنتدى بخصوص الاسترا.

من البداية و حتى قبل خروجى من صالة العرض بخمس دقائق كنت مقتنع بها تماما و قررت عدم اختيار الميجان الهاتش باك و لكن قبل ان اخرج سألت عن جدول الصيانات و اعطاه لى و هنا كانت صدمتى حيث كانت الاسعار كما يلى:

اجمالى بعد ضريبة مبيعات----اجمالى بدون ضريبة مبيعات ---- صيانة
349.8 ---- 318 ---- 5000
176 ---- 160 ---- 10000
861.3 ---- 783 ---- 15000
654.5 ---- 595 ---- 20000
525.8 ---- 478 ---- 25000
766.7 ---- 697 ---- 30000
525.8 ---- 478 ---- 35000
715 ---- 650 ---- 40000
921.8 ---- 838 ---- 45000
544.5 ---- 495 ---- 50000
525.8 ---- 478 ---- 55000
1964.6 ---- 1786 ---- 60000

عندما قارنتها باسعار صيانات الميجان (التى يزعمون انها غالية) فوجئت بانها كل 10000 بدلا من كل 5000 للاسترا.
و بما انى اعمل و اعيش فى القاهرة و ازور الاسكندرية كل اسبوع (زوجتى من الاسندرية) فمتوسط كل شهر هو 3200 كم مما يعنى اننى مع الاسترا مضطر لدفع مبلغ الصيانة كل 45 يوم فى حين من الرينو كل 90 يوم
اليكم اللينك الخاص باسعار صيانات الرينو الميجان

http://www.nilemotors.net/Nile/showthread.php?t=2758

فى النهاية كل ما اريد ان اعرفه من قاطنى الاسترا هل من بديل عن صيانة التوكيل يكلف اقل؟

**HNaga** · 07-05-2008 02:53 PM

انا مابعملش صيانة كل 5 انا بعمل كل 10 وبحط موبيل 1

وبعدين لو بتعمل صيانة و محتاجة قطع غيار ممكن تجيبها من برة و هم بيركبوها عادى

وبعدين الصيانة غالية عشان الزيت -الزيت لوحدة وصل 225 جنيه

**Mustafa_Farouk** · 07-05-2008 05:13 PM

في الاول والأخر دة رأيك وطبعاً إنت حر تختار استرا أو ميجان بس الاثنين جامدين أخر حاجه ، دة من وجهت نظري، عشان أنا كنت بفكر بين الاثنين، بس ربنا سهلهالي في الاسترا.
على ما أعتقد المفروض تعمل صيانة كل ٥٠٠٠ زي أي عربية بتجبها زيرو . بس إنت لو مش عايز، خلاص ممكن تتعامل كل ١٠٠٠٠ وتكون واخد رأي المهندس اللي بيكون معاك عشان هو بيكون عندو خبرة بال حاجات دي أكتر.
في الميجان بيكون كل ٥٠٠٠ عادي زي أي عربية بس تقريباً انو بيكون ال-٥٠٠٠ دي مجاناً إلا إذا كان في حاجة محتاجة تتغير.
حاجة تانية على ما أعتقد إن الاثنين حيكونوا متقاربين في بعض الحاجات.
إنت روح اتفرج على الاثنين في أي موزع معتمد وقارن بين الاثنين بس أرجوج تقولي إنت حتشتري أنهي وحدة، عشان أعرف احساسي حيكون صح ولأ ؟؟ إنت شفت الاسترا في أنهي معرض ؟؟
الاوبل كلها موجودة معاك في أي وقت، لو إنت محتاج أي حاجة.

**Mustafa_Farouk** · 07-05-2008 05:17 PM

بالنسبه ليا أنا بعمل الصيانة كل ٥٠٠٠ في التوكيل عشان مش بحب اتعرض الأي مواقف بايخة عشان في الاول والاخر دي عربية وممكن تحصل أي حاجة مش تمام .
اللي بتعامل معه اسمو اوتو ماستر في مدينة نصر.

**Sharky** · 07-05-2008 05:35 PM

صيانة الـ 5000 كم فى الميجان مجانية و بتكون Check على إللى إتعمل فى صيانة 10000 كم

**gassour001** · 08-05-2008 11:21 AM

المشاركة الأصلية كتبت بواسطة Moustafa_Farouk

في الاول والأخر دة رأيك وطبعاً إنت حر تختار استرا أو ميجان بس الاثنين جامدين أخر حاجه ، دة من وجهت نظري، عشان أنا كنت بفكر بين الاثنين، بس ربنا سهلهالي في الاسترا.
على ما أعتقد المفروض تعمل صيانة كل ٥٠٠٠ زي أي عربية بتجبها زيرو . بس إنت لو مش عايز، خلاص ممكن تتعامل كل ١٠٠٠٠ وتكون واخد رأي المهندس اللي بيكون معاك عشان هو بيكون عندو خبرة بال حاجات دي أكتر.
في الميجان بيكون كل ٥٠٠٠ عادي زي أي عربية بس تقريباً انو بيكون ال-٥٠٠٠ دي مجاناً إلا إذا كان في حاجة محتاجة تتغير.
حاجة تانية على ما أعتقد إن الاثنين حيكونوا متقاربين في بعض الحاجات.
إنت روح اتفرج على الاثنين في أي موزع معتمد وقارن بين الاثنين بس أرجوج تقولي إنت حتشتري أنهي وحدة، عشان أعرف احساسي حيكون صح ولأ ؟؟ إنت شفت الاسترا في أنهي معرض ؟؟
الاوبل كلها موجودة معاك في أي وقت، لو إنت محتاج أي حاجة.

انا شفتها فى معرض منصور الى فى مدخل اسكندرية - Down Town

**gassour001** · 08-05-2008 11:24 AM

المشاركة الأصلية كتبت بواسطة sharky

صيانة الـ 5000 كم فى الميجان مجانية و بتكون Check على إللى إتعمل فى صيانة 10000 كم

سؤال للسيد Sharky الراعى الرسمى للرينو فى المنتدى:
هل فى صيانات الميجان الخماسات (5000-15000-25000-etc) الى انتا بنفسك عملتها فى التوكيل احتجت تغير اى قطعة غيار؟

**Sharky** · 08-05-2008 11:27 AM

ماحتجتش أغير فيها أى قطعة

لكن ممكن أى حد يغير فيها الحاجات الإستهلاكية فقط إللى ملهاش مدة محددة و تتوقف على إستهلاك السائق زى تيل الفرامل

**gassour001** · 08-05-2008 11:54 AM

المشاركة الأصلية كتبت بواسطة sharky

ماحتجتش أغير فيها أى قطعة

لكن ممكن أى حد يغير فيها الحاجات الإستهلاكية فقط إللى ملهاش مدة محددة و تتوقف على إستهلاك السائق زى تيل الفرامل

انت بردك دا حسمت نقطة مهمة جدا لصالح الميجان و يبقى لى سؤال,

من ناحية الجرى بالعربية (Maximum Speed) اعرف ان كلا السيارتين من الممكن ان تصل لسرعة ال 200 كم/ساعة و لكن السؤال هو بما ان الفتيس ال Easytronic بتاع الاسترا مبنى على manual gearbox و الفتيس ال steptronic بتاع الميجان مبنى على automatic gearbox فهل هذا معناه انه فى حالة الشد (acceleration) بتاع الاسترا هيكون احسن من الميجان ؟

**Sharky** · 08-05-2008 12:06 PM

بصراحة أنا معرفش الأسترا نظام سحبها إيه ممكن ملاكها فى المنتدى يقولوك
لكن كل إللى أقدر أقولوا إنى جبت بالميجان 210 كم قبل كده و الميجان سحبها ممتاز

الموضوع: كيف يعيش راكبى الاسترا مع اسعار الصيانات (مرفقة)

LinkBack

أدوات الموضوع

عرض

-

-

-

المواضيع المتشابهه

طلب هام :- اسعار الصيانات و قطع الغيار لكيا سيراتو

طلب هام :- اسعار الصيانات و قطع الغيار لشيفورليه اوبترا

اسعار الصيانات الدورية

طلب هام :- اسعار الصيانات و قطع الغيار لهيونداى النترا

طلب هام :- اسعار الصيانات و قطع الغيار لنيسان صنى

الكلمات الدلالية لهذا الموضوع

المفضلات

المفضلات

ضوابط المشاركة