تجربة شد ماى افيو5 مع النترا 2012 بيضاء, جنط 17، على المحور اول يوم رمضان قبل الفطار

**memo823000** · 03-08-2011 03:13 AM

تجربة شد ماى افيو5 مع النترا 2012 بيضاء, جنط 17، على المحور اول يوم رمضان قبل الفطار
مواصفات الالنترا
موديل 2012، بيضاء، جنط 17 اصلى اللى بنشوفه على اليوتيوب فى اعلى فئه، الشبكه اللى هيا اربع ريش نيكل مش ريشخ واحده
حساسات خلفيه، زجاج ملون، فتحة سقف (طبعا ده اللى قدرت القطه على الطريق)

مواصفات ماى افيو5 ب 81 الف
اللون اسود - 1500 - اتوماتيك - التقفيل كورى 100% - 83 حصان - كاسيت شرايط - 2 زجاج كهربائى - 1 ايرباج - فوانيس شبوره امامى وخلفى اصلي - امكانية تعديل الطاره اعلى واسفل - امكانية تعديل الكشاف الامامى اعلى واسفل - اماكنية تعديل حزام الامام اعلى واسفل - سنتر من غير ريموت ولا انزار - مفتاح مشفر ضد السرقه - جنوط حديد بكوتش كورى 185/55/15 - امكانية تعديل مساند الراس الامامية - مرايات كهرباء - مساحه خلفيه - امكانية فتح الشنطه وتانك البنزين من الداخل - الثبات ل 160 مفيش اى مشكله ومش بتفرق فاضى او معاك ناس - الفرامل فوق الممتازه ماشاء الله واسعفتنى كتير على سرعه فوق ال 140 بفضل الله والعربيه بتقف فعلا (انا حبيت اعرف ماى افيو لحسن تقوله ايه المجنون ده)

طبعا الشكل وهم الوهم ماشاء الله وغير بتاعة التوكيل والخليجى اللى موجوده فى المعارض الفرق شاااااااااااسع

طبعا بداية الرحلة كنت معزوم فى روض الفرج عند حماتى ونزلت انا والعائلة (زوجتى واختها و بنتى) قبل الفطار وماشى فى امان الله ومعدى عند النادى والاقى الناحيه التانيه النترا بيضاء قولت عادى انا بقيت بشوف بتاع 4 او 5 كل يوم والعربيه ماشاء الله انتشرت خلاص
المهم قبل مول العرب كدا انا ماشى بالراحه عشان المطبات الكتيره وكان لسه فاضل بتاع ساعه ونصف وانا عايز اوصل على الفطار عشان مشبحب انتظر قدام الاكل المهم لمحت فى المراية الالنترا برده قولت عادى المهم قربت لمحت الشبكه النيكل ام 4 ريش زى اللى بشوفها على اليوتيوب قولت اوبا هديت جامد لحد مجه جنبى على المطب وشوفت الجنط ال 17 الاصلى قلت احمدك يارب انى شوفت الالنترا اعلى فئه قبل ماموت (منها لله الحكومة بتعتنا اللى نهبانا وحرمانا من كل حاجه حلوه دى بره العربيه دى بتنزل 1800 جميع المواصفات وبسعر ارخص من المانيوال عندنا اللى كلها بلاستيك وجنوط حديد)
المهم ركزت مع العربيه كويس بسم الله ماشاء الله مختلفه تماما فى كل حاجه وايه قاعدة العجلات دى ملهاش حل عرض رهيب ماشاء الله ربنا يباركله فيها
المهم طبعا انا عارف انو لسه بيلين هو كان شارب فى مقتبل ال 30 ومعاه زحتو زى حلاتى لاكن كان الزجاج ملون فمشفتش اكتر من كدا المهم هوا لاحظ انو ببص على العربيه وبصلى واحنا بناخد مطبات ميدان جهينة
المهم انا قولت اتفزلك شويه فشديت قصاده من بعد ميدان جهينه وانت طالع على الهايبر وقرصت جامد قصاده واخدت كام غرزه على ال 140 والحمد لله العربيه مساعده المهم هو كان ورايا وبصراحه مشدش لاكن كان ورايا على طول المهم فضل ورايا لحد معدينا الهيبر وهوبا يامعلم قام قارص وراح طالع المحور وانا وراه 140 برده بس بصراحه انا قولت بلاش اتعافى على العربيه واصلا مفيش وجه مقارنه دا 130 حصان ياعم يعنى بالصلاة على النبى اسطبل حصنه بيجرى قدامك وحتى قبل ميطلع المحور بعد الهيبر كان بيجرى وكان قصاده نيسان تيدا اقسم بالله فرق شاسع فى العرض الالنترا عريضهجدا ماشاء الله وكمان مع الجنط ال 17 مخلى موضوع الثبات وهم وماشاء الله انا كنت من الهيبر لحد بتاع اول المحور 140 وهو اكيد مش اقل من 160 او 170 كمان وهو كان قدامى وعمال ياخد غرز والعربيه ماشاء الله ثبات ورساوه وى تمايل ولا اهتزاز وتنطيط مع مطبات الهوا اللى قبل المحور طبعا اللى بيروح اكتوبر عارفها
وكمان بصراحه كنت عايز اروح على الفطار بالظبط فقمت مهدى ل 90 وفضلت ماشى على السرعه دى لحد موصلت الحمد لله

طبعا انا بحكى القصه دى ل 3 اهداف
ان بجد الالنترا الفئه اللى انا شوفتها عربيه محترمه حجما وثباتا وفخامة وشكل (بجد هيونداى ابدعت فى العربيه دى ومحدش يبص على عربيات غبور الرديئه اللى متتركبش اصلا اللى لو نزلت الخليج هتترمى فى وشه)
لحد امتى هنفضل فى الظلم ده وايه اللى مسكتنا لدلوقتى عشان الجمارك
هنفضل لامتى ساكتين لغبور اللى بينزل ازبل عربيات ( يعنى اشترى عربيه ب 143 الف gls وكمان الفرامل اللى ورا طبل مش سكاكين
وكمان فرش قماش مشجلد زى اللى بره (بلاش موتور 1800)
حسبنا الله ونعم الوكيل

**linux1man** · 03-08-2011 04:44 AM

هوا مش ممكن نبعت على موقع هيونداى الرسمى
شكاوى جماعيه ضد غبور واللى بيعمله فينا ونشتكيلة من انه ردىء جدا ولا الموضوع دا صعب ولا ايه ؟

**Screenplays** · 03-08-2011 04:48 AM

انا قولت هتقول انك شديت معاها بالافيو و طلعت منها هههههههههههه و الله الواحد بالفيرنا بيسرفل الطريق بيها و بشد مع اي حد

لحد امتى هنفضل فى الظلم ده وايه اللى مسكتنا لدلوقتى عشان الجمارك
هنفضل لامتى ساكتين لغبور اللى بينزل ازبل عربيات

لما تتشكل الحكومه الجديده يبقي ننزل التحرير عشان يلغوا الجمارك و يلغوا توكيل غبور من اساسه ده شيلنا النظام بحاله مش عارفين نشيل غبور ؟

**linux1man** · 03-08-2011 05:13 AM

انا والله بتكلم بجد هل لو عملنا شكاوى جماعيه على موقع هيونداى الرسمى مش دا ممكن يكون سبب انهم يغيروه ؟

**linux1man** · 03-08-2011 05:15 AM

على فكرة تعليق على الموضوع

انا شديت معاها على الصحراوى النترا 2012 بالفيرنا وكانت بتجيبنى واجيبها
الفيرنا اسد برضو والله يا جماعه لا يستهان بها

بس طبعا فرامل زفت اهتزاز وعدم ثبات حاجت ترعب بس اسد اسد :d

**memo823000** · 03-08-2011 05:44 AM

[QUOTE=Screenplays;3873701344]انا قولت هتقول انك شديت معاها بالافيو و طلعت منها هههههههههههه و الله الواحد بالفيرنا بيسرفل الطريق بيها و بشد مع اي حد

ياعم وحد الله فى قلبك
بقولك انا 83 حصان وهو 130 حصان كل حصان ينطح حصان وكمان جنط 17 الفبريكه وكمان abs وزجاج ملون ودلع يبقى ازاى طلعت منه
ياعم انا اساسا كبرت دماغى ومرضطش اسخنه على المحور لحسن الحصنه تصحى واحنا ساعت فطار والعربيه لسه جديده وصايمين والتركيز مشبيبقى هو فبصراحه خفت عليه وهو بصراحه كان متهور وسخن اصلا وعمال ياخد غرز
وانا اساسا العربيه معايا صغيره وكمان بقالها معايا اكتر من سنتين وحافظ طريق اكتوبر وعارف عيوبه ومخاطره
فقلت ياض كبر وسيبه يروح لحال سبيله

بالنسبه للشكوى ياريت والله تتنفذ واهى العيار اللى ميصبش يدوش (يمكن ضميره يصحى
ياعم دا فى السعوديه العربيات بتبقى 1800 سى سى وفل اوبشم فل اوبشن مشهزار وبتبقى بسعر الكرولا 1600 اول فئه
وخش على المنتدايات السعوديه وانت تنتحر من فرق اسعار وامكانيات الهيونداى عندهم وعندنا
والميزه فى السعودية ان كل منطقه فى السعوديه ليها وكيل
مش زى مصر وكيل واحد واكلها لوحده وكمان خاربها (لنا الله والله)

**linux1man** · 03-08-2011 07:24 AM

دا يا جماعة رابط الاتصال بهيونداى فى موقعهم الرسمى
ايه رأيكم كلنا ندخل نبلغ عن سؤ مركز خدمة وبيع غبوور ؟؟

Contact Us - Email Hyundai | Hyundai Motors

**HOSSAM99** · 03-08-2011 02:12 PM

أنا حاسس إنك شوفت السوناتا يا memo لأن الإلنترا أنا مشفتش منها شبكه أربعه ريشه حتي الآن فلو فيه حد شافها يديني صورتها

**memo823000** · 03-08-2011 03:07 PM

المشاركة الأصلية كتبت بواسطة HOSSAM99

أنا حاسس إنك شوفت السوناتا يا memo لأن الإلنترا أنا مشفتش منها شبكه أربعه ريشه حتي الآن فلو فيه حد شافها يديني صورتها

‪2011 Hyundai Elantra Limited Review‬&rlm; - YouTube

‪The 2011 Hyundai Elantra‬&rlm; - YouTube

والعربيه الالنترا البيضاء فى الفيديو اللى جاى هيا دى اللى شوفت اختها (لون وجنوط وشبكه وحساسات خلفيه وزجاج ملون
‪Chevy Cruze, Ford Focus, Hyundai Elantra, Mazda 3, VW Jetta - Comparison Test - Car and Driver‬&rlm; - YouTube

دى الفئه اللى انا كنت بشد معاها وبص على الفيديو تلاحظ ان الشبكه الاماميه باربع ريش نيكل واحده بين الفوانبس وتلاته بين فوانيس الشبوره اظن كدا الرؤيه وضحت
والحاجه التانيه هو دا الجنط ال 17 اللى شوفته وشكله فحييييييييييييييييييييييت على العربيه ومخلى العربيه عريضه جدا جدا
انا كنت مزهول ماشاء الله من عرض العربيه وانا ماشى وراه من بعد الهيبر لحد اول ربع المحور بعد كدا هو شد واختفى
بس بجد بقيت مشمصدق انى هشوف الفئه دى فى مصر (منها لله الحكومه وغبور)
لكن مع الاسف ماختش بالى من الاريال موجود ولا لا
والسؤال : ياترى الفئه دى تجلها بكام بالمواصفات الاتيه
جنط 17 - abs - ايرباج 2 - دى فى دى تاتش - فتحة سقف - سينسور مطر وركن خلفى - تكييف ديجيتال - فرش جلد طبيعى - شبكه متنكله زى اللى فى الفيديو - مثبت سرعه - كاميرا خلفيه - مرايات كهرباء وضم كهرباء - زجاج ملون - مثبت سرعة - انزار بسنتر بالحبشتكانات - الاريال اللى مشعارف هيخصر ايه التوكيل لو نزله

والفيديو اللى جاى فيه الفئه اللى بتنزل مصر بجنط 205/55/16 والشبكه اللى بين فوانيس الشبورة ريشه واحده نيكل (بصراحه انا شايف هيونداى بخيلة قوى) ولا الفئه الاتوماتيك اول وتانى فئة اللى من غير نيكل خالص وشكلها وحش

‪Avante MD, ى•„ë°کë–¼MD ëڈ™ىکپىƒپ ë“.ي…œ by ى§±ë‹ک‬&rlm; - YouTube

**HOSSAM99** · 03-08-2011 03:27 PM

أصل أنت يا أستاذ memo بتقول أربع ريش نيكل بدل ريشه واحده فالعربيه اللي بأربع ريش بدل ريشه واحده هي السوناتا بأعتبار إن الكلام منصرف علي الشبكه العلويه
مش الهوايات
أهم حاجه أيه رأيك في العربيه؟؟؟