اللمبة الاصلية فيليبس H11 55watt , 12 volt Made in Germany ,
ملحوظة اللمبة دى زئبق فمتمسكهاش من الجزء الاسود اللى فى اخر اللمبة
ملحوظة تمن اللمبة فى التوكيل 225 و طبعا ده من غير تركيب
الحمد لله لاقتها فى شارق دمشق ب 60 جنيه من عند محل بتاع لمبد قصاد بنزينة التعاون
وطبعا التركيب ببلاش لو ركبتها انت
محتاج مفك الصليبة\عادة الاسود اللى بيجى فى عدة العربية
دى طرية الفك وعكسها التركيب :
1- فك عدد 2 كليبس اللى فى كارتيرة الرفرف , وللسهوله لف العجل للداخل
2- فك ال3 مسامير اللى فى الكارتيرة من تحت
3- دلوقتى تقدر بسهولة طى الكارتيرة اللى فى الرفرف عشان تبتدى الفك او التركيب
4- ده منظر الفوج
5- اولا تفك سلك الكهرباء اللى جاى للفوج عن طريق الضغط على الجزء الاخضر لجوة وبعد كدة تسحب السلك لتحت
ثانيا امسك ضهر اللمبة و لفها ربع لفة اتجاه عقارب الساعةو بعد ين اسحب اللمبة لبرة بسهولة
عملية التركيب نفس الكلام بس بالعكس و هيبقى كالتالى :
1- فك عدد 2 كليبس اللى فى كارتيرة الرفرف , وللسهوله لف العجل للداخل
2- فك ال3 مسامير اللى فى الكارتيرة من تحت
3- دلوقتى تقدر بسهولة طى الكارتيرة اللى فى الرفرف عشان تبتدى الفك او التركيب
4- اولا امسك ضهر اللمبة وضعها فى مكانها بحث تعدى بال3 علامات جوة الفوج و لفها ربع لفة اتجاه عكس عقارب الساعة
ثانيا تركب سلك الكهرباء اللى جاى للفوج فى الاتجاه من تحت لفوق
طبعا فى ناس تقول و انا ايه اللى يتعبنى واعمل كل ده انا اروح لاى حد يعملها وخلاص
ارد عليه واقوله : مبدئيا كويس انك تبقى ايدك فى العربية على الاقل فى الحاجات السهلة دى كمان تاكد محدش هياخد باله من كل حاجة بالتفصيل كدة ويحافظ على الكارتيرات و ياخد باله من كل الكليبسات والمسامير اللى فيها غير صاحبها
وطبعا فى الاول والخر دى مجرد نصيحة و ربنا يسترها ومتحتاجشى انك تغير لمبة اصلا
المصدر :
How To: Replace Halogen Fog Lights
المفضلات