ايه اللى خلاك تسجل فى ((نايل موتورز)) موضوع للفرفشة

**iwantes350** · 03-08-2011 07:24 PM

المشاركة الأصلية كتبت بواسطة A.Saad

اما فكرت اشترى عربية
دخلت ولقيت انه منتدى
نفسى اتسدت لان ماليش فى المنتديات اوى
بعد فترة رجعت تانى وابتديت التفاعل فى المنتدى

اول مقابلة كانت فى الربوة
مكنش معايا عربية لسه
اول عضو اتفاعلت معاه كان احمد علاوى - الله يصبحه بالخير
واول واحد اتكلمت معاه كان كريم منير

ياريت نكتب الذكريات عن اول عضو شفته واول مقابلة واول واحد اتفاعلت معاه فى المشاركات

انا فعلا قابلت عضو من اعضاء المنتدى وهو
استاذي فى الصوتيات m7mda7md
هو من اسيوط شخصية ظريفة ومحترمة جدااااااااااااا
وال sound system بتاعه بسم الله ما شاء الله ملوش حل

بس مش بيدخل الاجتماعى

**MOUSTAFA_SAAD** · 03-08-2011 07:41 PM

اشتركت فيه لما كنت عاوز اشترى اللوجان وكنت ساعتها ماعرفشى ايه هى اللوجان دية اساسا وعرفتها عن طريق المنتدى والحمد لله حبتها وحبيت المنتدى بشده
ومن ساعتها سيبت كل المنتديات اللى مشترك فيها وبقيت شبه مقيم هنا طول ماانا فى البيت
لانى عجبنى اوى التفاعل الشديد والجو الاسرى اللى بين الاعضاء وللاسف باظ بعد الثوره وبقى اى عضو ضدك ومخالفك فى الراى يبقى عدوك

**iwantes350** · 03-08-2011 08:05 PM

سؤال متطفل اوى
هو ايه نظام توقيع حضرتك ؟؟؟؟؟؟
التوقيع جامد موت
يا رب ميبقاش فيها زعل

**A.Saad** · 03-08-2011 09:01 PM

المشاركة الأصلية كتبت بواسطة iwantes350

سؤال متطفل اوى
هو ايه نظام توقيع حضرتك ؟؟؟؟؟؟
التوقيع جامد موت
يا رب ميبقاش فيها زعل

غالى انت سؤالك لمين من الاعضاء علشان فيه شوية حيرة
لو قصدك عليا مجرد تنبيه علشان نميز بين الخبيث والطيب فى زمن قلبت فيه الاية

**heshamzaky** · 04-08-2011 02:21 AM

السبب أنى أشتركت فى المنتدى كنت بدور دايما على النت بس فى حاجات و صور أجنبية على حاجات للفيات تمبرا لانى بحب العربية دى جدا
و لما دخلت المنتدى لما قالى علية واحد زميلى فى الشغل مش مشترك اساسا فى المنتدى دخلت بس كزائر و بعدين كانت الشرارة الاولى للمشاركات و بعدين القصة بقت أدمان ههههههههههههههههه
و مكنتش اعرف أن فية حاجة أسمها المنتدى الاجتماعى و أتصاحبت مع حبايبى و اخواتى بتوع التمبرا و بنشوف بعض بصورة مرعبة ههههههههههه و القصة تطورت الى أعز صداقة و أحلى ناس أتعرفت عليهم و بقينا اصحاب جدا جدا جدا و تعرفت على ناس كتير جدا من المنتدى و حاسس أننا نعرف بعض من سنين طويلة جدا

**iwantes350** · 04-08-2011 08:56 PM

المشاركة الأصلية كتبت بواسطة moustafa_saad

ههههههههههههه
لو اصدك عليا
ده مساعد شرطه عندنا فى المكتب
صورته كام صوره وقولتله حاشهرك على النت
وهو فرحان طبعا
انا كمان حاطتها على الفيس بوك

اه انا قصدى توقيع حضرنك
والله الامناء دول بيصعبو على اوى
بيتبهدلو بهدلة السنين
ربنا يكون فى عونهم

A.saad
توقيع حضرتك حلو اوى
ربنا يخليكم لينا

**iwantes350** · 04-08-2011 09:04 PM

استاذ هشام
الف شكر لرد حضرتك
وبجد المنتدى عرفنى على ناس كتير محترمين جدااااااا

**heshamzaky** · 04-08-2011 09:31 PM

المشاركة الأصلية كتبت بواسطة iwantes350

استاذ هشام
الف شكر لرد حضرتك
وبجد المنتدى عرفنى على ناس كتير محترمين جدااااااا

العفو يا باشا بص أنا تقريبا طلعت على الاقل ب 20 صديق بنشوف بعض بصورة شبة مستمرة من المنتدى

**viper911s** · 05-08-2011 01:06 AM

واللة هووالدى كان وقتها جاب اوبترا فا كان فيها زرار فى الفتيس الاتوماتيك ومكنتش عارف بتاع اية فا عملت سيرش
ولقيت نيل موتورز ظهرلى وعملت موضوع وفعلا لقيت تجاوب خيالى
فى الموضوع ووصلونى لكيفية عمل الزرار
واكتشفت ان نايل موتورزفعلا اسرة واحدة بس كبيرة حبتين
يارب يزيد ويبارك

وفعلا اتعرفت شخصيا على ناس كتير جدا وفى قمة الاحترام
واشخاص اخرين كانت علاقتى بيهم على الخاص ايضا وجدت كل احترام وتقدير
يارب يديم الاخوة الى ما بينا