الموضوع: كام سؤال على الماشى

السلام عليكم و رمضان كريم

انا الحمد لله حجرت التيدا هاتشباك الفئة الاعلى بس من غير فتحة سقف من السبع يوم السبت اللى فات و ان شاء الله الاستلام على يوم السبت اللى جى و انا بقى عندى كام سؤال كده على الماشى

1) بالنسبة للاستلام انا لازم اشيك على كل حاجة فى العربية صح و كمان ايه اللى هاستلموا مع العربية تانى

2)هى التيدا فيها جهاز انذار و امتى بيشتغل انا عارف ان فيها امبوليزر و ايه امكانية ان عربية فيها امبوليزر و تدور من غير مفاتحها الاصلى (عندى واحد صاحبى يوم الاحد اللى فات ملقاش عربيته لما خرجنا من الشغل مع العلم انها ياريس 2008 و المفروض ان فيها امبوليزر و انا بصراحة الموضوع مخوفنى جدا لان عند الشغل بتاعى عربيات كتير بتسسرق بس دى بقي اتسرقت بحالها الباقين الازاز بيتكسر بس بتفضل مكانها)

3) بالنسبة للتامين اللى مع السبع حد جربه هو مع شركة اليانز ب 3.75% و هل ده تامين شامل يعنى ضد الحوادث و السرقة و هل هادفع حاجة زيادة و لا هى النسبة دى بس من ثمن العربية لانى بصراحة عندى عرض تامين ب 3% عن طريق الشغل اعتقد الشركة اسمها المصرية للتامين التكافلى شامل كل حاجة بس لو هاصلح حاجة فى التوكيل هدفع 10% من مبلغ التصليح و هما الباقى و فى المقابل لو امنت مع السبع عن طريق اليانز مش بدفع حاجة لو فى تصليح و ربنا هو اللى بيسترها فى الاول و فى الاخر بس الواحد يعمل اللى عليه

4) هل العربيات الجديدة برده بتكون محتاجة تلين و ان الماتور يتفتح على طريق سريع كده و هى لسة جديدة و لا خلاص المواتير بتكون متلينة جاهزرة فى المصنع و اى هى النصائح اثناء قترة التلين

5) الترخيص بيتكلف حوالى كام لو 3 سنين انا سالت فى السبع و قالولى حوالى 1400

جزاكم الله خيرا على الردود مقدما

ما فيش حد عند معلومات تانية بخصوص التامين