تنظيف فتحات التكييف ف السيراتو

**Arabino** · 03-08-2011 12:57 PM

شباب دلوقتى انا اشتريت معطر نوعه معفن للاسف كالعاده اللى مالى الاسواق المصريه منهم لله المهم
رشيت منه ف فتحات التكييف و النهرده جي ببص على فتحات التكييف لقيتها كلها زيت من المعطر دا و اكيد طبعا دخل جوا التكييف وملا خراطيم التكييف و انا مش عارف اعمل ايه ايه الحل عشان خايف التكييف يتكتم بسببه و عايز انظف الزيت اللى على فتحات التكييف ف التابلوه...
هل فيه منظف معين ينظف الكلام دا ولا اعملها بالفوم بتاع تنظيف العربيه من برا ولا ايه الحل...؟

**salodas** · 03-08-2011 03:07 PM

أعتقد أن مش مفروض أنك ترش معطر داخل فتحات التكييف ...
مش ممكن تتسد خراطيم التكييف بسسبب رش معطر حتى لو كان بيحتوى على زيت .
حاول تنضف الظاهر منها برفق ولا تستخدم أى مذيب عضوى علشان متخربش الفتحات بلونها الأسود ... فقط منظف التابلوة أو قطعة قطن بماء خفيف.

**Arabino** · 03-08-2011 04:16 PM

يا باشا انا رشيت خلاص مش لسه هرش ههههههههه المشكله انا خايف اللى دخل جوا الخراطيم خلاص و اللى ظاهر ادامى على التابلوه من الزيت دا ايه حله ؟

**HOSSAM99** · 03-08-2011 04:42 PM

لا متقلقش أمسحها و مفيش حاجه أسمها هاتسد خراطيم التكييف أو تسد التكييف ميكانيزم التكييف مختلف عما حضرتك متخيل

**Arabino** · 03-08-2011 04:48 PM

اصل المشكله انى كنت برش بغلللللللللل جوا الفتحات هههههههههه فنا خايف للزيت اللى كان ف المعطر دا يلزق ولا يكون جازب للحشرات و الاتربه :(

**HOSSAM99** · 03-08-2011 04:55 PM

متقلقش إن شاء الله مفيش حاجه لكن مترشش غير جلييد

**Arabino** · 03-08-2011 04:57 PM

المره الجايه انشاء الله توبه ابو 5 جنيه ههههههههههههه

**moha4tec** · 04-08-2011 04:44 AM

لو عاوز العربيه تتعطر اول ما تفتح التكييف ابقى فك فلتر التكييف و نضفه بالهوا فى البنزينه او بالبلاور و بعد كده ابقى رش عليه حاجه بسيطه من اى معطر نضيفو نضف فتحات التكييف بسرعه لان اللى انت عملته ده غلط جدا لان الزيت ده هينشف و يشقق فتحات التكييف الفبر اللى بره و هتضر الريش بتاعة الفتحه ممكن من الشمس بعد كده تشقق او تغير لونهالكنها مش هتسد الخراطيم باذن اللهو بعد كده ابقى شاورنا قبل ما تفتكس فى عربيتك عشان انت عارف السيراتو غاليه علينا كلناو السلام ختام