عربيه الشغل اتسرقت

**gmgamil** · 14-08-2011 01:15 AM

حسبى الله و نعم الوكيل

**dr.hazem** · 14-08-2011 01:37 AM

من يومين في جوزيف تيتو قبل السندباد بمترات بسيطه
كنت خارج الساعه 7 وربع بالليل بعد الفطار فورا
لقيت تلاته على فزبة وقفو قدام تاكسي فيرنا قدامي بمسافة 200 متر مثلا
ونزلو التلاته طلعوه من العربية ونزلو فيه ضرب
ملقتش حاجه الا اني اول اما عديتهم ب20 متر رحت حاطط ريفيرس ورجعت خبطت التلاته جامد وهما واقفين بيضربو الراجل ورحط حاطط الاول ومشيت ومعرفش حصل ايه لكن عديت بعدها ب5 دقايق ملقتش في حاجه
مش عارف عملت كده ليه لكن الدنيا كانت ساكته واول حاجه جت فبالي انهم بيثبتو سواق التاكسي عشان ياخدوه منه
اللي خلاني مشيت ان كان معايا بنت صغيره في العربية وفنفس الوقت لما خبطتهم كذا حد ورايا خد باله وشفتهم وقفو فمشيت انا

ربنا يسترها فعلا علينا
مع العلم انه بعد السندباد بشويه فيه مدرعتين للجيش واقفين وفيهم عساكر جيش لكن تقول ايه الحمد لله

وامبارح عندنا في القصر العيني الاستقبال اتقفل لان بلطجيه دخلو علينا الساعه 12 الظهر
حاجه تقرف فعلا والواحد اعصابه باظت من الشغل في ظروف تخلو من الامن
دعواتكم

تحياتي

**horas3000** · 14-08-2011 01:43 AM

لا حول و لا قوه الا بالله و ربنا يعوض علي الشركه و اكيد مامنين علي العربيه فان شاء الله سليمه
بس معلش يا زعيم هستاذنك في تفاصيل اكتر
اصل والدي رايح جاي علي الطريق ده و معاه باجيرو يعني ممكن يكون مطمع
السواق كان ماشي علي كام
و اخد باله مثلا من العربيتين و هما بيقربوا منهم و نوعهم ايه العربيتين دول
هل حاول يهرب و لا ثبتوهم من العربيات

و ربنا يسترها علينا يا رب