استفسار من اهل دمياط

**MOUSTAFA_SAAD** · 03-08-2011 06:08 PM

السلام عليكم ورحمة الله وبركاته

انا بفكر اعمل عملية الليزك علشان اصحح قصرالنظر اللى عندى وكان فيه موضوع معمول فى المنتدى لاحد الاعضاء ومدام نور القمر كتر خيرها عرفتنا فيه بمركز اسمه مركز زهران للعيون وعنوانه

برج زهران -
دمياط, التليفون:057-2244452, 012-9722846

ظ…ط±ظƒط² ط²ظ‡ط±ط§ظ† ظ„ظ„ط¹ظٹظˆظ†, ط¯ظ…ظٹط§ط·, ط¯ظ…ظٹط§ط·, ظ…طµط± | ظ…ط³طھط´ظپظٹط§طھ ظˆظ…ط±ط§ظƒط² ط·ط¨ظٹط© | Yellow.com.eg | ط¨ط±ط¬ ط²ظ‡ط±ط§ظ† -

سعر العمليه 2250 جنيه يعنى تقريبا بنص التمن عن اسكندريه وكمان فيه اربعه من قرايبها من القاهره سافروا دمياط مخصوص و عملوا العمليه دية عندوا وحالتهم كويسه والحمد لله

انا عاوز استفسر برده من اهل دمياط عن المركز ده وخصوصا اللى من البلد غير الغريب اللى بيجى يوم ويسافر هل المركز سمعته ممتازه ومفيش مشاكل منه فعلا عموما فى اى شىء لان دية طبعا العين والموضوع مش سهل واللى مشجعنى بصراحه السعر الرهيب ده مفيش اسعار من دية فى اى حته تانيه

ياريت برده لو حد اتعامل معاهم يقول رايه لانى ناوى ان شاء الله اعملها فى رمضان

**M7amD_7amDy** · 04-08-2011 12:00 AM

بص ياباشا

هو المركز واخد سيط عندنا فعلا يمكن عشان رخيص عن الباقى

بص خد منى الكلمة دى وأرميها بعد كده البحر :)

متسترخصش .... دى عينيك مش صباع رجلك وهتعمل جراحة عند جراح نص كم

واللى أعرفه وعلى لسان دكتور عيون أعرفه قالى ان العمليات اللى زى دى مش محتاجة مهارة طبيب

ولكن تحتاج كفائة أجهزة وكل ما كان الجهاز أحدث بتكون نسبة النجاح أعلى وأحسن

وطبعا الأجهزة دى بتكون غالية جدااا

ورأيى الشخصى ولو مكانك هعملها فى مستشفى مغربى عشان طبعا أحدث الأجهزة بتكون عندهم

وبالتوفيق ياباشا :)

**نور القمر** · 04-08-2011 02:17 AM

شكرا لك انا مجرد نقلت تجربة اختي وباقي قرايبي الي عملوها هناك مع العلم فرع المركز في القاهرة سعره اغلى وبيعملها اطباء اخرين غير الدكتور صاحب المركز في دمياط
وللاستاذ مصطفى طبعا القرار الاخير وياريت تصلي استخارة وربنا يوفقك لما فيه الخير
مع ملاحظة ان المغربي كان في حملة اعلامية ضده من كام سنة

**MOUSTAFA_SAAD** · 04-08-2011 08:55 AM

ربنا يسهل ان شاء الله
موضوع المغربى انا رفضه فعلا لان سمعته مابقيتش زى الاول حتى فى النضارات وبقى سعر مكبالغ فيه على الفاضى
انا لو حاعملها حيبقى عند الدكتور اللى عملت عنده اختى لانه ممتاز وسمعته كويسه بس سعره غالى وفى الحاله دية حاجل الموضوع لاجل غير مسمى

او حاعملها عند مركز زهران فى دمياط لو استرحيت نفسيا اكتر للموضوع

**M7amD_7amDy** · 04-08-2011 03:46 PM

لو إحتجت أى حاجة من هنا أنا تحت أمرك

**M7amD_7amDy** · 04-08-2011 05:59 PM

ياباشا ربنا يخليك انت بس تنورنا :)

بالنسبة للطريق أحب أقولك انك سألت الشخص الغلط :))))

الحقيقة معرفش الطريق كويس عشان مش بسافر عليه كتير بس أكيد الناس هنا ممكن تفيدك أكتر منى

وأنا عموما بمون من كالتكس فى اى حتة بحس انها محترمة والبنزين كويس مش مغشوش

بس هقدر أفيدك على طريق بورسعيد عشان بروحها كتير

بينى وبينها تقريبا نص ساعة أو تلات أربع ساعة بالكتير

والطريق ده كويس ومش قلق

بخصوص الفنادق هنا اه فى فنادق كويسة طبعا بس الحقيقة معرفش أسعارها

بس ان شاء الله اما تنوى تنزل هسألك وأجبلك الأسعار

وتحت أمرك ياباشا دمياط هتنور بيك :)

**waleedfesal** · 05-08-2011 02:33 AM

يا استاذ مصطفى
انت حضرتك تنور دمياط فى اى وقت
وبالنسبه للطريق الدولى فحضرتك الطريق لسه مجدد السنه اللى فاتت
فان شاء الله مفيش اى مشاكل فى الطريق بس اغلبه بدون اناره( تقدر تقول كله )
وبالنسبه للبنزين فحضرتك هاتمسك الطريق الدولى من دخلة التقاطع مع طريق القاهر اسكندريه الزراعى
من بعد كفر الوار
فكده انت هاتفوت على بنزينة الامارات قبل الدولى على طول
وممكن بعد ما تاخد اول الطريق بحوالى 10 كم
هتلاقى بنزينه شل وكالتكس ودى اللى غالبا بمون منها كل ما اروح اسكندريه
هو الطريق من اول الزراعى لحد ما توصل دمياط حوالى 180 كم
وهتفوت فى طريقك على ادكو و رشيد والبرلس وبلطيم وجمصه
وبعد جمصه بحوالى 4 كم هتلاقى مفارق ولاتجاهين كده كده رايحين دمياط وان كنت ارشحلك تكمل على طول وتتطلع الكوبرى
وبعد الكوبر ى بحوالى 15 كم هتلاقى نزله مدينة دمياط
وان شاء توصل بالسلامه
واى حاجه انا تحت امر حضرتك
ولو حضرتك جيت وانا اجازه نتاقبل ان شاء الله

-

-

-

الموضوع: استفسار من اهل دمياط

LinkBack

أدوات الموضوع

عرض

استفسار من اهل دمياط - انشر الموضوع فى :

-

-

-

-

-

المواضيع المتشابهه

مساعده من شباب دمياط و دمياط الجديده خصوصا

سيارات دمياط

أوتوكروس دمياط

الى شباب دمياط

ايه الي تعرفه عن دمياط

الكلمات الدلالية لهذا الموضوع

المفضلات

المفضلات

ضوابط المشاركة