محدش يعرف جوان وش السلندر بكام و أجيبه منين والميكانيكي هياخد مصنعية كام عشان يركبه
وسؤال كمان هو عتب النوبيرا 2 برضو بكام وألاقيه فين
عرض للطباعة
محدش يعرف جوان وش السلندر بكام و أجيبه منين والميكانيكي هياخد مصنعية كام عشان يركبه
وسؤال كمان هو عتب النوبيرا 2 برضو بكام وألاقيه فين
انا برده عايز اغير للنوبيرا جوان وش السلندر والميكانيكى قالى الأتى
جوان 40 جنيه
جوان فرن 30
وش قشط نضافه عند الخراط 40
وهو مصنعيته 200 بس انا حاسس ان المصنعيه كتير
وقالى سيبلى العربيه يومين
لأ ده بيتشغلك .... استنى انا واحد قاللي اعرف ميكانيكي كان بيشتغل في توكيل دايو
تيجى نروحله نشوف هيقول ايه ؟؟
الجوان اخرة 40 او 50 جنية بالكتير اوى... الخراط ممكن ياخد 100 جنية لو عمل روديية و قشط... و مصنعية الميكانيكى فى حدود 200 جنية
MMamdouh
لو هو راجل صنايعى و فاهم شغلة يبقى مش كتير
MMamdouh
و هو فعلا لازم العربية تقعد عند الراجل يومين؟
حسب انت ودتهالة امتى و الخراط اخد وقت قد ايه
فك و تركيب وش السلندر مش بياخد وقت كبير... الفكرة ان بعد الفك الوش حيروح للخراط و وقت ما الخراط يخلصة حيبداء الميكانيكى يركب...
لو روحت للميكانيكى اخر اليوم حيفك الوش و الخراط يكون قفل... او الخراط يركن الوش لتانى يوم... و لما تستلم الوش ممكن يكون الميكانيكى غارز فى شغل تانى و يبداء يقفل عربيتك اليوم اللى بعدة و كدة تبقى اخدت 3 ايام... انما لو روحت للميكانيكى الصبح بدرى و فك الوش و بعتة للخراط بدرى و ركب فقوق دماغة عشان يخلة فى نفس اليوم و الميكانيكى جدع و فاضى ممكن يقفل الوش على اخر اليوم
MMamdouh
الله ينور
عليك باجنابوا
السلام عليكم
مجموع جوانات و جه السلندر بالتير = 120 جنيه
خرط و جه السلندر = 40 جنيه
ملحوظه لو وجه السلندر فيه ملح حوالين غرفه الحريق بيحتاج انه يروح يتعمله لحامات ليزر و ده بيتكلف حوالي 170 جنيه تقريبا
مصنعيه و جه السلندر لسياره نوبيرا = 200 جنيه و لا تقل عن ذلك لان السياره النوبيرا 2 كامه و لازم يكون الميكانيكي يكون فاهم كويس جدا لان تقسيمه ال 2 كامه صعبه فلازم يكون الميكانيكي كويس و كمان بتحتاج شغل كتير
مع تحياتي
........................................*
تم وقف العضوية لعمل إعلانات تجارية
م ع 2
معلش انا عندي كام سؤال كده انا عندي صوت الماتور عالي وبالتحديد في اول الدواره وهيه بارده صوت تكتكه وناس قالت دي تكايهات وناس تانيه قالت النوبيرا مفيهاش تاكيهات وبتتظبطت ضغطت زيت وروحت لميكانيكي قالي لا العربيه ماتورها خفيف وعايزه تعمر وحاسس انه بينصب فاعرف منين وهل كل ده ليه علاقه بوش السلندر والجوانات معلش انا ابيض ف الحاجات دي ومشكلتي اني من منصورة ومش لاقي حد امين
مصنعيات الميكانيكي مش هتقل عن 200 جنية
لو محتاج تقشط الوش بلاش وشوف واحد استيراد افضل لان بعد القشط العربية هتسقف ومش هتعرف التسقيف منين