طن حديد هدية

**wawoo** · 07-05-2008 02:20 PM

علمت مجلة ابني بيتك من مصادر موثوق منها في وزارة الاسكان من صحة ما نشرته بعض الصحف حول قيام رجل الاعمال احمد عز بالتبرع بطن حديد لكل شاب من الشباب المستفيدين من مشروع ابني بيتك - احد مشاريع الاسكان القومي- والذي يدخل ضمن برنامج الرئيس مبارك الانتخابي والذي يهدف الى توفير 500 الف سكن للشباب محدودي الدخل، يذكر ان شباب مشروع ابني بيتك قد اصابهم بعض الاحباط خاصة بعد الارتفاع الجنوني في اسعار الحديد ومواد البناء وقد نشادت وزارة الاسكان عدة جهات لمساعدة الشباب في البناء والتخفيف عنهم حيث اعلنت الوزارة عن استجابة العديد من شركات مواد البناء لتقديم مساعدات لشباب ابني بيتك، وتاتي مبادرة احمد عز كنموذج للمسئولية الاجتماعية لرجال الاعمال في دعم المشاريع القومية ومساعدة الشباب في تحقيق احلامهم، هذا وتتوقع وزارة الاسكان من العديد من الشركات ان تقدم الدعم او المساعدة باي شكل لشباب ابني بيتك.

لفت نظرى الخبر دة , و بعدين قعدت افكر شوية و ادور على الانة اشوف فين الانة , يترى حد يعرف فين الانة ,كل واحد كدة يخمن فين الانة و بعدين انا حقولوقم عليها ................

**Ahmed Selim** · 07-05-2008 02:22 PM

فين يا باشا

الواحد ميقاش فيه دماغ يفكر خلاص

**mshamy** · 07-05-2008 07:04 PM

حاجه من اتنين
1- يا إما علشان فتحوا باب الإستيراد فالراجل عايز يخلص المخزون اللي عنده
2- ياإما......... بلاش علشان محدش يقول عليا قليل الأدب

**pendodo2002** · 07-05-2008 07:18 PM

الوصول لكرسي الرئاسه له تكاليفه

**elham** · 07-05-2008 07:31 PM

عز هيديهم الحديد فى المرحله الثالثه فى البناء (بعد طبعا مايكونوا اشتروا فى المرحله الاولى والتانيه -ادا قدروا لقوا فلوس لغايه مايوصلوا المرحله الثالثه)وطبعا لما يجيى وقت التسليم هيطلب طلبات زى ان يكوناشترى حديد عز ويحتفظ بايصالات مختومه وموثقه من 2 موظفين 30% زياده لا يقلوا عن 50 جنيه
وده طبعا علشان يضمن نسبه مبيعات 10 الاف حاجز ومترحش البيعه منه
مش صدقه ولا مساعده اسلوب دعايه وتخفيض ضرايب وتهدئه راى عام وتلميع سياسى كل ده فى ضربه واحده ولا عزاء للمصريين

**WalidAdel** · 07-05-2008 07:44 PM

هوه معلش يعني في السؤال اصل انا ميقراش جرايد خالص
ايه حوار ابني بيتك ده علشان انا معرفوش .........؟

**wawoo** · 07-05-2008 08:00 PM

المشاركة الأصلية كتبت بواسطة elham

عز هيديهم الحديد فى المرحله الثالثه فى البناء (بعد طبعا مايكونوا اشتروا فى المرحله الاولى والتانيه -ادا قدروا لقوا فلوس لغايه مايوصلوا المرحله الثالثه)وطبعا لما يجيى وقت التسليم هيطلب طلبات زى ان يكوناشترى حديد عز ويحتفظ بايصالات مختومه وموثقه من 2 موظفين 30% زياده لا يقلوا عن 50 جنيه
وده طبعا علشان يضمن نسبه مبيعات 10 الاف حاجز ومترحش البيعه منه
مش صدقه ولا مساعده اسلوب دعايه وتخفيض ضرايب وتهدئه راى عام وتلميع سياسى كل ده فى ضربه واحده ولا عزاء للمصريين

هوة كدة فعلا , بس الاهم بقى ان فى دكتورفى جامعة القاهرة اقترح ان اللى عاوز يبنى ممكن يبنى باسلوب الحوائط الحاملة و دة حيوفر فى تكاليف الحديد 20% و الدكتور دة طلب ان يتم توفير تصميمات بهذا الاسلوب للى عاوز يشتغل كدة , طبعا كدة احمد عز لاقى ان الطلب على الحديد ممكن يقل اذا تم استخدام هذا الاسلوب فى البناء فى هذا المشروع , و اذا نجح الموضوع دة فكتير فى المدن الجديدة ممكن يشتغل بنفس الاسلوب و دة حياثر كتير على مبيعاتة , فلحق نفسة بموضوع طن الهدية دة منة يضمن مبيعات كويسة جدا فى المشروع و منة يضرب فكرة الحوائط الحاملة قبل ما تنتشر و تعمل قلق لة , و بكدة يكون ضرب عدة عصافير بطوبة واحدة .