سؤال بسيط يشغل عقول الناس يا ترى الميكروباص اللى كنت بركبو بـ 1ج
هركبو بكره بكام بعد الزيادة ومن حقهم يزودو ولا لا
انا شايف انهم من حقهم يزودو طبعا لان سواق الميكروباص او التاكسى
مالوش ذنب الحكومة اللى رفعت الاسعار مش همـــــــا
بالتالى لما تيجي تركب ميكروباص او تاكسى ماتتشطرش على الغلبان ده
اتشطر يا اخى على الحكومة شوية ولا احنا مابنطلعش غلنا غير فى الناس ديه
انا مش بوجه كلامى ده لشخص بعينة ولاكن لكل الناس اللى بتركب ميكروباصات
او تاكسى يوميا
بص هما من حقهم يزودا لكن حسب الغالو مش اكتر من 20-25%
يعني لو الاجرة جنيه تبقى 125 قرش مش اكتر
زيادة عن كده يبقى افترا وهيفرحو ان الجاز غلى
اللي ربنا يستر علينا منهم سواقين التاكسي خصوصا اللي بيستعملو بنزين 90 او 92 دول بقى انا لو منهم ازود 50% وشششششش
طبعا من حقهم
من حقهم طبعا انهم يزودوا الاجره لكن بالمعقول بمقدار الزياده
لكن بتوع التاكسى دول تيجى تدفعله يقولك البنزين غلى يا بيه وهو يا ما يحط بنزين 80 لا الا هو غاز يعنى مش متاثر بحاجه بس تبع الهوجه
اولا احب اقولك حاجه
سواقين التاكسي مفيش مشكله بالنسبه ليهم لانهم مش شغالين بتعريفه
يعني بمزاجهم وبالمشوار
المشكله في سواقين الميكروباص لانها لها تعريفه
فالمحافظه هي اللي تقرر
ولحين ما تقرر السواقين ميشتغلوش
علشان الازمه تتفاخم
مش يزودوا بمزاجهم
موضوع التاكسى ده مالوش حل خالص
تاكسيات شغاله ببنزين 90 .. قليل جدا اللى 91
وفى ناس شغاله ب 80 ده لو بيلاقوه اساسا
وكتير اوى اوى شغالين بالغاز وتكلفه ال 3مختلفه اوى عن بعض
فمانتش عارف تتفق ازاى مع سواق تاكسى
يعنى انا باركب مشوار ب 10 - 11 جنيه
ساعات التاكسى ياخد ال 10 ويبقى امور وسااعات احس انها 11
واوقات يحلفلى ان المشوار انه ب 15 جنيه رغم انى انا اللى واصف له السكه وكان اول مره يروحها (بجد والله الموضوع ده حصل معايا)
الموضوع ده حصل امبارح على خط المقطم كل العربيات ركنت ومحدش اشتغل علشان المحافظه منزلتش التعريفه الجديدهاقتباس:
المشاركة الأصلية كتبت بواسطة mohamed_rhem
والله المفروض إن الحكومة هي إللي تنظم الأمور دي ، يعني لما تغلي السولار والبنزين تزود الأجرة وتحددها حسب الزيادة طبعا ، مش تغلي البنزين والسولار و تسيب الناس يضربوا في بعضهم وإلا يبقى لزمتها إية الحكومة
وبعدين أنا نفسي أفهم إمتى هيفكروا ينظموا أجرة التاكسي ويشغلوا العداد وأزاي سايبين الناس تاكل في بعض كدة .... حرام والله حرام
المشكلة ان السواق مش هيزود بنفس نسبة زيادة البنزين، لأنه هيقول ان كل حاجة هتغلى نتيجة زيادة أسعار البنزين، يبقى انا كمان محتاج دخل اضافى
متنساش ان السجاير زاد سعرها كمان... يعنى بتاع المكروباز زاد عليه السولار و الدخاناقتباس:
المشاركة الأصلية كتبت بواسطة Hossam_Hassan
MMamdouh