-
استهلاك البنزين والزحمة
دلوقتى ياجماعة انا ملاحظة ان الاستهلاك عالى عندى الفترة اللى فاتت والزحمة وكده وللاسف مش بمشى بالعربية على طريق فاضى بقالى فترة ومش عارفة احكم فقولت اخد رأيكم من الارقام اللى عندى ووصف عام كده انا طريقى كله ابوقير او البحر وكله جوه البلد
237.5 km
32.3 L
13.6 L/KM
12.8 KM/h
دى الارقام من اخر تصفيرة
انا بس عاوزة اعرف الاستهلاك ده عادى بالنسبة للزحمة واوقات بشغل التكييف ... ولا كده كتير وممكن يكون فى مشكلة
-
ايه ياجماعة كله مشاهدات مفيش ردود
-
متوسط السرعة 12 كيلومتر فى الساعة ، يبقى كتر خيرها أوى لما تعمل 13 لتر لكل 100 كيلو ..
يا ريت تفكرى جدياً تسيبى العربية وتقضيها كعابى ، لو مشيتى على رجليكى هتمشى أسرع من 12 كيلومتر فى الساعة .. :)
-
انتوا لو تعرفوا الدنيا اد ايه زحمة فى اسكندرية ... انا بقالى يجى اسبوعين مش بطلع بالعربية بسبب الزحام الشديد
-
يعنى لوجى مش غلطانة فى حاجة ... طمنتونى ... وفعلا الدنيا كانت زحمة بفظاعة :(
-
لا ماتقلقيش
معدل الاستهلاك ده طبيعي بالنسبة لمتوسط السرعه
-
مش طبيعى بس يا دكتور ، ده كده ممتااااااااااااااااز
-
شكرا ياجماعة على الاهتمام ... اتطمنت الحمد لله واطمن اكتر ان شاء الله لو سافرت بيها
-
-
جربى على طريق طوالى علشان تطمنى اكتر .. وهو ده المقياس .. لكن فى الزحمة ممكن الواحد يفضل ساعة او اكتر فى مشوار ما يكملش 10 كم
Content Relevant URLs by
vBSEO 3.6.0 PL2