الكارثة

**Migo123** · 07-05-2008 05:26 PM

ربنا يعينك ويشفي زوجتك ويعافيها ان شاء
وربنا يعافي شعب مصري من الحرامية والجزاريين والمنافقين والآفاقيين

ليه عندك بقه سؤال يا باشا بحكم خبرتك كطبيب واحتكاك المباشر بموضوع الاورام ده لانه اصبح هاجس فظيع بعد كمية الحالات اللي الواحد بيشوفها حواليه والناس اللي بتتخطف بسرعه غريبة ........... انا اكاد اكون وصلت لحاله من الشك المرضي كل ما يجيلي شوية مغص اقول اه ......... دا اول الاعراض

هو ازاي وفين الواحد يقدر يعمل كشف دوري تأكد خلو الجسم من الاورام ؟؟؟؟

**د.محمود صلاح** · 07-05-2008 05:37 PM

وما خفي كان أعظم ..... الطب موجود فى مصر فقط للقادرين .. وموجود فى السعودية فقط للسعوديين .. وبعد ذلك تهريج فى تهريج

**zeyad1810** · 07-05-2008 05:49 PM

ربنا يشفى جميع مرضانا ويرحمنا من اللى احنا فية

**vooooo** · 07-05-2008 05:56 PM

المشاركة الأصلية كتبت بواسطة دموع الثلج

الف سلامه على زوجتك وربنا يكتب لها الشفاء العاجل يارب

صحبتى دكتوره فى القصر العينى كنت بكلمها ان ماما تروح لها تكشف فى القصر على اساس انها هتاخد بالها منها وتكون تحت عينها

استغربت لقيتها بتصرخ فى وشى وبتقولى اوعى توديها مفيش تعقيم خالص واللى هيدخل بمرض هيطلع بمليون مرض وفيروس مفيش اى تعقيم حقيقى بالمستشفى

انا جالى حاله ذهول مستشفى من غير ادوات معقمه

هو محدش شاف برنامج البيت بيتك و الناس اللى دخلوا اولادهم مستشفى معينه مش فاكر اسمها ايه و الولاد طلعوا منها بفيرس C شافاهم الله و عافانا

و كمان لما نكون فى بلد مابنهتمش بحاجه غير اننا نغلى الأسعار و بس ولا بنهتم بعلم ولا بأختراع ولا بنساعد العلماء و المخترعين على دراستهم و المنح المفروض ياخدوها لأن مش كل عبقرى معاه فلوس

طبعآ منغير ما أشرح فى خارج مصر و بالذات فى الدول الأوربيه بيعاملوا العلماء ازاى
امال يعنى احمد زويل اخد جايزة نوبل منين و دراسته كانت فين

و الدكتور لما بيتخرج بياخد مرتب كام؟ علشان كده مابيهتموش بالدراسه مجرد واجهه اجتماعيه بس علشان يبقى دكتور فلان

**elayat** · 07-05-2008 05:59 PM

أسأل الله العظيم رب العرش العظيم أن يشفى زوجتك

داوو مرضاكم بالصدقة
والله المستعان

**meza** · 07-05-2008 06:09 PM

ربنا يشفيلك زوجتك يا أستاذ turbo man

اللى أعرفه إن قسم الأورام فى كلية طب عين شمس حلو جداً و فيه دكاترة متميزين ..... لو حضرتك تقدر تقابل حد فيهم يساعدك فى معرفة العلاج المظبوط ... يبقى كويس قوى.

فى أسماء مشهورة قوى فى القسم بس بصراحة مش فاكر و لا إسم لأن ذاكرتى ضعيفة فى الأسماء ... بس حضرتك لو سألت هتعرف على طول.

**MohabSaeed** · 07-05-2008 06:38 PM

اسأل الله ان يشفى زوجتك .

انا مش قادر اقول حاجه .... غير

ارحمنا يا رب

**sss** · 07-05-2008 06:39 PM

عليك بالصدقة و الدعاء " داوو مرضاكم بالصدقة"
"اللهم رب الناس اذهب البأس اشف انت الشافي لا شفاء ألا شفائك, شفاءا لا يغادر سقما"
شفاها الله و عفاها و لا تحزن فحتى الشوكة يشاكها المؤمن له بها مغفرة

**elham** · 07-05-2008 07:38 PM

ربنا يمن على زوجتك بالشفاء

-

الموضوع: الكارثة

LinkBack

أدوات الموضوع

عرض

-

-

-

المواضيع المتشابهه

ساعدونى بسرعة قبل الكارثة يا تريوسية

الكارثة اللي إسمها المقطورة

الحق بيع عربيتك الان قبل الكارثة

الفرامل و الكارثة المروعة

يا خبر اسود..شوفتوا الكارثة دي!! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة