فين افضل مكان لكورس فوتوجرافي (عمالقة التصوير في المنتدى)

**Ahmed Selim** · 04-08-2011 10:40 PM

حاول على الفيسبوك فيه مجموعات هدفها نشر ثقافة التصوير و تعليم الناس

التعليم بيكون عن طريق أنه بيعملوا رحلات تقريباً كل شهر مرة.....بتطلع رحلة و بتقابل ناس بتستفيد منهم كتير بدون مقابل ملحوظ.

أنا كنت مشترك فى مجموعة على الفيس بوك قبل ما أسافر و كنت بواظب بقدر الإمكان على أنى أطلع معاهم رحلات.....رحت معاهم وادى الحيتان فى الفيوم.....و جزيرة الدهب بقرب المعادى فى النيل.

أشتراكهم كان حاجة رمزية كل 6 شهور أو سنة حسب ظروفك.....على ما أذكر كان 60 أو 80 لل 6 شهور.

أسم الجروب كان cairo camera club
كل شهر برضه بيبقى فيه مقابلة فى المقر بتاعهم بالقرب من جاردن سيتى.....و عادة بيبقى فيه متحدث عن فن التصوير ( المرة اللى حضرت فيها كان فيه واحد شغال مع رويترز هو المتحدث )

و ساعات بيعملوا كورسات بمبالغ معقولة نسبياً.

و فيه برضه منتديات فيها معلومات و شرح زى ما أنت عاوز.......بس معظمها عربية و ليست مصرية زى UAE photographers او منتدى مصورى الإمارات.

ده غير الكتب اللى ممكن تعملها داونلود من على النت.

**rosebox** · 05-08-2011 01:31 AM

انا اسمع ان فيه كورسات فى المركز الثقافى الروسى اللى فى الدقى

**Most_H** · 05-08-2011 01:46 AM

+1

الموضوع دة عجبنى جدا

شكرا لصاحب الموضوغ اللى كتب

وشكرا للناس اللى ردت

**osama.m** · 05-08-2011 01:47 AM

شوف بردو بتوع فنون جميلة لاني فاكر ان في عندهم قسم تصوير .. شوفهم بياخدوا كورسات فين

وفي كتاب جامد حاول تنزلة The art of digital photography
والكاتب اسمة john hedgecoe هو عندي لو عايزة هحاول ارفعة ليك

**sayed911** · 05-08-2011 01:57 AM

من بحرة الصنح !! ها اطلب المركز الثقافي الروسي مع انه بكرة الجمعة بس ها اتصرف بقى :D :D ها اتشقلب و اوصلهم :D :D
وها اسئل واجيب تفاصيل اكتر

+1

الموضوع دة عجبنى جدا

شكرا لصاحب الموضوغ اللى كتب

وشكرا للناس اللى ردت

تحت امر حضرتك يا فندم وادينا كده بقينا اتنين :D

شوف بردو بتوع فنون جميلة لاني فاكر ان في عندهم قسم تصوير .. شوفهم بياخدوا كورسات فين

وفي كتاب جامد حاول تنزلة The art of digital photography
والكاتب اسمة john hedgecoe هو عندي لو عايزة هحاول ارفعة ليك

ها اجيبه حالا من على 4shared يا اسامة بيه :D مش ناوي توريني اعمالك والمعرض بتاعك بقى :D انا على فكرة فيه صورة فاكرها ليك من زمن الزمن !! صورة العربية بتاعت حضرتك لما كنت مصور جنب الفانوس وورا في الخلفية كبري قصر النيل غالبا كانت الصورة حتى الأن عالقة في ذهني بصراحة يا استاذ اسامة وبإمتياز !! يعني انتا شايف اني اقضيها كتب وفيديوهات دي افضل كورس حاليا صح كده ؟

**sayed911** · 05-08-2011 02:01 AM

ووالله يا جماعة الجروبات في فليكر برضه مفيدة بس مش بالحد القوي جدا يعني ممكن عارف انا بعمل ايه !! اشوف اللقطة في فرح مثلا !! اشوف خصائص الكام !!
وكل حاجة اكتبها في ورقة ! ولما تتطابق معايا نفس الظروف اضبط الكام على نفس الإعدادات وافضل العب فيها لحد ما اوصل لنفس النتيجة !! واكيد مع الوقت الورق ده بيروح في حتت تانية ولكن انا عندي انه اتعلم الخاصية من الصح يعني فرق الأيزو يعمل ايه سرعة الشاتر تعمل معايا ايه وهكذا بقى :d

**joe_techno** · 05-08-2011 02:13 AM

في مصور مشهور اسمه فادي جواني بيصور افراح و بيدي كورسات تصوير دي الصفحة بتاعه علي الفيسبوك
Fadi Gwanny (Gwannian Photography) - School | Facebook
هتلاقي علي الشمال tab اسمه school في ارقام تليفونات ممكن حضرتك تسال

**osama.m** · 05-08-2011 02:18 AM

المشاركة الأصلية كتبت بواسطة sayed911

ها اجيبه حالا من على 4shared يا اسامة بيه :d مش ناوي توريني اعمالك والمعرض بتاعك بقى :d انا على فكرة فيه صورة فاكرها ليك من زمن الزمن !! صورة العربية بتاعت حضرتك لما كنت مصور جنب الفانوس وورا في الخلفية كبري قصر النيل غالبا كانت الصورة حتى الأن عالقة في ذهني بصراحة يا استاذ اسامة وبإمتياز !! يعني انتا شايف اني اقضيها كتب وفيديوهات دي افضل كورس حاليا صح كده ؟

يابني بلاش تضرب فول و انت بتتسحر
الاول بس ركز انت بتكلم مين انا من اسكندرية يا عم اية اللي هيوديني عند كوبري قصر النيل .. انا اسامة بتاع الحلقات بتاعتك وتويتر يا سيد

**sayed911** · 05-08-2011 02:46 AM

في مصور مشهور اسمه فادي جواني بيصور افراح و بيدي كورسات تصوير دي الصفحة بتاعه علي الفيسبوك
Fadi Gwanny (Gwannian Photography) - School | Facebook
هتلاقي علي الشمال tab اسمه school في ارقام تليفونات ممكن حضرتك تسال

بسسسسسسسسسسسسسسسسسسسسسسسس سسسسسسسسسسسسسسسسسسس كده هوة ده اللي انا عايزه !! كثر الله من خيرك يا فندم بجد والله !! هوة ده اللي انا عايزه !! كورس عند حد محترف !! انا شايف الصور في البيج الحقيقة اكثر من ممتازة وبقوة !!! بجد انا سجلت الرقم وبكرة الصبح اول حاجة ها اعملها هية اني ها استفسر عن المدرسة وعن التعليم الكامل نظامه ايه ومواعيده ومتطلباته واسعاره انا بجد شاكر بجد جدا لحضرتك

يابني بلاش تضرب فول و انت بتتسحر
الاول بس ركز انت بتكلم مين انا من اسكندرية يا عم اية اللي هيوديني عند كوبري قصر النيل .. انا اسامة بتاع الحلقات بتاعتك وتويتر يا سيد

هههه والله ما باكل فول من اساسه عشان عندي حساسية منه !! تصدق بالله !! لا اله الا الله !! انا لحد دلوقتي لسة متسحرتش :D والله فكرتني انا عمال اقول فيه حاجة تايها مني !!
انا نزلت الكتاب على فكرة وعجبني فيه انه في المقدمةب تاعت الفهرس فيها
Color و الـ Depth فيهم تفاصيل جميلة جدا لحد دلوقتي قريتها بتسرع كده :D والله يا فندم عارف انه معاليك اسامة بيه اللي لا يختلف عليه اتنين بس انتا عارف الناس الكبارة اللي زي حالتنا ملهمش في الحاجات دي :D ههه بس انا فاكر الصورة دي كويس جدا يبقى كان الكورنيش مش النيل !! بس انا فاكرها كويس جدا الصورة دي !! لا يمكن انسى صورة كويسة انا :D

-

الموضوع: فين افضل مكان لكورس فوتوجرافي (عمالقة التصوير في المنتدى)

LinkBack

أدوات الموضوع

عرض

-

-

-

-

-

-

-

-

المواضيع المتشابهه

أفضل مكان لكورس محادثة إنجليزي

الى فتيات المنتدى احذروا من كاميرا التصوير

مكان لكورس محاسبة

اقوي مقارنه علي الاطلاق عمالقة الكوري ضد عمالقة الياباني

ما هو افضل مكان لصلاة التراويح فى رمضان و من هو افضل مقرىء للقرأن ؟؟

الكلمات الدلالية لهذا الموضوع

المفضلات

المفضلات

ضوابط المشاركة