فين افضل مكان لكورس فوتوجرافي (عمالقة التصوير في المنتدى)

بسم الله الرحمن الرحيم

السلام عليكم ورحمة الله وبركاته

تحية طيبة وبعد

معلش يا جماعة انا قارفكم كل شوية في قسم بطلب يزهق ولكن ليا طلب بسيط عندكم

انا امتلك حاليا canon D550 والموضوع حتى الآن هواية بحتة !! ولكن الفكرة راشقة جدا في دماغي اني احول الهواية دي الى هواية بفهم !! هواية بإحتراف !! فعايز اسئل اساتذة التصوير في المنتدى هل في اماكن في القاهرة هنا لكورسات في التصوير من ناس بتفهم بجد !! مش واحد يقولي الزرار ده بيعمل كده والزرار ده بيعمل كده !! انا بتكلم عن حد يشرحلي التصوير في كل الظروف !!! اضاءة خافتة قاتمة قوية اشعاع !! انا عندي في الكلية قسم عمارة بياخد مادة اسمها فوتوجرافي ولكن مش مسموحلي اني احضرها حتى وان كان على سبيل التعلم !!
وانا اصلا بتابع قنوات اليوتيوب المحترفة لأكبر المصورين واعمال عربية ولكن عايز احول الهواية لإحتراف مباشر خصوصا واني ما يزال عندي لسة عدسة القياسية 18\55 مم وبفكر اطور من نفسي ولكن لسة محددتش مجال عشان كده محتاج اعرف ابدء منين !!
ياريت اماكن الكورسات وارقام تلفونات !!
وعاجز عن الشكر مقدما يا رجالة

ايه يا جماعة ده انا لو بسأل الإنشطار النووي في البلوتونيوم المشع كيف بتتم السيطرة عليه كان حد قالي بقضبان الكادميوم !! هوة السؤال مستحيل للدرجة دي :d
انا سمعت النهاردة انه فيه كورس في الـ auc ولكن معنديش معلومات نهائيا لحد دلوقتي

انا كنت بشوف أعلانات كورسات على ال فيس بوك بس بنكون أسعارها مبالغ فيها و بتكون يومين أو تلاته
مفكرتش تجرب تنزل ورش تصوير مع مصورين عندهم خبره ؟
هما بتجمعوا على ال fb و بيعملوا ايفينت بكل ورشه

الحقيقة مجربتش ممكن معلومات اكثر عن الفكرة دي ؟
انا الحقيقة الشئ الوحيد الللي لاقيته لحد دلوقتي هوا اليوتيوب !! المدرس الخاص لأي تلميذ :d

واحد صاحبى مهتم بالموضوع ده هساله و ارد عليك

اقتباس:

---

المشاركة الأصلية كتبت بواسطة sayed911

الحقيقة مجربتش ممكن معلومات اكثر عن الفكرة دي ؟
انا الحقيقة الشئ الوحيد الللي لاقيته لحد دلوقتي هوا اليوتيوب !! المدرس الخاص لأي تلميذ :d

---

بتكون حاجات زى دى كده
https://www.facebook.com/event.php?eid=133562200065282
و ليهم رابطه بتعتهم ممكن تشترك فيها :16:

متابع

انت هتغير نشاطك ولا اية يا سيد
كنت هقولك تدور يوتيوب و المواقع العربي .. في منتديات متخصصة في المجال دا و الناس اللي فيها محترفين جدا .. و تقدر تنزل صورتك و هما يقولولك كان المفروض تعمل اية وكدا .. وفيها اقسام للتعليم بردو من اول ظبط الايزو لحد تظبيط الاضائة الخارجية
انا شايف انها حل كويس جدا ليك دلوقتي عشان صعب تلاقي اللي في دماغك

اقتباس:

---

واحد صاحبى مهتم بالموضوع ده هساله و ارد عليك

---

ياريت يا حج دياب الله يخليك تكون عملت معايا الواجب فعلا :d

اقتباس:

---

بتكون حاجات زى دى كده
https://www.facebook.com/event.php?eid=133562200065282
و ليهم رابطه بتعتهم ممكن تشترك فيها :16:

---

متشكر جدا يا فندم ولكن تفتكر انهم ممكن يساعدوا مبتدئ بالشرح واللذي منه ولا هية ورشة عمل وتطبيق فقط ؟

اقتباس:

---

انت هتغير نشاطك ولا اية يا سيد
كنت هقولك تدور يوتيوب و المواقع العربي .. في منتديات متخصصة في المجال دا و الناس اللي فيها محترفين جدا .. و تقدر تنزل صورتك و هما يقولولك كان المفروض تعمل اية وكدا .. وفيها اقسام للتعليم بردو من اول ظبط الايزو لحد تظبيط الاضائة الخارجية
انا شايف انها حل كويس جدا ليك دلوقتي عشان صعب تلاقي اللي في دماغك

---

هههههه ادونا فرصتنا بقااااااااااااااااااااااا ااااااااااا هههههههه
والله انا متابع اليوتيوب بقوة فعلا !! ولكن مشكلة اني لقيت بتاع منتديين عربين متخصصين فعلا !! ولكن عارف ثقافة فنية منعدمة تماما للأسف هوة فيهم علم كبير اي نعم !! وفيهم فهم كبير اي نعم !! ولكن فن !! كل سنة وحضرتك طيب :8954[1]: يعني مصطلحات عايزة كتالوج ( تعريض - عزل - شتر ) انا عارف المصطلحات بلغتها !! انما عشان اقعد اترجمها ها اتسوح معاهم !!!! فأنا بتابعهم بصراحة في حاجتين تلاتة زي التصوير الدعائي مثلا و البورتريه لأنه دول مفيش فيهم ابداع هية خصائص وتنبيهات وكلك مات الكلام !! ولكن انا اللي كان مشجعني على فكرة الكورس هوة اني واثق تمام الثقة انه كل طلبة اعلام !! وطلبة كلية هندسة قسم عمارة بياخدوا كورس فوتوجرافي كامل !! حتى عندنا !!! ولما طلبت اني اسجل نفسي فيه قالي بيتططلب كورسات قبله زي تاريخ الفن وهذيان كده ووجع قلب فأديني بدور ولسة !! برة كانت الأستديوهات الخاصة بالتحميض بتديلك هية الدورة مع هدايا قيمة جدا جدا جدا ولكن هنا كل عام وانتا بخير :d وشاكر جدا لحضرتك يا استاذ اسامة !!

انا داخل الموضوع برضه دماغى جدا لانى بحب التصورير اوى
و اللى اعرفه ان فيه كورسات فى ساقيه الصاوى

و اهو متابعين معاك

حاول على الفيسبوك فيه مجموعات هدفها نشر ثقافة التصوير و تعليم الناس

التعليم بيكون عن طريق أنه بيعملوا رحلات تقريباً كل شهر مرة.....بتطلع رحلة و بتقابل ناس بتستفيد منهم كتير بدون مقابل ملحوظ.

أنا كنت مشترك فى مجموعة على الفيس بوك قبل ما أسافر و كنت بواظب بقدر الإمكان على أنى أطلع معاهم رحلات.....رحت معاهم وادى الحيتان فى الفيوم.....و جزيرة الدهب بقرب المعادى فى النيل.

أشتراكهم كان حاجة رمزية كل 6 شهور أو سنة حسب ظروفك.....على ما أذكر كان 60 أو 80 لل 6 شهور.

أسم الجروب كان cairo camera club
كل شهر برضه بيبقى فيه مقابلة فى المقر بتاعهم بالقرب من جاردن سيتى.....و عادة بيبقى فيه متحدث عن فن التصوير ( المرة اللى حضرت فيها كان فيه واحد شغال مع رويترز هو المتحدث )

و ساعات بيعملوا كورسات بمبالغ معقولة نسبياً.

و فيه برضه منتديات فيها معلومات و شرح زى ما أنت عاوز.......بس معظمها عربية و ليست مصرية زى UAE photographers او منتدى مصورى الإمارات.

ده غير الكتب اللى ممكن تعملها داونلود من على النت.

اقتباس:

---

انا داخل الموضوع برضه دماغى جدا لانى بحب التصورير اوى
و اللى اعرفه ان فيه كورسات فى ساقيه الصاوى

و اهو متابعين معاك

---

والله الإخوة ادونا كذى مسلك برضه اهو يفيدونا في حاجات مختلفة في البحث عن بداية الخيط :d

اقتباس:

---

حاول على الفيسبوك فيه مجموعات هدفها نشر ثقافة التصوير و تعليم الناس

التعليم بيكون عن طريق أنه بيعملوا رحلات تقريباً كل شهر مرة.....بتطلع رحلة و بتقابل ناس بتستفيد منهم كتير بدون مقابل ملحوظ.

أنا كنت مشترك فى مجموعة على الفيس بوك قبل ما أسافر و كنت بواظب بقدر الإمكان على أنى أطلع معاهم رحلات.....رحت معاهم وادى الحيتان فى الفيوم.....و جزيرة الدهب بقرب المعادى فى النيل.

أشتراكهم كان حاجة رمزية كل 6 شهور أو سنة حسب ظروفك.....على ما أذكر كان 60 أو 80 لل 6 شهور.

أسم الجروب كان cairo camera club
كل شهر برضه بيبقى فيه مقابلة فى المقر بتاعهم بالقرب من جاردن سيتى.....و عادة بيبقى فيه متحدث عن فن التصوير ( المرة اللى حضرت فيها كان فيه واحد شغال مع رويترز هو المتحدث )

و ساعات بيعملوا كورسات بمبالغ معقولة نسبياً.

و فيه برضه منتديات فيها معلومات و شرح زى ما أنت عاوز.......بس معظمها عربية و ليست مصرية زى uae photographers او منتدى مصورى الإمارات.

ده غير الكتب اللى ممكن تعملها داونلود من على النت.

---

انا فعلا لقيت الجروب ده يا فندم ولقيت انه الإشتراك فيه رمزي جدا فعلا 120 جنيه للمبتدئ و 80 للمحترف وفعلا المبلغ لا يقارن بشئ ولقيتب رضه ورشة ثانية ولكن لازم تستعمل معداتهم وهوة ده الشئ اللي معجبنيش يعني انا عندي البودي واللينس والترايبود بتوعي ايه لازمة الإجبار على الإستعمال في حاجات تانية :d
تفتكر حضرتك في مصر هنا تعتبر كبداية كويسة حضور الورش دي وعرض الأعمال على المنتديات العربية يعتبر بداية كويسة ولا محتاج ابحث في طريق تانية كمان ؟ لأنه بصراحة الورش ها تبقى بالنسبالي ممتازة مواعيده كويسة وتعتبر فحسة وتعليم من اتجاه تاني فحضرتك انا منتظر رأيك هل يعتبروا الإتنين دول كبداية كافيين ؟

انا اسمع ان فيه كورسات فى المركز الثقافى الروسى اللى فى الدقى

+1

الموضوع دة عجبنى جدا

شكرا لصاحب الموضوغ اللى كتب

وشكرا للناس اللى ردت

شوف بردو بتوع فنون جميلة لاني فاكر ان في عندهم قسم تصوير .. شوفهم بياخدوا كورسات فين

وفي كتاب جامد حاول تنزلة The art of digital photography
والكاتب اسمة john hedgecoe هو عندي لو عايزة هحاول ارفعة ليك

من بحرة الصنح !! ها اطلب المركز الثقافي الروسي مع انه بكرة الجمعة بس ها اتصرف بقى :D :D ها اتشقلب و اوصلهم :D :D
وها اسئل واجيب تفاصيل اكتر

اقتباس:

---

+1

الموضوع دة عجبنى جدا

شكرا لصاحب الموضوغ اللى كتب

وشكرا للناس اللى ردت

---

تحت امر حضرتك يا فندم وادينا كده بقينا اتنين :D

اقتباس:

---

شوف بردو بتوع فنون جميلة لاني فاكر ان في عندهم قسم تصوير .. شوفهم بياخدوا كورسات فين

وفي كتاب جامد حاول تنزلة The art of digital photography
والكاتب اسمة john hedgecoe هو عندي لو عايزة هحاول ارفعة ليك

---

ها اجيبه حالا من على 4shared يا اسامة بيه :D مش ناوي توريني اعمالك والمعرض بتاعك بقى :D انا على فكرة فيه صورة فاكرها ليك من زمن الزمن !! صورة العربية بتاعت حضرتك لما كنت مصور جنب الفانوس وورا في الخلفية كبري قصر النيل غالبا كانت الصورة حتى الأن عالقة في ذهني بصراحة يا استاذ اسامة وبإمتياز !! يعني انتا شايف اني اقضيها كتب وفيديوهات دي افضل كورس حاليا صح كده ؟

ووالله يا جماعة الجروبات في فليكر برضه مفيدة بس مش بالحد القوي جدا يعني ممكن عارف انا بعمل ايه !! اشوف اللقطة في فرح مثلا !! اشوف خصائص الكام !!
وكل حاجة اكتبها في ورقة ! ولما تتطابق معايا نفس الظروف اضبط الكام على نفس الإعدادات وافضل العب فيها لحد ما اوصل لنفس النتيجة !! واكيد مع الوقت الورق ده بيروح في حتت تانية ولكن انا عندي انه اتعلم الخاصية من الصح يعني فرق الأيزو يعمل ايه سرعة الشاتر تعمل معايا ايه وهكذا بقى :d

في مصور مشهور اسمه فادي جواني بيصور افراح و بيدي كورسات تصوير دي الصفحة بتاعه علي الفيسبوك
Fadi Gwanny (Gwannian Photography) - School | Facebook
هتلاقي علي الشمال tab اسمه school في ارقام تليفونات ممكن حضرتك تسال

اقتباس:

---

المشاركة الأصلية كتبت بواسطة sayed911

ها اجيبه حالا من على 4shared يا اسامة بيه :d مش ناوي توريني اعمالك والمعرض بتاعك بقى :d انا على فكرة فيه صورة فاكرها ليك من زمن الزمن !! صورة العربية بتاعت حضرتك لما كنت مصور جنب الفانوس وورا في الخلفية كبري قصر النيل غالبا كانت الصورة حتى الأن عالقة في ذهني بصراحة يا استاذ اسامة وبإمتياز !! يعني انتا شايف اني اقضيها كتب وفيديوهات دي افضل كورس حاليا صح كده ؟

---

يابني بلاش تضرب فول و انت بتتسحر
الاول بس ركز انت بتكلم مين انا من اسكندرية يا عم اية اللي هيوديني عند كوبري قصر النيل .. انا اسامة بتاع الحلقات بتاعتك وتويتر يا سيد

اقتباس:

---

في مصور مشهور اسمه فادي جواني بيصور افراح و بيدي كورسات تصوير دي الصفحة بتاعه علي الفيسبوك
Fadi Gwanny (Gwannian Photography) - School | Facebook
هتلاقي علي الشمال tab اسمه school في ارقام تليفونات ممكن حضرتك تسال

---

بسسسسسسسسسسسسسسسسسسسسسسسس سسسسسسسسسسسسسسسسسسس كده هوة ده اللي انا عايزه !! كثر الله من خيرك يا فندم بجد والله !! هوة ده اللي انا عايزه !! كورس عند حد محترف !! انا شايف الصور في البيج الحقيقة اكثر من ممتازة وبقوة !!! بجد انا سجلت الرقم وبكرة الصبح اول حاجة ها اعملها هية اني ها استفسر عن المدرسة وعن التعليم الكامل نظامه ايه ومواعيده ومتطلباته واسعاره انا بجد شاكر بجد جدا لحضرتك

اقتباس:

---

يابني بلاش تضرب فول و انت بتتسحر
الاول بس ركز انت بتكلم مين انا من اسكندرية يا عم اية اللي هيوديني عند كوبري قصر النيل .. انا اسامة بتاع الحلقات بتاعتك وتويتر يا سيد

---

هههه والله ما باكل فول من اساسه عشان عندي حساسية منه !! تصدق بالله !! لا اله الا الله !! انا لحد دلوقتي لسة متسحرتش :D والله فكرتني انا عمال اقول فيه حاجة تايها مني !!
انا نزلت الكتاب على فكرة وعجبني فيه انه في المقدمةب تاعت الفهرس فيها
Color و الـ Depth فيهم تفاصيل جميلة جدا لحد دلوقتي قريتها بتسرع كده :D والله يا فندم عارف انه معاليك اسامة بيه اللي لا يختلف عليه اتنين بس انتا عارف الناس الكبارة اللي زي حالتنا ملهمش في الحاجات دي :D ههه بس انا فاكر الصورة دي كويس جدا يبقى كان الكورنيش مش النيل !! بس انا فاكرها كويس جدا الصورة دي !! لا يمكن انسى صورة كويسة انا :D

ها
وصلت ل أيه :)

والله يا فندم انا كلمت فادي جواني النهاردة وشوفت الكورس بتاعهم :d
لقيته بيقولي الكورس لوحده تمنه 2600 جنيه :d لمدة شهرين يومين في الأسبوع من 6 الى 8 !! قولتله مبدئيا انا شهرين بالنسبالي مدة طويلة جدا قالي وممكن يبقى ونص كمان حسب مستواك !! المتطلبات كام dslr والعدسة تكون الإستاندرد بتاعتها مش مطلوبة فيها اي تعديل ولكن انا قولتله المواعيد مش مناسبة ليا نهائيا !! فقالي انتا تيجي تشوف المواهيد لأنه فيه من 6 لـ 8 وفيه من 8 لـ 10 !!! ولكن بصراحة مرتين في الأسبوع بالنسبالي حاسس انه الكورس مكثف فأخدت العنوان هوة في روكسي وان شاء الله ها اروح افضل اشوف المكان على الطبيعة واعرف الطبيعة بشكل افضل

انا اعرف سنتر حلووو اوووى بيعمل ورش عمل تصوير فوتوغرافى
اسمو تواصل اكاديمى فى المنيل و اسعاره معقولة شوية

اكون شاكر يا فندم لو وصلتيني بنمر التلفونات بتعاتهم حتى على الأقل :d