رابطة حائزى فلوينس سيدان و ميجان هاتش باك 3 --مشاركات 2011

**bukla** · 04-08-2011 12:55 AM

السلام عليكم و رحمه الله و بركاته
كل عام و حضراتكم بخير ربنا يتقبل منا و المسلمين جميعا الصيام و القيام و صالح الاعمال
انا فتحت الموضوع الجديد دة كما هو واضح من العنوان لإضافة الاخت الصغيرة الهاتشباك الميجان 3 للرابطة و بألاصالة عن نفسي و بالنيابة عن جميع حائزى الفلوينس السيدان برحب بإخواتنا حائزى الميجان 3 و اتمنى من ربنا يقدرنا و نكون جميعا (و انا بتكلم بصيغة الجمع بالنيابة عن جميع اعضاء الرابطة) خير عون لكل من يمتلك اي من العربيتين او حتى للى بيفكر فى امتلاك احدهما و عايز يعرف اى معلومة عن العربيتين او حتى بيشتكى من اى عيب و عايز مساعدة او معلومة تطمنة و تعرفة كيفية التعامل مع العيب دة
و دة رابط الموضوع القديم رابطة حائزى الفلوينس علشان ما نخسرش المجهود المبذول و المعلومات القيمة فى المشاركات السابقة
http://www.nilemotors.net/Nile/14708...post3873702947
بالتوفيق للجميع ان شاء الله

**wawoo** · 04-08-2011 10:03 AM

و انت بخير يا بوكلا و كل اعضاء المنتدى و رواد قسم الرينو بخيرو صحة و سلام ان شاء الله ..

ان شاء الله يكون الجزء الثانى من الرابطة مفيدة و مثمرة لكل لملاك هذة المودلات ..خاصة وانها تشترك فى عدة مواصفات ميكانيكية و الكترونية..مما يعزز فرص الاستفادة من المعلومات المشتركة ..مع خصوصية كل موديل فى باقى الاختلافات ..

تحياتى لك و لكل من يشارك بجهد و معلومات او نصائح فى كل القسم الرينو ..

**bukla** · 04-08-2011 07:20 PM

المشاركة الأصلية كتبت بواسطة a7aaa

السلام عليكم يا احلى اعضاء في المنتدى .. انا بفضل الله استلمت الفلوينس من اسبوعين بعد اما تابعت الموضوع هنا لمدة 6 شهور تقريبا و الحمدلله مش مخيبة املي خالص بل بالعكس تستاهل فلوسها و ماشاء الله انا ابتديت اشوفها بتنتشر جدا و الناس كلها بتشكر فيها.... ربنا بس يحفظنا ويدينا خيرها و يبعدنا عن شرها .. امين

كان عندي سؤال بسيط .. هو في صيانة 1000 كم و لا اول صيانة بتبقة ال 5000 و لو سمحتو ممكن تقولولي اروح توكيل العبور ازاي علما باني ساكن في مصر الجديدة؟

لكم جزيل الشكر

الف مبروك ربنا يديك من خيرها و يكفيك شرها
الاجابة على سؤالك كالاتى
مافيش صيانة فى ال 1000 و لا ال 5000 الصيانة فى ال 10000 و دة اجبارى علشان تغيير الزيت و الضمان لكن ممكن برضة تروح فى ال 5000 تعمل كشف مجانى على العربية و دة اختيارى
اما الطريق لتوكيل العبور بما ان حضرتك من مصر الجديدة يبقى تروح عند سندباد و تطلع كوبرى الاسماعيلية و تاخد طريق الاسماعيلية لغاية نفق العبور تنزلة و تطلع فى اتجاة كارفور العبور و من هنا بقى تمشى تبع الاسهم اللى على اليفط الخاصة برينو لغاية ما توصل بالسلامة
بالتوفيق ان شاء الله

**wawoo** · 05-08-2011 03:54 PM

المشاركة الأصلية كتبت بواسطة tarekway

انا امبارح كلمت مهندس من الصيانه عشان اساله هل فى جديد بالنسبه لموضوع ان العربيه ما بتجبش اكتر من 180

180 و زعلان ..

مافيش شوارع او طرق فى مصر مصممة لاكثر من 140 كليو ..اساسا ..مع فوضى المرور و عدم احترام اى قواعد من البعض ..

انصحك نصيحة اخوية السرعة افة خطيرة و خاصة على الطرق المصرية..تجنبها افضل قبل ما يقع ملا يحمد عقباة

**Dr A7mad** · 05-08-2011 09:46 PM

المشاركة الأصلية كتبت بواسطة bukla

الف مبروك ربنا يديك من خيرها و يكفيك شرها
الاجابة على سؤالك كالاتى
مافيش صيانة فى ال 1000 و لا ال 5000 الصيانة فى ال 10000 و دة اجبارى علشان تغيير الزيت و الضمان لكن ممكن برضة تروح فى ال 5000 تعمل كشف مجانى على العربية و دة اختيارى
اما الطريق لتوكيل العبور بما ان حضرتك من مصر الجديدة يبقى تروح عند سندباد و تطلع كوبرى الاسماعيلية و تاخد طريق الاسماعيلية لغاية نفق العبور تنزلة و تطلع فى اتجاة كارفور العبور و من هنا بقى تمشى تبع الاسهم اللى على اليفط الخاصة برينو لغاية ما توصل بالسلامة
بالتوفيق ان شاء الله

ألف شكر يا بوكلا ربنا يخليك

المشاركة الأصلية كتبت بواسطة tarekway

انا امبارح كلمت مهندس من الصيانه عشان اساله هل فى جديد بالنسبه لموضوع ان العربيه ما بتجبش اكتر من 180
اتصدمت فى حاجتين 1- اسلوب كلامه معايا وحش وبيرد بنرفزه
2- قالى العربيه اخرها كده
انا كان معايا سيفيا مو 2000 وكنت باجيب بيها 200 و210
فهل حد عنده معلومه عن موضوع ال180 لانى كنت سامع ان التوكيل حيعالج الموضع ده

يا اخي السرعة في اي مكان خطر جدا و خاصة في مصر و انا عن نفسي عايش في الكويت و الطرق هنا مصممة زي طرق اوروبا السريعة كدة و مع ذلك محدش بيزيد عن 200 فما بالك مصر؟ و عن ال 180 فده كويس جدا بالنسبة لانها 105 حصان ووزنها التقيل مقارنة بمثيلاتها من نفس الفئة

**ahmadm** · 06-08-2011 01:53 AM

الف مبروك على الموضوع الجديد انشاء الله يثري القراء و المشاركين

**tarekway** · 06-08-2011 03:45 AM

يا جماعه انا مش بجرى بالعربيه خالص ده هى مره واحده كنت فى طريق العلمين واكتشفت ان اخرها 180 فقلت اسال لان برده كان فى ناس هنا فى الرابطه بيتكلموا على الموضوع ده

اما بالنسبه لحجمها فالسيقيك زيها بس بتجيب 220 واكتر

**bukla** · 06-08-2011 10:58 AM

المشاركة الأصلية كتبت بواسطة tarekway

يا جماعه انا مش بجرى بالعربيه خالص ده هى مره واحده كنت فى طريق العلمين واكتشفت ان اخرها 180 فقلت اسال لان برده كان فى ناس هنا فى الرابطه بيتكلموا على الموضوع ده

اما بالنسبه لحجمها فالسيقيك زيها بس بتجيب 220 واكتر

السلام عليكم و رحمة الله و بركاتة
استفسارك منطقى ان مش شايف فية حاجة
بس حابب اطمنك انا برضة الصيف اللى فات كنت مسافر فى طريق العلمين و كنت محمل فى العربية 5 افراد غير الشنط و برضة ما جابتش معايا اكثر من 180 لكن فى الشتاء اللى فات كنت رايح العين السخنة و بنفس العدد و انا رايح فى اول الطريق جربت اجرى برضة ماكانتش عايزة تعدى ال 170 طفيت التكييف و غيرت الفتيس على الستيب ترونيك يا دوب لمست ال 190 بالعافية اما بقى و انا راجع برضة ابتديت اجرى شوية بشوية لقيت العربية ابتدت تفتح شوية كمان و جابت ال 200 و كنت حاسس انها ممكن تزيد عن كدة كمان (واضح ان الموتور فقط كان محتاج يتفتح) المهم فجأة لمحت مطب على الطريق من النوع اللى تحس فية الاسفلت بيبقى فية منخفض (مطب هوى) المهم دوست فرامل و نزلت سرعة العربية ل 160 او 170 و خدت المطب و حسيت ان العربية مرجحت لكن الحمد الله لمت بسرعة قولت كفاية جرى بقى و الحمد الله على كدة
طبعا انا مع الاخوة تماما فى ان الجرى بالسرعات دى مالوش لزمة و خطر ربنا يكفينا جميعا شر الطريق لكن هيا بتبقى مرة كدة الواحد بيبقى عايز يشوف عربيتة ممكن تجيب لغاية كام
بالتوفيق ان شاء الله