الموضوع: صوت طقه فى العفشه

المشاركة الأصلية كتبت بواسطة eng f3lix

الحقيقة والله انا معنديش فكرة انا لقيت الموضوع قولت اقول راي جايز يكون صح ويساعدك
المشكلة ان الحاجة الاصلية بتبقى نادرة اوي علشان كدة متستعجلش فيهم واسأل هنا واسأل هنا لحد ماتلاقي الاصلي
بص بصة كدة في دمشق وان شاء الله تلاقي حاجة كويسة

ياباشا مع احترامي لحضرتك مفيش حاجة اسمها الاصلي نادر الاصلي الاورجينال اللي راكب في العربية متوفر في التوكيل ياباشا وتحياتي لحضرتك ........

السلام عليكم
انا معرفش اللى هقوله ده هو اللى عندك بالظبط ولا الطقة من حاجة تانية
بس انا كان عندى طقة فى الشمال كل لما اجى اطلع او افرمل اسمعها وكانت رزله اوى
روحت لعفشجى قالى عاوزة جلبة .. وواحد صاحبى قالى دى عاوزة جلبة ياعم (معاه لانسر برده )
روحت لعفشجى تانى وضحلى الامور وشرحلى
قالى المسمار بتاع المقص الشمال ده المفروض فى العربية دى بيربط جوة فى القنطرة والقلوظة اللى جوة القنطرة باظت بمعنى انه يفضل يربط المسمار ويربط كمان وكمان وهوب المسمار يرجع يفك ويعوز يتربط تانى فانت لما تيجى تطلع على الطريق ومع الفرمله والمطبات والارض المعفة اللى فى مصر فيتفك على طول
فقلتله ايه الحل
قالى هنروح عند بتاع اللحام هنشيل الفرشة اللى ورا الدواسات ومنها نفتح فتحه صغيرة حوالى 4 سم فى 6 سم والمهم يعنى هيحط منها صاموله جامده ويلحمها فى القنطرة من فوق ويدخل المسمار ويربط وبكده يبقى المسمار اتربط
فانا طبعا قلت مستحيل اعمل لحام فى العربية حتى لو هيبقى فى القنطرة من فوق ولايمكن تنشاف ورفضت وخلعت من عنده رغم انى اعرفه كويس واعرف انه عفشجى جامد .
وكلت صاحبى اللى معاه لانسر قلتله برده قالى لا يعم متعملش للحام ولا حاجة وروح ركب جلبة
المهم انا قبل كده كنت بتدرب فى مركز الصفوة (مركز صيانة المتسوبيشى فى اسكندرية) فالمهم قلت اروح اشوف ايه الوضع هناك واسأل فقبل مسأل المهندس قلت ادخل الاول اسأل الفنيين اللى جوة (الميكانيكيه) وهما عارفنى وهيقلولى ايه الحل فسالت اول واحد قالى والله انا مقدرش افتيك غير لما اشوف هتهالى فى الورشة بتاعتى برا وانا اعرفلك فيها ايه بالظبط ههههههههههههه انا ساعتها فهمت انه عاوزنى اروحله وخلاص .. روحت للتانى فقالى لازم نقطع ونلحم من جوة برده لان فى عربيات لانسر كتير بيحصل معاها كده مش انت لوحدك يعنى بس قالى مكان غبر قوى للقطع واللحام مكان باين لاى حد ينزل تحت العربية هيشوفه .. المهم طلعت بعد كده بقى للبشمهندس وسالته ورده كان نفس رد العفشجى اللى برا التوكيل وقالى ملهاش حل تانى غير انك تشيل الفرش اللى على الارض اللى ورا الدواسات ومنه نفتح فتحه ونركب الصامولة ونلحمها وبكده تبقى زى الحديد وومفيش ولا جلب ولا حاجة . وقالى تعالا وسبلى العربية وانا هعملهالك وطبعا انا كنت واثق فيه لاننا مهندسين زى بعض وكنت بقعد معاه وكنت بتعلم منه .. وقالى هنعمل معاك الواجب فى الفاتورة بس بصراحه انا برغم انى اشتغلت فى توكيلات كتير واتدربت فى توكيلات كتير الا انى مش بودى عربيتى التوكيل خالص (غير فى مرة كنت مضطر) المهم ودتها للراجال العفشجى اللى رحتله فى الاول خالص وعملهالى والصوت اختفى وبقالها سنة الحمد لله وماشية تمام .
فانت شوف لو هو المسمار بتاع المقص اللى بيربط فى القنطرة يبقى كده اعمل زى مانا عملت ومتخفش لان ده الحل اللى بيتعمل فى التوكيل ..(وعلى فكرة الناس اللى هنا فى المنتدى كانت قالتلى متعملش لحام لكن لما روحت التوكيل بنفسه قالى لازم اللحام ده ).
ومعلش طولت عليك