الموضوع: تغيير زيت الفتيس للياريس في مكان خارج التوكيل

مع انى مش فاهم من اول الفاتوره بتاعت الخروف دى بس بقولك ما تغيرش لا زيت ولا ميه الرادياتير دلوقتى خلي الميه على 100 الف كيلو وتكون نوعها لادا

وزيت الفتيس على 150 الف كيلو علشان الزيت الاصلى ما بيتعوضش ولو طلبت معاك اوى زيت الفتيس بيتغير من طبه تحت العربيه بينزل منها كل الزيت واشترى زيت فتيس تويوتا الاصلى بيتباع عند بتوع قطع الغيار وماتحطش موبل علشان وحش

طيب انا عندي ساعات و انا بجيب الغيار الثالث و الرابع بيكون في صوت تصفير كده مش عارف بقي المشكله دي من زيت الفتيس مع العلم ان عربيتي عاوز طقم دبرياج هغيره ان شاء الله قريب و العربيه عامله 78 الف كيلو مو 2006 ياريت تفيدوني صوت التصفير ده العربيه عاوزه زيت فتيس ولا طقم الدبرياج بيصفر في النقلات لما بيكون عاوز يتغير

علي فكرة موضوع الصفارة ده حصل معايا و دطلع حاجة اتفه ما يكون
افتح الكبوت و بص علي المجموعة اللي بتنقل حركة عصاية الفتيش لفرش الدبايرش هتلاقيها اكتر من كوع حوالي 2 راكبين عكس بعض خلي حد يحرك الفتيس و طبعا و العربية مبطلة كانه بيااخد كل الغيارت و غرق الكويت دول بزيت بس و جرب و ادعيلي

منهم لله بتوع البرجسي النصابين غيرلي زيت الفتيس مرتين من نفسه من غير حتي ما يقوللي وما كانش فيه اي مشكلة

المشاركة الأصلية كتبت بواسطة dr_maged1975

علي فكرة موضوع الصفارة ده حصل معايا و دطلع حاجة اتفه ما يكون
افتح الكبوت و بص علي المجموعة اللي بتنقل حركة عصاية الفتيش لفرش الدبايرش هتلاقيها اكتر من كوع حوالي 2 راكبين عكس بعض خلي حد يحرك الفتيس و طبعا و العربية مبطلة كانه بيااخد كل الغيارت و غرق الكويت دول بزيت بس و جرب و ادعيلي

بجد انا مش عارف اقولك ايه انا الصوت ده كان غيظني جدا و مش مريحني بس قولت اجرب الي قولتلي عليه و فعلا جربت و التصفير راح بس يا رب مش يرجع تاني و شكرا لييك جدا و ربنا يجزيك كل خيير

لو زيت الفتيس الأتوماتيك لازم تغيره عند 40 الف . انا غيرته عند مركز خدمة تويوتا في صقر قريش وهو عنده زيت تويوتا الأصلي بـ 300 جنيه وانا عملت عنده صيانة 40 ألف اتكلفت 820 قطع غيار (زيت فتيس - بوجيهات - فلتر هواء - زيت محرك شيل 10000كم - فلتر زيت) جميع قطع لغيار اصليه والمصنعية 85 جنيه.
بس أنا لاحظت ان قطع الغيار عنده أغلى من البرجيسي ولما سألته قالي ان معظم مكسبه في قطع الغيار ولو عاوز تجيب قطع الغيار من بره وهوا يركبها قالي مفيش مشكله.